PUASAINA 15:7 - Mara Bible RV (BSI)

⁷ Nâ beina rônahna ta châ dyuhtuhpazy thy pathlah chi ta, Na hiehâhna papua chi ta, Sawphao hawhta a kâ khai ha ei.

PUASAINA 15:7 ပူးပေါင်းရင်းမြစ်များ

ZAWBÂ 9:4

Ano cha a palôh so ta, Thatlô hmotaotheipa a châ. A chô liata kuh a pachha ta, Hlaotlohpa ahy ma a y?

HLAZY 148:13

Ano moh deita cheihchalo tlâhpa a châpa vâta, Abeipa moh cha reithai mawh ei sy; A rônahna cha alei nata avâ hlâta a sâh via.

HLAZY 59:13

Âmo cha na pathiiana ta kâsao khai sala, Khazohpa cha Zakaw pathlazy chô liata ryureih ta, Khizaw kaokih taihta ryu a reih tahpa pahno mawh ei sy. Selah

HLAZY 68:33

Avâzy chô a kiahpa lâta, Avâ hlôpazy chô a kiahpa lâ tlai ta, Reithaina hla sa muh vy. Moh teh u, a ao papua ha ta, A ao rônahpa a papua haw.

HLAZY 83:13

Hy ei Khazohpa, âmo cha doh khupa hawhta tao la, Thlih hmia liata sâh sihpa hawhta tao mah y.

PUASAINA 14:27

Mawsi ta tilaipi chô liata a ku pazawh ta, khih a vaw dei nahta, tilaipi cha a y tyhpa hawhta vaw y ha heih ta. Izi mo cha a râ ei ta, châhrasala Abeipa ta âmo cha tilaipi chhôh liata a thy khai ha ei.

PUASAINA 5:12

Chatanachata Izarei sawzy cha Izi râh zydua liata a khie ei ta, sawphao vyuhpa ta sâhkô chuahmi pakhy laih ei ta.

PUASAINA 9:16

Châhrasala ei hmotaotheina cha pahmôsapa ta, khizaw zydua liata ei moh pathâhsapa a châ thei nawpa ta ei cha paduapa a châ.

ISAI 37:17

Hy Abeipa y, na nah pachôh la, nathlie tua; Hy Abeipa y, na mo padeih la, moh tua. Senâkeri ta Khazohpa hrohpa pasipasawhna bie a vaw paphaopa he nathlie tua.

ISAI 37:23

“Ahy ma pasipasawh chi ta na reipachhie tly? Ahy chô liata ma na ao ki pasâh thlu chi ta, Na mo nâ pasâh thlu? Izarei Mo Pathaihpa chô liata na taopa a châpa kha!

ISAI 37:29

Ei chô liata na ruchhô ta, Nâ palaina ei nah liata â kaw ngia hapa vâta, Na hnari ei cha daoh aw; Na hmao liata chhâri cha pabaw aw na ta, Nâ vyna lâpi lâ tlai khata ei cha pakuasa heih aw.”

ISAI 37:36

Abeipa vâlyuhchâpa cha pua ta, Asuria mo riehmo liata pheisaih 185,000 thie ta. Asuria pheisaihzy cha mydi kari ta ama thyu nahta, moh teh u, riehmo cha athihpa ri ta bie thlâh ha ta.

ISAI 37:38

Noh kha cha a khazoh Nisrô o liata khazoh â chhy hai nota, a sawchapawpa Adarâmele nata Sareze ta zaozi ta chhawhsao ei ta, Ararâ lâ ama râ hapa vâta, a sawchapaw hropa Esâhadô ta ano su liata â bei haw.

ISAI 47:14

Moh teh, sawphao hawh dei ama châ; Mei ta âmo cha kâ ta, Meipaleih hmotaotheina tawhta Âmosasyh a pachha thei veih ei. Cha mei cha a palalôh nawpa meihei rakhapa châ leipa ta, A aih awpa mei rakhapa châ vei.

ISAI 5:16

Pheisaih Abeipa deikua cha, A ryureina dopa vâta cheihchalopa ta y aw ta; Khazohpa Pathaihpa cha, A siana hmotaopazy liata a pathaihna pasiapa a châ aw.

ISAI 5:24

Chavâta mei ta sâhkô chuahmi charôh ta, Meipaleih vâta sibie raohpa â chahkaopa hawhta, Ama thari hmy aw ta, Ama paw chhao doh hawhta â zaw aw; Pheisaihzy Abeipa ryhpa dytha ei ta, Izarei Mo Pathaihpa bie ama mohnaopa vâta.

ZEREMIAH 10:6

Hy Abeipa, nâ hawhpa he ahy hmah y veih ei; Nâ cha rônahpa châ chi ta, Thatlôna liata mohpathâhpa na châ.

MIKÂ 4:11

“Nâma châ dyuh awpa ta, Phopi hluhpi a hmaohpakhy ei ta, ‘Papuapaleipa ta y sala, Eima mozy ta Zaio tawpâ mawh sy,’ ama tah.

ZEKARIA 14:3

Cha khai tawhta Abeipa cha vaw pua aw ta, adyuhna noh liata â dyuh tyhpa hawhta, phopizy cha â dyuh aw ei.

ZEKARIA 14:8

Cha noh liata, Zerusale tawhta hrona tizy loh papua aw ta, â khophie nochhi tilaipi lâta loh aw ta, â khophie notla tilaipi lâta a loh aw. Nopi daihti nata chasipaw daihtizy liata chhao a loh lymâ aw.

ZEKARIA 2:8

Châ hraotuhpazy râh lâ a rônahna ta nâ tuahtuhpa Pheisaihzy Abeipa ta hetana heta a tah: “Nâ châ hriapa cha ei mosaw a hriapa a châ.

MALAKHAI 4:1

“Moh teh u, noh cha a vaw tlô hai; patina mei hawhta a kâ aw. Apalaipazy nata moleina a taopazy cha sawphao châ aw ei ta, cha noh a vaw tlô haipa chata kâ aw ei ta, buchâh lâta a palie ha aw ei; a thari nata a chiah miakha dâhdei chhao pahlôhpa châ aw vei,” Pheisaihzy Abeipa ta a tah.

MATHAI 3:12

A ku liata a barah y ta, a sawhri sâh zie aw ta, a sâh pâh liata a ryh aw. Asihpa deikua cha, mei pachhai thei leipa liata a rao aw,” tah ta.

HMOTAOPAZY 9:4

Alei liata pao ta, ao thei ta, ao chata a hnohta, “Sawla, Sawla, khazia eina taola chi?” tah ta.

RYHPACHANEINA 33:26

“Hy Zesuruh, Khazohpa hawhpa he ahy hmah y veih ei; Ano cha cha bao awpa ta avâzy chô liata kiah ta, A rônahpa ta avâpi chô a kiahpa a châ.

RYHPACHANEINA 4:24

Abeipa nama Khazohpa cha a kâ patlô theipa mei châ ta, hiatlia a pasapa Khazohpa châ tlôh ta.

HEBRAI 12:29

eima Khazohpa he a kâ patlô theipa mei châ tlôh ta.