PUASAINA 15:22 - Mara Bible RV (BSI)

²² Mawsi ta Izarei sawzy cha Tilaipi Saihpa tawhta puakhei ta, Surâ râhchawhpa lâ pangaipa ta sie ei ta. Râhchawhpa liata noh thôh sie ei ta, ti rai hmô leipa ei ta.

PUASAINA 15:22 ပူးပေါင်းရင်းမြစ်များ

ÂTHAONA 16:7

Abeipa vâlyuhchâpa ta Hâkarâ cha râhchawhpa tihnawh kiapâh, Surâ pangaina lâthlôh liata tihnawh kiapâh liata hmô ta.

ÂTHAONA 20:1

Cha tawhna chata Abarahâ cha Neke râh lâ sie ta, Kâdesâ nata Surâ likawh liata pahrâ ta. Kerâ khih liata bohpi leipa y hra ta.

ÂTHAONA 25:18

A pathlazy cha Havilâ râh tawhta Izi râh daih lâta Surâ râh taihta pahrâ ei ta, Asuria râh taihta pahrâ hra ei ta, ama unawhzy nata a khakhaipa ta ama y lymâ.

HLAZY 136:16

Râhchawhpa liata a phopi a chhihthatuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 77:20

Mawsi nata Arawna ku ta, Mietaku zaw hawhta na phopi na chhihtha.

HLAZY 78:52

A phopi deikua cha mietaku hawhta puakhei ta, Mietaku zaw hawhta râhchawhpa liata a chhihtha ei.

HLAZY 78:53

 bohpa ta âmo cha chhihtha ta, Khâpa hmah chi veih ei; Ama chariahpazy deikua cha, Tilaipi ta a vao khai ha ei.

PUASAINA 17:1

Izarei zawpizy cha Sini râhchawhpa tawhta pua heih ei ta, Abeipa biepiepa hawhta a paty paty ta riehmo taopa ta sie lymâ ei ta, Rephidi liata a rie ei ta, cha liata zawpi châta ti do awpa y leipa ta.

PUASAINA 3:18

Chatanachata na bie ama nathlie aw. Nâ nata Izarei machâzy Izi bei lâ vawh aw ei chi ta, a hnohta, ‘Zehôvâh, Hebraizy Khazohpa ta miah vaw tly ta, chavâta noh thôh lâsie râhchawhpa liata Zehôvâh eima Khazohpa lâta atheihna eima hlâ thei nawpa ta, ngiachhiepa ta miah pasiesa mah y,’ nama tah aw.

MALUHREINA 33:8

Pihahirô tawhta pua ei ta, tilaipi liah liata siepahliepa ta râhchawhpa lâ a ngia ei ta, Ethamâ râhchawhpa liata noh thôh sie ei ta, Marâh liata riehmo ama paryh.

1 SAMUELA 15:7

Sawla ta Amale mo cha Havilâ tawhta Izi nochhi lâta Surâ taihta a dyuh ta.

1 SAMUELA 27:8

Dâvi nata a chyhsazy cha khy ei ta, Kesuri mo, Kirizi mo nata Amale mozy kaw chho ei ta. Âmo he hlâno tawhta he râh liata a vaw pahrâpa, Izi râh daih lâ Surâ taihta a pahrâpazy ama châ.