PUASAINA 15:26 - Mara Bible RV (BSI)

²⁶ ama hnohta, “Abeipa Khazohpa ao pakhâta ta nathliepa ta, a mohmô liata hmo dopa taopa ta, a biepiepazy nathliepa ta, a bieraopazy na zyh khiahta cha, Izi mo chô liata hri ei patlôsapazy kha, na chô liata kheihawhpa hmah patlôsa aw va na, Kei he Zehôvâh Râfâ ei châ,” tah ta.

PUASAINA 15:26 ပူးပေါင်းရင်းမြစ်များ

1 ABEIZY 11:33

Kei na tleisaipa ta, Sidaw mo khazohnô Astarô nata Môabâ mo khazoh Khemô nata Amawna mo khazoh Mikô zy a chhy ei ta, a paw Dâvi taopa hawhta ei lâpizy a chhih leipa ta, ei mohmô liata hmo dopa tao leipa ta, ei bieraopazy nata ei ryureinazy a zyh leipa vâta, cha cha ei tao aw.

1 ABEIZY 11:38

Bie ei cha piepa zydua nathliepa ta, ei lâpizy a chhihpa ta, nâ chakaotuhpa Dâvi taopa hawhta, ei bieraopazy nata ei biepiepazy zyhpa ta, ei mohmô liata hmo dopa na tao khiahta cha, na hnohta y aw na ta, Dâvi pathla ei paduapa hawhta, na pathla chhao padua aw na ta, Izarei he ei cha pie aw.

2 ABEIZY 2:21

Tihnawh lâ vawh ta, alôh mia ta, “Abeipa ta hetana heta a tah: He ti he ei pathaisa haw. Tahmâ tawhta cha thina tlyma, nawh raona tlyma, ti tawhna heta y khao aw vei,” tah ta.

2 ABEIZY 20:5

“Kua la, ei phopi hyutuhpa Hezekia hnohta, Abeipa, châ pathlatuhpa Dâvi Khazohpa ta hetana heta a tah: ‘Na thlahchhâna thei na ta, na mothlihzy ei hmô haw. Nathlie teh, cha patlâh aw na ta, noh thôhna noh ta Abeipa o lâ na khy aw.

2 ABEIZY 22:2

A pathlatuhpa Dâvi lâpi zydua a chhihpa ta, Abeipa mohmô liata hmo dopa tao tyh ta, chachâh lâ tlyma, chavei lâ tlyma tlei beih vei.

ZAWBÂ 5:18

Ano cha hmah paphao ta, Chahrypa heih tyh ta; Pasasa ta, A ku ta a patlâh heih tyh.

HLAZY 103:3

Ano cha na paraona zydua a ngiathaituhpa châ ta, Na pasana zydua patlâhtuhpa a châ.

HLAZY 147:3

Palôh keichheihpazy patlâh ta, Ama hmahzy a chahrypa ei.

HLAZY 81:9

Nâma liata khazoh hropa y leipa aw ta, Chihropa khazoh hmia liata nâ bôh lei awpa tlai!

PUASAINA 12:29

Chatanachata zâcho a vaw châ nahta, Abeipa ta Izi râh liata sawtuapa zydua, Phiraoh sawchapaw uhtheipa beidyuchhai liata a tyuhpa tawhta a tâhpa sawchapaw uhtheipa patâhna o liata a ypa taihta thie ta, sahroh a pataw tuapa zydua chhao a thi khai haw.

PUASAINA 19:5

Chavâta tahmâ pakhâta ta ei bie nathliepa ta, ei biehrai nama zyh khiahta cha, khizaw phopi zydua hry liata ei ryuto eihpa nama châ aw, khizaw zydua he kei eih châ tlôh ta.

PUASAINA 19:6

Chatanachata ei châta theihthaipa khinarâh châ aw ei chi ta, phopi pathaihpa nama châ aw.’ Chazy cha Izarei sawzy hnohta na rei awpa biezy cha a châ,” tah ta.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

PUASAINA 23:25

Abeipa nama Khazohpa nama chakao awpa a châ. Chatanachata nama viahchhâ nata ti zy byhnâ pie aw na ta, nama hry tawhta hriiah ei papai aw.

ISAI 55:3

Nama nah pachôhpa ta kei lâ a vy u la, Nama hro thei nawpa ta ei bie nathlie teh u, Nama hnohta tlyzaw biehrai ei tao aw; Dâvi hnohta bie ei taihpa kha pa-i aw na ta, Ei kyhpachâna ngâchhihpa ei pa-i aw.

ISAI 57:18

A hroziezy hmô na ta, Châhrasala ei patlâh pyly aw. Ano cha a chhi aw na ta, Thlalôhna ei pie heih aw; Ano châta mâchhie a sapazy chhao, Thlalôhna ei pie heih aw.

ZEREMIAH 11:7

Châ pathlatuhpazy kha Izi râh tawhta ei kaw chhi papua no tawhta tanoh taihta, ei bie zyh awpa ta â i ngaitapa ta ei vaw chho ngâ thlâh ha tyh ei.

ZEREMIAH 17:24

“‘Abeipa ta hetana heta a tah: Ei bie nathliepa ta, Pahânoh ta he khihpi thokhy chhikaozy liata hmophao a ngiakhei leipa u la, Pahânoh pathaihsapa ta rai nama hria leipa khiahta cha,

ZEREMIAH 30:17

‘Thy hapa’ cha tah ei ta, ‘He he ahy hmahta pachâ leipa Zaio a châ hih!’ Ama cha tahpa vâta, Tlâhna cha pie heih aw na ta, Na hmahzy ei patlâh aw,” Abeipa ta a tah.

ZEREMIAH 33:6

Chatahrasala hnatlâna nata patlâhna vaw tlôkhei aw na ta, patlâh aw ei na ta, thlalôhna kipa nata abohna ei pahmôsa aw ei.

ZEREMIAH 7:23

‘Ei ao nathlie u la, nama Khazohpa châ aw na ta, ei phopi nama châ aw. Bie ei cha piepa zydua zyh u la, nama châta a pha aw,’ tahpa ta bie tlao ei pie ei.

ZEREMIAH 8:22

Kilia liata tlâhna thohna y vei ma? Cha liata dawhty y veih ei ma? Khazia ei phopi zuah a tlâh thei vei tly?

EZEKIA 18:5

“Chyhsa ahy tlyma cha mosiapa châ sala, adona nata siana taopa ta,

HÔSIA 11:3

Chatanachôta Epharai cha, Kei ta lâsie pachu na ta; Ama bâh ta ei chaao ei. Châhrasala âmo a patlâhtuhpa cha, Kei ei châ tahpa pahno veih ei.

HÔSIA 6:1

“A vy teh u, Abeipa lâ kua heih suh u; Miah hriechheih khai ha hra sala, Miah a patlâh heih aw; Miah tuchheih ha hra sala, Miah a chahrypa heih aw.

THEIHTHAINA 26:13

Kei he Abeipa nama Khazohpa, Izi mo sei nama châ khao lei awpa ta, Izi râh tawhta nâmo châ chhi papuatuhpa ei châ. Nama raopakyzy thlie pachhô na ta, â patlâpa ta ei cha pasiesa ei.

THEIHTHAINA 26:3

“Ei bieraopazy zipa ta, ei biepiepazy zyhpa ta nama tao khiahta cha,

MALUHREINA 12:13

Mawsi ta Abeipa awsao ta, “Hy Khazohpa, Miria he ngiachhiepa ta patlâh mah y, ngiachhiepa ta,” tah ta.

RYHPACHANEINA 12:25

Thisaih nama nie awpa châ vei. Cha cha Abeipa mohmô ta hmo dopa nama taopa châ aw ta, nâmo nata nama pathla vaw y lymâ awpazy châta a pha aw.

RYHPACHANEINA 12:28

Cha bie ei cha piepa zydua ei cha pakhâta ta nathlie u la, zyh muh vy. Chatanachata Abeipa nama Khazohpa mohmô ta hmo phapa nata hmo dopa nama taopa châ aw ta, nâmo nata nama pathla vaw y lymâ awpa chhâ zydua châta a pha aw.

RYHPACHANEINA 13:18

Cha hawhta a châ thei nawpa ta, Abeipa nama Khazohpa ao nathlie aw ei chi ta, a mohmô liata hmo dopa taopa ta, tanoh ta ei cha piepa ei Abeipa nama Khazohpa biepiepa zydua he nama zyh khai awpa a châ.

RYHPACHANEINA 28:27

Abeipa ta Izi kheihluhzy, byuhpa hrizy, riatha nata pathapa hrizy ta cha hrie aw ei ta, tlâh thei aw veih ei chi.

RYHPACHANEINA 28:58

“Abeipa nama Khazohpa moh rônahpa nata chichhihpa nama chi thei nawpa ta, he châbu liata â rohpa ryhpa bie zydua he zyh leipa ta nama tao vei khiahta cha,

RYHPACHANEINA 28:60

Nama chi kaw tyhpa Izi râh hrizy kha nama chô liata chareisa heih aw ta, a cha kopâ aw ei.

RYHPACHANEINA 32:39

“‘Tahmâ he pachâ teh u, Kei, kei deita he Ano cha châ na ta, Keima leipa ta Khazoh hropa rai y veih ei. Thie thei na ta, Ei pahro thei; Hmah paphao thei na ta, Ei patlâh thei; Ei ku tawhta a pachha theipa y veih ei.

RYHPACHANEINA 5:1

Mawsi ta Izarei saw zydua awpakhy ta ama hnohta, “Hy Izarei, tanoh nama nah theina liata ei reipa bieraopazy nata pachianazy he nathlie u la, a chu u la, pakhâta ta zyh teh u.

RYHPACHANEINA 7:15

Abeipa ta hri zydua cha papaipa aw ei ta, Izi râh liata hri nama hmôpa kheihawhpa ta hmah cha pasasa leipa aw ei ta, châ haotuhpa zydua chô liata deikua a patlôsa aw.