PUASAINA 14:4 - Mara Bible RV (BSI)

⁴ Phiraoh palôh kuh pachhasa aw na ta, âmo cha a chadai aw ta, Phiraoh nata a pheisaih zydua hmâpa ta palyupalihna ei hlao aw. Chatanachata Izi mo ta kei he Abeipa ei châ tahpa ama pahno aw,” tah ta. Izarei sawzy ta cha hawhna chata tao ei ta.

PUASAINA 14:4 ပူးပေါင်းရင်းမြစ်များ

NEHEMIAH 9:10

Phiraoh nata a chakaotuhpa zydua nata a râ chyhsa zydua ta miah pathlatuhpazy chô liata a palai ngaitapa ta hmo ama taopa na pahnopa vâta, ama chô liata ngiana nata hmonoâhpazy tao chi ta, tanoh eima hmôpa hawhna heta, na moh nâ tao haw.

PUASAINA 10:2

Chatanachata na sawchapawpa nata na samohpa nah theina liata Izi râh chô liata ei hmotaoziezy nata ama hry liata hmonoâhpa ei taopazy he chho aw chi ta, kei he Abeipa ei châ tahpa nama pahno thei aw,” tah ta.

PUASAINA 10:27

Châhrasala Abeipa ta Phiraoh cha a palôh kuh pachhasa ta, âmo cha pasiesa khoh khao vei.

PUASAINA 12:28

Izarei sawzy cha sie ei ta, Abeipa ta Mawsi nata Arawna bie a piepa hawhta kei tao ei ta.

PUASAINA 14:23

Izi mo ta Izarei sawzy cha a chadai ei ta, Phiraoh arâ zydua, a talailihzy nata arâ a kiahpazy cha tilaipi chhôh lâ a ngia ei ta.

PUASAINA 14:25

Abeipa ta ama talailih pheizy a thlo hapa vâta sie thei khao leipa ei ta. Izi mo ta, “Izarei mo hmiakô tawhna heta a râ ha ei suh u, Abeipa ta âmo chhâh a châ ta Izi mo â dyuh ha hih,” tah ei ta.

PUASAINA 14:3

Chatanachata Phiraoh ta Izarei sawzy cha, ‘Râhchawhpa liata viavi ei ta, râhchawhpa liata amâ tâh haw,’ tahpa ta pachâ aw ta.

PUASAINA 14:5

Chyhsazy amâ râ khai haw tahpa Izi bei ama chho nahta, âmo kyh liata Phiraoh nata a chakaotuhpazy palôh anano ha heih ta, “Izarei sawzy miah ama chakao haipa tlai ta eima pasiesa thlâh hapa kha, kheihtazie ta kha hawhta a taopa ma eima châ tly?” tah ei ta.

PUASAINA 14:8

Abeipa ta Izi bei Phiraoh palôh kuh pachhasa ta, chatanachata chhôhmohpa ta a sie haipa Izarei sawzy cha a chadai ta.

PUASAINA 18:11

Tahmâ la Abeipa he khazoh zydua hlâta rônah viapa a châzie ei pahno haw. Izarei phopi chô liata a palai ngaitapazy chô liata a hmotaozie tawhta â lâ haw,” tah ta.

PUASAINA 6:7

Ei phopi châta cha hnei aw ei na ta, nama Khazohpa ei châ aw. Chatanachata kei he Izi mo ta phaohri ama cha pavina tawhta châ thaoh papuatuhpa Zehôvâh nama Khazohpa ei châ tahpa nama pahno aw.

PUASAINA 7:17

Chavâta Abeipa ta hetana heta a tah: Kei he Abeipa ei châ tahpa ei hmotaopa liata na pahno aw: Moh teh, ei ku liata chôchahrei heta Nile chavah tizy tu aw na ta, thisaih lâta amâ lie aw.

PUASAINA 7:3

Ngiana nata hmonoâhpazy Izi râh liata ei papôhsapa chhao ta, Phiraoh palôh cha a kuh ei pachhasa ha aw.

PUASAINA 7:5

Izi râh chô liata ei ku pazawhpa ta, Izarei sawzy ama hry tawhta ei chhi papua tita, Izi mo ta kei he Abeipa ei châ tahpa ama pahno aw,” tah ta.

PUASAINA 9:16

Châhrasala ei hmotaotheina cha pahmôsapa ta, khizaw zydua liata ei moh pathâhsapa a châ thei nawpa ta ei cha paduapa a châ.

EZEKIA 20:9

Châhrasala ama hry liata ama pahrâpa phopizy mohmô liata keimasasyh ta â pahnosapa ta, phopizy mohmô lia tlai ta Izi râh tawhta ei kaw chhi papuapa ama châpa vâta, phopizy mohmô liata ei moh papuapaleipa ta a y lei nawpa ta, âmo cha hrie lei awpa lâta hmo ei tao lilaw hapa a châ.

EZEKIA 28:22

‘Abeipa Zehôvâh ta hetana heta a tah,’ tah mah y: “Hy Sidaw, ei châ dyuh na, Ei rônahna nâ liata ei palâsa aw. Ano cha pachia aw na ta, Ei pathaihna a chô liata ei palâsa tita, Abeipa ei châ tahpa ama pahno aw.

EZEKIA 32:15

Izi râh cha roryhrapa ta tao aw na ta, A hneirôna zydua parua khaipa ta, A chhôh liata a pahrâpa zydua ei tusao khai ti ei ta, Kei he Abeipa ei châ tahpa ama pahno aw.

EZEKIA 38:16

Meihdo ta râh a khupa hawhta, ei phopi Izarei cha khyhnao aw chi ta a râh na khu khai aw. Noh hnôhlâzy liata, ei râh a dyuh awpa ta châ chhi aw na ta, Hy Kawkâ, nâma hmâpa ta ama mohmô liata ei pathaihna ei chaluah tita, phopizy ta eina pahno aw ei.

EZEKIA 38:23

Cha hawhna chata ei rônahzie nata ei pathaihzie palâsa aw na ta, phopi hluhpi mohmô liata keimasasyh ta ei pahnosa aw. Chatanachata kei he Abeipa ei châ tahpa ama pahno aw.”

EZEKIA 39:13

Râh chyhsa zydua ta âmo cha pabu aw ei ta, ei rônahna ei palâsana noh cha ama moh pathâhna noh a châ aw, Abeipa Zehôvâh ta a tah.

THEIHTHAINA 10:3

Chatanachata Mawsi ta Arawna hnohta, “He he Abeipa ta, Nâ hniatuhpazy hry liata Pathaihpa ta a luah aw na ta, Chyhsa zydua hmiakô liata Palyupalihpa ta ei y aw, A tahpa kha a châ hih,” tah ta. Arawna cha a chalih thlâh ha ta.

RAWMA 11:8

“Khazohpa ta âmo cha, Tanoh taihta hruna thlahpa pie ta, A hmô thei leipa mo piepa ta, A thei thei leipa nah a pie ei,” tahpa ropa hawhna khata.

RAWMA 9:17

Chavâta Biehrai ta Phiraoh hnohta, “He hmo châta ei cha padua, ei hmotaotheina nâma liata paluahsa ta, khizaw zydua liata ei moh pathâhsapa ta a y thei nawpa ta,” a tahpa a châ.

RAWMA 9:18

Chatanachata Khazohpa ta a khopa maih ngiachhie tyh ta, a khopa maih chhorupa ta a tao tyh.

ZAWSUA 11:20

Abeipa ta Mawsi bie a piepa hawhta, Zawsua ta âmo cha zawngiahna hnei leipa ta, tlokhuh pahleipadia ta a pamua khai nawpa ei ta, Abeipa ta ama palôh kuh pachhasa ta, Izarei a padyuhsapa ei.

RYUREITUHPAZY 4:7

Zabi pheisaihzy hyutuhpa Siserâ cha nâma châ dyuh awpa ta a talailih nata pheisaih zydua chhaota Kisaw chavah lâ vaw pavysa aw na ta, ano cha na ku liata ei cha pie aw,’ tahpa ta bie a cha pie,” tah ta.