PUASAINA 15:2 - Mara Bible RV (BSI)

² Abeipa cha ei thatlôna nata ei hla châ ta, Ano cha ei pachhana a vaw châ haw; Ei Khazohpa châ ta, Ano cha ei reithai aw; Nâ pathlatuhpa Khazohpa châ ta, Ei palyupalih aw.

PUASAINA 15:2 ပူးပေါင်းရင်းမြစ်များ

ÂTHAONA 17:7

Na Khazohpa châ awpa ta keima nata nâma likah liata ei biehrai cha chhâzaw biehrai châta ei pa-i aw. Na hnôhlâ ta chhâ a vaw y awpa na pathlazy Khazohpa châ lymâ awpa ta, kei nata na hnôhlâ ta na pathlazy likah liata chhâzaw biehrai a châ hra aw.

ÂTHAONA 49:18

“Hy Abeipa, na pachhana ei hâ thlâh haw!

2 SAMUELA 22:3

Khazohpa cha ei lôpanô châ ta, Ei chhaina nata ei vyhphao a châ. Ei pachhana ki nata ei thokhy a sâhpa châ ta, Ei chhaina nata nâ pachhatuhpa a châ. Thachahra thyuna tawhta eina pachha ha chi.

2 SAMUELA 22:47

“Abeipa cha hroh ta, Ei lôpanô cha reithaipa ta y mawh sy; Ei Khazohpa cha palyupalihpa ta y sala, Ei pachhana lôpanô cha palyupalihpa ta y mawh sy.

2 SAMUELA 22:51

Abeipa cha ano paduapa bei hnohta pachhana rônahpa pie ta, A sathawthupa Dâvi nata a pathlazy chô liata, Zawngiahna chhâzaw ta a palâsa.”

2 SAMUELA 7:24

Chatanachata na phopi Izarei cha chhâzaw ta nâma phopi châ awpa ta padua chi ta, nâma tlai cha, Hy Abeipa, ama Khazohpa na vaw châ haw.

2 SAMUELA 7:5

“Vawh la nâ chakaotuhpa Dâvi hnohta, ‘Abeipa ta hetana heta a tah: Ei pahrâ nawpa o cha nâma ta eina sapa aw chi ma?

1 ABEIZY 8:13

Na chhâzaw pahrâna su châta, O rônahpa ei cha sapa haw,” tah ta.

1 ABEIZY 8:27

“Châhrasala Khazohpa cha alei chô liata a pahrâ tlai aw ma? Pachâ tua, avâ nata avâ a sâh chaipa liata hmah nâ tlôh leipa châ ta, he o ei sapa liata chhochhi cha nâ tlôh lei pachai aw dia!

1 THÂTIHZYRONA 16:14

Ano cha Abeipa eima Khazohpa châ ta, A ryureina alei chô zydua liata a y.

HLAZY 109:1

Hy ei reithaipa Khazohpa y, A chalih thlâh ha khah y!

HLAZY 118:14

Abeipa cha ei thatlôna nata ei hla châ ta, Ei pachhana a vaw châ haw.

HLAZY 118:21

Hy Abeipa, na chyhei chi ta, Ei pachhana na châpa vâta, Alyna bie ei cha hlâ.

HLAZY 118:28

Hy Abeipa, nâ cha ei Khazohpa châ chi ta, Alyna bie ei cha hlâ aw; Ei Khazohpa châ chi ta, Ei cha palyupalih aw.

HLAZY 132:5

Abeipa châta su ei hmô hlâlei, Zakaw Thatlôpa pahrâ nawpa su ei hmô hlâlei cha,” A tahpa kha a thei thlâh ha mah y.

HLAZY 140:7

Hy Abeipa, ei Beipa, ei pachhana thatlôna y, Adyuhna noh liata ei luh eina khu ha chi.

HLAZY 145:1

Hy ei Khazohpa nata ei Beipa, Cha palyupali aw na ta, Chhâzaw nata tlyzaw ta na moh ei reithai aw.

HLAZY 18:46

Abeipa cha hroh ta, Ei lôpanô cha reithaipa ta y sala, Ei pachhana Khazohpa cha palyupalihpa ta y mawh sy.

HLAZY 22:10

Ei pi noh tawhta ei pahniena châ chi ta, Ei nô chhi liata ei y no tawhta ei Khazohpa na châ.

HLAZY 22:3

Chatahrasala nâ cha Pathaihpa châ chi ta, Izarei reithaina liata a hlao tyhpa na châ.

HLAZY 27:1

Abeipa cha ei khaihna nata ei pachhana châ ta, Ahy ei chi aw? Abeipa cha ei hrona thokhy châ ta, Ahy ei chi aw?

HLAZY 28:8

Abeipa cha a chyhsazy thatlôna châ ta, A sathawthupa châta pachhana thokhy a châ.

HLAZY 30:1

Hy Abeipa, na chaluah chi ta, Ei khakhaipazy alyna ta eina tao leipa vâ chi ta, Ei cha palyupalih.

HLAZY 34:3

Abeipa cha na cheihchalokhei u la, A moh palyupalih khoh suh vy!

HLAZY 48:14

Ano cha Khazohpa cha châ ta, Chhâzaw nata tlyzaw ta eima Khazohpa a châ; Thina khô lâ taihta miah a chhihtha aw.

HLAZY 59:17

Hy ei thatlôna, Nâma reithaina hla ei sa aw; Hy Khazohpa, nâ cha ei thokhy châ chi ta, Ei chô liata zawngiahna a palâsatuhpa Khazoh na châ.

HLAZY 68:20

Eima Khazohpa cha pachhana Khazohpa châ ta, Thina tawhta puana chhao, Abeipa, zibeipa liata a y.

HLAZY 99:5

Abeipa eima Khazohpa cha pachônôsa u la, A phei thaby liata a bôh teh u! Abeipa cha a pathaih na!

HLAZY 99:9

Abeipa eima Khazohpa cha pachônôsa u la, A tlâh pathaihpa liata a chhy teh u; Abeipa eima Khazohpa cha pathaihpa a châ.

PUASAINA 14:13

Mawsi ta Izarei phopi hnohta, “Chi khah u, â ipa ta a duah u la, Abeipa pachhana tanoh a vaw tlô awpa mokhâh teh u. Tanoh ta Izi chyhsa nama hmôpazy he chhâzaw ta hmô heih khao aw veih ei chi.

PUASAINA 3:6

Khazohpa ta, “Kei he, châ pathlatuhpazy Khazohpa ei châ, Abarahâ Khazohpa, Aisika Khazohpa nata Zakaw Khazohpa ei châ,” tah ta. Khazohpa cha a moh ngâh leipa vâta, Mawsi cha a hmia nyu ta.

PUASAINA 4:22

Chatawhcha Phiraoh hnohta, ‘Abeipa ta hetana heta a tah: Izarei cha ei sawchapawpa, ei sawchapaw uhtheipa a châ.

PUASAINA 40:34

Chatawhcha ahmaohna poh o cha meihdo ta vaw pahly ta, achhyna byureih cha Abeipa rônahna ta bie ha ta.

PUASAINA 6:7

Ei phopi châta cha hnei aw ei na ta, nama Khazohpa ei châ aw. Chatanachata kei he Izi mo ta phaohri ama cha pavina tawhta châ thaoh papuatuhpa Zehôvâh nama Khazohpa ei châ tahpa nama pahno aw.

ISAI 12:2

Moh teh u, Khazohpa cha ei pachhana châ ta, Ano cha ngâ aw na ta, chi aw va na. Abeipa, Abeipa tlai cha ei tha­tlôna nata ei hla châ ta, Ano cha ei pachhana a châ.”

ISAI 25:1

Hy Abeipa, nâ cha ei Khazohpa na châ; Cha cheihchalo aw na ta, Na moh ei reithai aw. Hmonoâhpazy a tao chi ta, Hlâno tawhta na pachhuapanohpazy cha, Ngâ a chhih ei ta amâ do.

ISAI 45:17

Izarei deikua cha Abeipa ta pachha ta, Tlyzaw pachhana ta a pachha haw. Nozapa ta y khao leipa aw ei chi ta, Tlyzaw taihta nohzaopa ta y khao aw veih ei chi.

ISAI 49:6

“Zakaw chizy paduapathi ta, Izarei saw pahlôhpazy a vaw chhi pakhua awpa ta, Nâ chakaotuhpa na châ awpa cha, Hmo chyhpata mah a châ tâh. Râhzy pakhaihsatuhpa ta cha tao aw na ta, Ei pachhana cha, Khizaw kaokih taihta patlôsapa a châ aw.”

ISAI 66:1

Abeipa ta hetana heta a tah: “Avâ cha ei beidyuchhai châ ta, Alei cha ei phei tlyna a châ. Kheihawhpa o ma eina sapa aw ei chi? Khataih liata ma ei pahâ nawpa su cha a y?

ZEREMIAH 3:23

Hmeiseih ta la tlâhthlôhzy he dôveina dei châ ei ta, Tlâhpizy chô liata pyu paropazy chhao dôveina dei ama châ. Hmeiseihta ta la, Izarei pachhana cha, Abeipa eima Khazohpa lia deita ta a y.

ZEREMIAH 31:33

“Cha nohzy hnôhlâ ta Izarei pathlazy hnohta biehrai ei tao awpa cha, he he a châ,” Abeipa ta a tah. “Ama chhôh liata ei ryhpa bie soh aw na ta, ama palôh liata ei roh ha aw. Kei ama Khazohpa châ aw na ta, âmo cha ei phopi ama châ aw.

ZEREMIAH 32:38

Ei phopi châ aw ei ta, kei ama Khazohpa ei châ aw.

HABAKU 3:13

Na phopi pachha awpa ta pua chi ta, Na sathawthupa pachha awpa ta na pua. Moleipazy pathlatuhpa luh cha, A zao khaina taihta charieh chi ta, A luh tawhta a padih taihta na parao khai haw. Selah

ZEKARIA 13:9

A su thôhna cha mei ta ei pasia aw ei; Tâkâ pathaisapa hawhta pathaisa aw ei na ta, Ngôh pasiapa hawhta ei pasia aw ei. Ei moh pado aw ei ta, Ei chhy aw ei. Kei ta, ‘Ei phopi ama châ,’ tah aw na ta, Âmo ta, ‘Abeipa cha eima Khazohpa a châ,’ ama tah aw,” Abeipa ta a tah.

LUKA 1:77

A chyhsazy moleina a ngiahthaipa ta, Pachhana pahnona pie awpa ta,

LUKA 2:30

Na pachhana ei mo ta hmô ha ta,

ZAWHÂNA 4:22

Nâmo ta nama pahno leipa a chhy tyh ei chi ta, keimo deikua ta cha eima pahnopa eimâ chhy tyh. Pachhana cha Zuzy tawhta a vaw puapa a châ.

ZAWHÂNA 5:23

Chatanachata chyhsa zydua ta Paw ama zapa hawhta, Sawchapawpa chhao ama za hra aw. Ahy rai Sawchapawpa a za leipa cha, ano tuahtuhpa Paw a za leipa a châ.

HMOTAOPAZY 4:12

Ahy liata hmah pachhana y vei. Avâ ry liata chyhsa moh bipa hry liata miah pachha thei awpa mohropa rai y veih ei,” tah ta.

2 KAWRINI 5:19

Krista liana chata Khazohpa ta khizaw he ano nata a ryhpa ta tao ta, ama paraonazy cha paraona ta rao khao vei. Cha aryhna bie chho awpa cha keimo liata a pahnieh.

EPHESI 2:22

Ano liana chata nâmo chhao Khazohpa pahrâ nawpa ta paryh pakhypa châ ei chi ta, cha liata Khazohpa cha Thlahpa ta a pahrâ.

RYHPACHANEINA 10:21

Abeipa cha nama reithai awpa a châ. Ano cha nama Khazohpa châ ta, he hmo ronahpa nata rarôh ypa, nama mo ta a hmôpazy a taotuhpa a châ.

PHILIPI 2:11

Paw Khazohpa rônah nawpa ta, paleih to ta Zisu Krista cha Abeipa a châ tahpa ama phuah aw.

PHILIPI 4:13

Tha nâ patlôtuhpa Krista liata ato ei tao thei.

KAOLAOSÂ 2:9

Khazohpa châna zydua cha, â kipa nata a pôhpa tlai ta Krista liata a pahrâ.

BIEPHUAH 15:3

Khazohpa chakaotuhpa Mawsi hla nata Mietakutaw hlazy hetana heta ama sa: “Hy Atotaotheipa Abeipa Khazohpa, Na hmotaopazy rônah ta, Noâh â chhih kaw dia! Hy phopizy Beichaipa, Na lâpizy sia ta, Â do kaw dia!

BIEPHUAH 19:1

Cha khai tawhta vârâh liata zawpi hluhpi ao paro ngaitapa a lyupa thei na ta, ao chata, “Haleluia! Pachhana zy, rônahna zy, hmotaotheina zy cha, Eima Khazohpa eih a châ.

RYUREITUHPAZY 5:21

Kisaw tily ta âmo cha phaoh ta, Chavah hlôpa, Kisaw tily ta a phaoh ha ei. Hy ei thlahpa, sie la, Thatlôpa ta sie lymâ mah y.