PUASAINA 15:20 - Mara Bible RV (BSI)

²⁰ Chatawhcha hrohsonô Miria, Arawna sietanô cha khohtaw chaba ta, chanô zydua ta khohtaw nata lâna chôta ano cha pazi ei ta.

PUASAINA 15:20 ပူးပေါင်းရင်းမြစ်များ

ÂTHAONA 31:27

Alyna bie nata hlazy, khoh nata totâzy ta ei cha pathlie awpa ei mah a châ tâh. Khazia na pathloh chi ta, na chho leipa ta arulâta nâ râ?

2 SAMUELA 1:20

Kâthâ liata chho leipa u la, Askelaw lâpizy liata phuah khuh vy; Philistinâ zuahzy a ly aw ei ta, Chopawtaileipa sawchanôzy ama thapha pathlei aw na.

2 SAMUELA 6:14

Dâvi cha pala rih dipa ephaw a kypa ta, a thatlôna zydua papua khaipa ta Abeipa hmiakô liata lâh ta.

2 SAMUELA 6:16

Abeipa Byh cha Dâvi khihpi â ngia hai nota, Sawla sawchanô Mikâli cha opy tawhta vaw sai ta, Bei Dâvi cha Abeipa hmiakô liata lâh ta, â zawzâ ngâ kawpa hmô ta, a palôh liata zakhei kaw ta.

2 SAMUELA 6:5

Dâvi nata Izarei saw zydua cha totâzy, tlaipihzy, khoh chyhpazy, sakizy nata paotlâzy tôpa ta hla sa ei ta, Abeipa hmiakô liata a ly ngaitapa ta y ei ta.

2 ABEIZY 22:14

Chatanachata theihthaipa Hikia, Ahikâ, Akabaw, Sâphâ nata Asiah zy cha chysia sona mohôhtuhpa Harhâ sawchapawpa Tikavâ sawchapawpa Sâluh lapinô hrohsonô Huldâ kei chho ei ta. Ano cha â hnai lâta Zerusale liata a pahrâpa a châ.

1 THÂTIHZYRONA 15:16

Dâvi ta Livai pathla pawhrâhpazy cha ama unawhzy hry tawhta hlasathaipazy a tlyh ta, pyungiapa chhaichhi tlaipihzy, totâzy nata paotlâzy a paro ngaitapa ta patôsa ta, thaphana hla a paro ngaitapa ta pasasa awpa ta biepie ta.

1 THÂTIHZYRONA 6:3

Amrâ pathlazy cha Arawna, Mawsi nata Miria zy ama châ. Arawna sawchapawzy cha Nâdâ, Abihu, Eliaza nata Ithamâ zy ama châ.

NEHEMIAH 6:14

Hy ei Khazohpa, Tôbia nata Sanbâlâ he ama hmotaopa lymâ hawhta a thei thlâh ha la, na pachhipary awpa a chhuahpa hrohsonô Nôdiah nata hrohso hropazy chhao a thei thlâh ha mah y.

HLAZY 149:3

Lâpa ta a moh reithai ei sala, Khoh nata totâ chhaota ano reithaipa ta sa mawh ei sy!

HLAZY 150:4

Khoh nata lâpa ta ano cha reithai u la, Pyungiapa ri chhaopa nata ramo ta ano cha reithai teh u!

HLAZY 30:11

Ei mâchhiesana cha lâna lâta pachâsapa ta, Ei latho poh na pahluhpa chi ta, Thaphana ta ei chai eina saih ha chi.

HLAZY 68:11

Abeipa ta bie pie ta, Cha thâtih a phuahtuhpa chanôzy cha, Ama hluh ngaita dia!

HLAZY 68:25

Hlasathaipazy hmia a sahpa ta, Pyungia tô thaipazy a hnôh chai ta y ei ta, A likawh liata laihsa kôpazy paotlâ tôpa ta sie ei ta,

HLAZY 68:26

“Khazohpa cha pakhypi rônahpa liata reithai u la, Izarei tihnawh saih u, Abeipa cha reithai teh u,” ama tah.

HLAZY 81:2

Reithaina hla sapa ta khoh tô u la, Totâ nata tlaipih pyu ngiapazy tô teh u.

PUASAINA 2:4

A chô liata khâpa hmo ma a tlô aw tahpa pahno awpa ta, a sietanô cha a duah ta lâpaw tawhta sai ta.

BIECHHOTUHPA 3:4

Cha daihti y ta, pahnei daihti a y; Mâchhiesa daihti y ta, lâ daihti a y;

ZEREMIAH 31:4

Hy Izarei laihsa kôpa! Cha padua pathi heih aw na ta, Â ipa ta paduapa na châ aw. Khohzy ta a tobi heih aw chi ta, Thaphana noh lâna suzy liata nâ hlao aw.

MIKÂ 6:4

Izi râh tawhta châ kaw chhi papua na ta, Seichâna o tawhta ei cha chatlai; Na hmia lâta Mawsi cha tuapa na ta, Arawna nata Miria ei cha tuapa.

MALUHREINA 12:1

Miria nata Arawna ta Mawsi cha Kusi zuah lapinô ta a hneipa vâta reipachhie ei ta.

MALUHREINA 12:2

“Mawsi hnoh dei ta ma Abeipa ta bie a reih? Keimo hnohta chhao reih hra vei mâ?” tah ei ta. Cha cha Abeipa ta thei ta.

MALUHREINA 20:1

Izarei sawzy cha, thla khana liata ama zydua ta Zini râhchawhpa tlô ei ta. Zawpizy cha Kâdesâ liata y ei ta. Cha liata Miria thi ta, cha liata ama pabu.

MALUHREINA 26:59

Amrâ lapinô moh cha Livai sawchanô Zôkebe châ ta, Izi râh liata Livai ta a sapa a châ. Ano chata Amrâ liata Arawna nata Mawsi nata ama sietanô Miria zy a sa ei.

LUKA 2:36

Cha liata hrohsonô pakha, Anâ ama tahpa y ta, ano cha Asera chi Phanua sawchanô a châ. Anâ cha nôpi kaw bâ ta, dyh a châ tawhta a vahpa hnohta kô sari dei pahrâ hmâ ta,

HMOTAOPAZY 21:9

Sawchanô papalih hnei ta, âmo cha dyhchâ leipa ta hrohsona bie a phuah tyhpa ama châ.

1 KAWRINI 11:5

Chanô ta a luh a khu leipa ta thlah a chhâ khiahta tlyma, bie a chho khiahta tlyma deikua cha, a luh maoh a paphyuhpa a châ. Chanô châta luh khu leipa nata luh pôlôpa cha miakhapa a châ.

1 KAWRINI 14:34

chanôzy cha Awnanopa pakhynazy liata a chalihpa ta y mawh ei sy. Bie rei pasaipa châ veih ei. Ryhpa ta a reipa hawhta, a ngiarihpa ta ama y awpa a châ.

RYUREITUHPAZY 11:34

Zephathâ cha Mizpâ liata a o lâ a lie ta. Moh teh u, a sawchanô vaw pua ta, paotlâzy nata lâpa ta a paw cha vaw dy ta. Ano he a saw matlupa châ ta, ano leipa ta sawchapaw nata sawchanô hropa rai hnei vei.

RYUREITUHPAZY 21:21

Moh aw ei chi ta, Silô laihsazy ta lânazy liata lâ awpa ta ama vaw puapa nama hmô khiahta cha, kre zôhzy hry tawhta vaw pua aw ei chi ta, Silô laihsazy cha nama lapinô châta patu chyu aw ei chi ta, Benzami râh lâ nama siekhei aw.

RYUREITUHPAZY 4:4

Cha daihti liata Izarei ryureituhpa cha Lapidô lapinô hrohsonô Debawrâ a châ.

1 SAMUELA 10:5

Cha khai tawhta Philistinâ pheisaih yna Kibia Elôhim tlô aw chi ta. Chatawhcha hetana heta a vaw châ aw. Khihpi na tlôpa nahta, su sâhpa tawhta â zupa hrohsopa py a tyh aw chi ta, totâ, khoh, ramo nata tlaipih tôtuhpazy ta hmia a sah aw ei ta, hrohsopazy ta hrohsona bie ama phuahpa na hmô aw.

1 SAMUELA 18:6

Adyuhna tawhta a vaw lie ei ta, Dâvi chhao Philistinâ chyhsa a thie khai tawhta vaw tlô hra ta, Izarei khihpi zydua tawhta chanôzy vaw pua ei ta, hla sapa nata lâna chôta, khohzy, alyna hlazy nata pyungiapa chhaichhizy chhaota bei Sawla cha vaw dy ei ta.