PUASAINA 15:15 - Mara Bible RV (BSI)

¹⁵ Edômâ beizy chihuhpa ta y ei ta, Môabâ pasaiphazy amâ chalyu; Kâna mo zydua chipa ta ama zao khai haw.

PUASAINA 15:15 ပူးပေါင်းရင်းမြစ်များ

ÂTHAONA 36:15

Hezy he Esaw pathla tawhta beizy ama châ: Esaw sawchapaw uhtheipa Eliphâ pathla tawhta Bei Temâ, Bei Ômâ, Bei Zephô, Bei Kenâza,

ÂTHAONA 36:16

Bei Kôrâ, Bei Kâtâ nata Bei Amale zy vaw pua ei ta, chazy cha Edômâ râh liata Eliphâ pathla tawhta a puapa beizy ama châ. Âmo cha Aidâ pathlazy ama châ.

ÂTHAONA 36:40

Hezy he ama chhôhkha, ama pahrâna su nata ama mohzy zipa ta Esaw pathla beizy moh a châ: Bei Timnâ, Bei Alvâ, Bei Zethe,

2 SAMUELA 17:10

chakeibarôhneipa palôh a phaohpa pasaiphazy palôh taihta a dua khai ha aw. Na paw cha chyhsa thatlôpa châ ta, a hnohta a ypazy chhao pasaiphazy ama châzie Izarei zydua ta pahno khai tlôh ei ta.

HLAZY 48:5

Thokhy khihpi ama hmô nahta thata a pahlaw ei ta, Thlazohpa ta amâ râpai.

HLAZY 68:2

Meikhuh phaoh pathlahpa ta a ypa hawhta, Âmo cha papua aw chi ta; Mei liata kheilôh a zaopa hawhta, Moleipazy cha Khazohpa hmia­kô liata ama leidia aw.

ISAI 13:7

Chavâta ku zydua thazeipa ta y aw ta, Chyhsa to palôh a zao khai aw.

ISAI 19:1

He he Izi kyh chhochhieliena bie a châ: Moh tua u, Abeipa cha meihdo chatliepa kiah ta, Izi râh lâ â vy hai. Izi râh khazoh nothlahpazy a hmiakô liata a chalyu awh ei ta, Izi mo palôh cha ama chhôh liata a zao khai aw.

ZEREMIAH 49:23

He he Dâmaskâ kyh a châ: “Hâmathi nata Apâ cha, Thâtih chhiepa ama theipa vâta, Nozapa ta ama y. Chipa ta zao khai ei ta, Tilaipi chalihsa thei leipa hawhta, Tymâpa ta ama y.

EZEKIA 21:7

‘Khazia nâ hrô?’ ama cha tah khiahta cha, ‘Thâtih a vaw tlô haipa vâta a châ. Cha tita cha palôh to dua aw ta, ku zydua thazeipa ta a y aw. Hro to panao aw ta, pakhu zydua ti hawhta a nai aw. Moh teh, cha daihti cha vaw tlô hai ta, cha hmo cha patlôpa a châ aw, Abeipa Zehôvâh ta a tah,’ tahpa ta reih mah y,” tah ta.

NÂHU 2:10

Roryhrapa ta y ta, Roryhrana nata raona ta a bie; Palôhzy zao ta, Pakhuzy â chakhyh; Chai zydua pasa ta, Hmia zydua a hlâh khai haw.

HABAKU 3:6

A duah ta, alei chathosa ta, Moh ta, phopizy a chalyusa. Tlâhpi hlôpazy pao ei ta, Tlâhthlôh hlô thlâhpazy ama cho. A lâpizy cha chhâzaw lâpizy a châ.

HABAKU 3:7

Kusi mo poh ozy liata pasataona hmô na ta, Midia mo poh raipa a chalyupa ei hmô.

RYHPACHANEINA 2:4

Zawpi biepie la, ama hnohta, “Seirâ liata a pahrâpa Esaw pathla nama unawhzy râh nama sie pahlie bâ aw. Cha chi kaw aw ei ta, chavâta a sohsi kaw muh vy.

RYHPACHANEINA 20:8

Hyutuhpazy ta zawpi hnohta reih via aw ei ta, ‘A chipa nata riahchhiepa nama y ma? Kua sala a o lâ a di mawh sy. Chataleipatala ano palôh duapa hawhta a unawhzy palôh a paduasa pathlei aw,’ ama tah aw.

ZAWSUA 14:8

Ei hnohta a siepa ei unawhzy ta zawpi thlah thata pazo ei ta, kei deikua cha pathipalôh tlokhuh ta Abeipa ei Khazohpa pazi na ta.

ZAWSUA 2:11

Cha thâtih cha eima theipa nahta, Abeipa nama Khazohpa cha chô lâ avâ liata nata a ry lâ alei liata Khazohpa a châpa vâta, eima pathipalôhzy zao khai ha ta, nâmo vâta palôh a pachyu theipa ahy hmah y khao veih ei.

ZAWSUA 2:24

Zawsua hnohta, “Abeipa ta râh zydua eima ku liata miah a vaw pie ha tlai na. Cha râh liata a pahrâpa zydua keimo vâta ama zao khai haw,” tah ei ta.

ZAWSUA 2:9

ama hnohta, “He râh he Abeipa ta a cha pie ha ei tahpa ei pahno. Nâmo china ta miah chanaoh ha ta, he râh liata a pahrâpa zydua nama hmiakô liata ama zao khai haw.

ZAWSUA 5:1

Izarei sawzy Zawdâh ama chaka khai hlâlei Abeipa ta Izarei sawzy hmiakô liata Zawdâh tizy a pakua tahpa thâtih cha, Zawdâh haosâ notla lâta a ypa Amawri bei zydua nata tilaipi kiah liata a ypa Kâna bei zydua ta ama thei nahta, Izarei sawzy vâta ama pathipalôh zao khaipa ta, ama thlah a hua khai ha ta.

1 SAMUELA 14:16

Benzami râh Kibia liata Sawla riahvaituhpazy ta mohmia pasaih ei ta, zawpizy cha su to lâta a râpaipa ta ama ypa hmô ei ta.