PUASAINA 15:16 - Mara Bible RV (BSI)

¹⁶ Hy Abeipa, na phopi ama khô khai hlâlei cha, Na chaleipa phopi ama khô hlâlei cha, China nata ngiarohna ta Izi mo tla thlu ta, Na bâh thatlôna vâta alô hawhta amâ chalih.

PUASAINA 15:16 ပူးပေါင်းရင်းမြစ်များ

ÂTHAONA 35:5

Chatawhcha sie ei ta, Khazohpa chichhihna ta ama chheipâh khihzy cha bie khai ha ta, Zakaw sawchapawzy cha a chadai veih ei.

2 SAMUELA 7:23

Na phopi Izarei hawhpa he alei chô liata khâpa phopi ma a y? Khazohpa ta a moh rônah nawpa ta phopi miakha a tlyh ta, ano phopi ta tao awpa ta, sie ta a kei chatlaipa phopi ahy ma a y? Na phopi châ awpa ta Izi tawhta na chatlaipa, ama châta hmo rônahpa nata rarôh ypa taopa ta, ama hmiakô tawhta phopi nata a khazohzy na papuapa phopi ahy ma a y?

HLAZY 105:38

Âmo china ta Izi cha a tla thlu hapa vâta, Ama puapa cha Izi chhao ta â ly kaw.

HLAZY 74:2

Na phopi he a thei mah y; Hlâno tawhta na chaleipazy châ pi ta, Na ryuto chipho châ awpa ta na chatlaipazy eima châ! Na pahrâ tyhna Zaio Tlâh chhao a thei mah y.

HLAZY 89:14

Siana nata adona cha na beidyuchhai abôna châ ta, Kyhpachâna nata ngâchhihna na hmia lâta ama sie.

PUASAINA 11:7

Izarei sawzy deikua cha, chyhsapa chô liata chhao, sa chô liata chhao, i hmahta nga aw veih ei. Chatanachata Abeipa ta Izi nata Izarei likah a panano tlai tahpa nama pahno aw.’

PUASAINA 15:13

“Na kyhpachâna tleih leipa ta phopi na chatlaipa cha a chhi chi ta, Na thatlôna ta na yna su pathaihpa lâ nâ chhi ei.

PUASAINA 15:5

Ti athupa ta âmo cha vao ta, Alô hawhta ti ry lâ amâ ngua haw.

PUASAINA 15:6

Hy Abeipa, na ku chachâh lâ liata hmotaotheina rônahpa y ta, Hy Abeipa, na ku chachâh lâta khakhaipa a chaphie khai haw.

PUASAINA 18:8

Izarei mo vâta Abeipa ta Phiraoh nata Izi mo chô liata a taopa zydua zy, lâpi liata rairuna amâ tyhpa zydua zy, Abeipa ta Izarei sawzy a pachhazie zy, Mawsi ta a puhpa cha chho ta.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

PUASAINA 23:20

“Moh teh, lâpi liata châ vaih awpa nata su ei chhuahdypa châ tlôkhei awpa ta, na hmia lâta vâlyuhchâpa ei pasiesa.

PUASAINA 23:22

“Châhrasala a bie pakhâta ta nathliepa ta, ei reipa zydua na tao khiahta cha, na chariahpazy châta chariahpa châ aw na ta, na khakhaipazy châta khakhaipa ei châ aw.

PUASAINA 23:27

Na hmia lâta ei chichhihna pasiesa aw na ta, na tlô awpa liata phopi zydua ama nô papo aw na ta, na khakhaipa zydua na hmiakô tawhta ei parâpaisa aw ei.

PUASAINA 6:7

Ei phopi châta cha hnei aw ei na ta, nama Khazohpa ei châ aw. Chatanachata kei he Izi mo ta phaohri ama cha pavina tawhta châ thaoh papuatuhpa Zehôvâh nama Khazohpa ei châ tahpa nama pahno aw.

ISAI 51:10

Tilaipi a pakuatuhpa kha, Nâma châ chi ta; Ti a thu ngaitapazy a pakuatuhpa chhao kha, Nâma ma na châ vei? Chatlaipazy haosâ lâ chakasa awpa ta, Tilaipi athupazy liata lâpi a taotuhpa chhao kha, Nâma tlai he ma na châ vei?

ISAI 63:12

A bâh rônahpa Mawsi ku chachâh lâta pasiesa ta, Anosasyh ta chhâzaw moh a tao awpa ta, Ama hmiakô liata tizy a pachhaihtuhpa kha, Khataih liata a y haw?

ZEREMIAH 31:11

Abeipa ta Zakaw cha chatlai ha ta, Ano hlâta ku thatlô viapa tawhta a pachha haw.

EZEKIA 16:8

“‘Cha vaw chapiapa ta, ei cha hmô heih nahta, moh tua, dyhchâ a vaw daih ha chi ta, chatanachata ei poh hy na ta, na thluahruana ei cha khu. Bie châ taih na ta, biehrai liata châ ngiakhei na ta, chatanachata kei eih na vaw châ haw,’” Abeipa Zehôvâh ta a tah.

HMOTAOPAZY 20:28

Khazohpa Awnanopa sahlao, ano thisaih ta a chaleipazy pasa awpa ta, nâmo nata nama sahlao zydua chô liata a chado teh u. Thlahpa Pathaihpa ta ama chô liata hyutuhpa ta a cha tao ei hih.

RYHPACHANEINA 11:25

Ahy ta hmah cha pahnie aw veih ei. Nama hnohta a reipa hawhta, Abeipa nama Khazohpa ta nama tlô awpa râh zydua liata nâmo china nata nâmo vâta thlazohna a paysa aw.

RYHPACHANEINA 2:25

Tanoh he avâ ry liata phopi zydua chô liata nâma china nata thlazohna paysa aw na ta, na thâtih a theipa maih a chalyu aw ei ta, nâma vâta pachârôh ngaitapa ta ama y aw,’ tah ta.

RYHPACHANEINA 2:4

Zawpi biepie la, ama hnohta, “Seirâ liata a pahrâpa Esaw pathla nama unawhzy râh nama sie pahlie bâ aw. Cha chi kaw aw ei ta, chavâta a sohsi kaw muh vy.

RYHPACHANEINA 32:6

Hy nâmo, ahrupa nata angâpa phopi, Cha hawhta ma Abeipa cha viari nama thô? Ano cha châ taotuhpa nama paw châ ta, Cha tao ei ta nâmo châ paduatuhpa châ vei ma?

RYHPACHANEINA 32:9

Abeipa tovyuh deikua cha a phopi châ ta, Zakaw cha a ryuto a châ.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

ZAWSUA 2:9

ama hnohta, “He râh he Abeipa ta a cha pie ha ei tahpa ei pahno. Nâmo china ta miah chanaoh ha ta, he râh liata a pahrâpa zydua nama hmiakô liata ama zao khai haw.

ZAWSUA 4:24

Chatanachata alei chô liata phopi zydua ta Abeipa ku cha ku thatlôpa a châ tahpa pahno aw ei ta, Abeipa nama Khazohpa cha nama chi lymâ thei aw,” tah ta.

1 PITY 2:9

Nâmo deikua la, zohna tawhta puapa ta khaihna noâhpa liata a ngia awpa ta châ awtuhpa ei phana cha nama phuah thei nawpa ta, phopi atlyhpa, abei chi theihthaipa, phopi pathaihpa, Khazohpa ryuto phopi nama châ.

2 PITY 2:1

Chyhsazy hry liata hrohso pakheipazy ama vaw pua tyhpa hawhta, pachutuh pakheipazy chhao nama hry liata ama vaw pua aw. Âmo chatlaituhpa Abeipa tlai cha a paphasaipa ta, chyhsa a parao theipa pachuna do leipazy arulâta a vaw ngiakhei aw ei ta, âmosasyh ta ama chô liata raona thlai ama patlôsa aw.

1 SAMUELA 2:9

“A chyhsa ngâchhihpazy phei vaih aw ta, Moleipazy deikua cha zohna liata chhawh pathlahpa ama châ aw; Thatlôna vâta chyhsa a duah veih ei.

1 SAMUELA 25:37

Mydi ta, Nâbâ cha Kresawhti a paripa a pai nahta, a lapinô ta hmo yziezy chho ta, a châh-ao a chalihpa ta, alô hawhta vaw y ha ta.