PUASAINA 15:10 - Mara Bible RV (BSI)

¹⁰ Na hu ta thlih vaw pathlisa chi ta, Tilaipi ta âmo cha vao ta, Kylô hawhta tilihpi liata amâ ngua haw.

PUASAINA 15:10 ပူးပေါင်းရင်းမြစ်များ

ÂTHAONA 8:1

Châhrasala Khazohpa ta Nôah nata balyh liata a hnohta a ypa hmohrohneipa to nata sahroh zydua cha a thei thlâh ha ta. Chatanachata Khazohpa ta alei chô liata thlih pathlisa ta, tizy cha a sy pathao ei ta.

2 SAMUELA 18:8

Adyuhna cha râh chhôh zydua liata tlô ta, cha noh ta râhmâhpa ta chyhsa a palâpa cha, zaozi ta a palâpa hlâ chhao ta ama hluh via.

NEHEMIAH 9:11

Ama hmiakô liata tilaipi pachhaih chi ta, tilaipi liah liata alei hipa liata sie ei ta, âmo a chadaituhpazy cha, ti thatlô ngaitapa liata alô pathlapa hawhta, ti a thu ngaitapa liata na pathla ha ei.

HLAZY 135:7

Khizaw kaokih chhâna taihta meihdozy a pachhohsapa chhao ano châ ta, Ano ta vâsua châta dôhlazy tao ta, A hmo sopakhyna ozy tawhta thlih a pathlisa tyh.

HLAZY 147:18

A bie paphao ta, A bie ta dâhaw tlozy cha pazao ta; Thlih pathlisa ta, Tizy a palosa.

PUASAINA 14:21

Mawsi ta tilaipi chô liata a ku pazawh ta, Abeipa ta azozâkhihdei ta nochhi thlih ru ngaitapa vaw pathlisa ta, tizy hnoh lâ a sy ei ta, tilaipi cha alei hipa lâta pachâsa ta. Chatanachata tizy cha a pachhaih ta.

PUASAINA 15:5

Ti athupa ta âmo cha vao ta, Alô hawhta ti ry lâ amâ ngua haw.

BIESOZY 30:4

Avâ lâ kiah ta a zâ chô heihpa cha ahy ma a châ tly? A ku ta thlih a chahupa cha ahy ma a châ tly? A poh ta ti a chatypa cha ahy ma a châ tly? Khizaw kaokih zydua a paduapa cha ahy ma a châ tly? A moh ahy ma a châ tly? A sawchapawpa moh ahy ma a châ tly? Na pahno mah tâh!

ISAI 11:15

Abeipa ta Izi Tilaipi paleih cha, Tlokhuh pahleipadia aw ta; Ufrâti Chavah chhao, A ku ta thlih lalôhpa a chatho thlu aw; Vahtie miasari ta pachhaihna taihta tu aw ta, Pheiky dâ leipa ta ama chaka aw.

ZEREMIAH 10:13

A ao a papua nahta, Avâ liata ti pyuzy paro ta, Khizaw kaokih tawhta ameihzy a pathyu tyh. Vâsua châta dôhla pathliesa ta, A ryubyh tawhta thlih a pathlisa tyh.

ZEREMIAH 46:17

Cha liata Izi bei Phiraoh cha, ‘Daihti rypaohpa a pakhôsapa, Chyhsa palopasahpa’ Tahpa ta a moh nama bi aw.”

AMÔSÂ 4:13

“Pachâ teh, tlâhzy taopa ta thlihzy paysa ta, A palôh chyhsa hnohta phuah ta, Khihdei pavâpa chhao azohpa pachâsa thei ta, Alei su sâhpazy liata a chareipa cha, A moh Zehôvâh, Pheisaihzy Khazohpa a châ.”

MATHAI 8:27

Chyhsazy cha ama noâh kaw ta, “He chyhsa he kheihawhpa chyhsa ma a châ tly, thlihzy nata tichatlaopazy taihta a rei amâ ngiahpa he,” tah ei ta.

RYHPACHANEINA 11:4

Izi pheisaihzy nata ama arâzy nata ama talailihzy chô liata a taozie nata, ama châ vaw chadai nota Tilaipi Saihpa ti ta a pavaosapazy nata tanoh taihta Abeipa ta âmo a pahleipadia hapa a pahno leipa nata a hmô leipazy hnohta ei reipa châ leipa ta,