PUASAINA 14:31 - Mara Bible RV (BSI)

³¹ Abeipa ta Izi mo chô liata hmotaotheina rônah ngaitapa a hmâpa cha Izarei sawzy ta hmô ei ta, chavâta Izarei phopi ta Abeipa cha chi ngaita ei ta, chatanachata Abeipa nata a chakaotuhpa Mawsi cha a ngiapâ ha ei ta.

PUASAINA 14:31 ပူးပေါင်းရင်းမြစ်များ

2 THÂTIHZYRONA 20:20

A mylâ mydi kari ta thyu ei ta, Tekô râhchawhpa lâ sie ei ta. Ama sie hai nota, Zehôsaphâ cha a duah ta, “Hy Zudâh pathla nata Zerusale khihsawzy saih u, na nathlie teh u! Abeipa nama Khazohpa cha zo u la, â ipa ta namâ duah thei aw. A hrohsopazy zo u la, nama hlao a tloh aw,” tah ta.

NEHEMIAH 9:9

“Miah pathlatuhpazy Izi râh liata ama rietheizie hmô chi ta, Tilaipi Saihpa liata ama chana ao na thei.

HLAZY 119:120

Ei pôhpa he nâma chipa ta a chalyu ta, Na pachianazy ei ngiaroh kaw tyh.

PUASAINA 19:9

Abeipa ta Mawsi hnohta, “Pachâ teh, bie ei cha chho tita zawpi ta ama thei thei nawpa nata chhâzaw ta ama cha zo thei nawpa ta, meihdo chhakaluhpa hry liata nâ lâ ei vy aw,” tah ta. Chatawhcha Mawsi ta zawpi bie reipazy cha Abeipa chho ta.

PUASAINA 4:31

Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.

LUKA 8:13

Hezy he lôphiariapa liata chi hiepazy ama châ. Bie ama theipa nahta, a ly ngaitapa ta a pyh ei ta, châhrasala thari ama thla leipa vâta, bohpi leipa chhôh zyh ei ta, reipasaona a vaw y nahta, ama paosai ha tyh.

ZAWHÂNA 11:45

Mâri hnohta thlâ lâ a vawhpa Zu chyhsa hluhpi ta, Zisu hmotaopa cha ama hmô nahta, ano cha a ngiapâ ha ei ta.

ZAWHÂNA 2:11

Zisu ta hmonoâhpa a tao tua chaipa cha, Kâlili râh Kena khih liata tao ta, a rônahzie palâsa ta, chatanachata a pachupazy ta ano cha a ngiapâ ha ei ta.

HMOTAOPAZY 8:13

Saimaw chhao a ngiapâ ha hra ta, bâti a châ khai nahta, Phili hnohta y lymâ ta. Ngiana nata hmonoâhpa rônah ngaitapa a taopazy hmô ta, a noâh ngaita ta.

HEBRAI 3:5

Hmialâ daihti liata bie rei awpazy pa-i nawpa ta, Mawsi cha Khazohpa o liata chakaotuhpa ngâchhihpa châ ta,

ZAWSUA 24:7

Châ pathlatuhpazy ta Abeipa pado ei ta, nâmo nata Izi mo likawh liata zohna vaw soh ta, Izi mo cha tilaipi ta pavaosa ta, a pamôh khai ha ei. Izi râh liata ei hmotaopa kha nama mo tlai ta hmô ta. Râhchawhpa liata bohpi nama y.

ZAWSUA 4:14

Cha noh liata, Abeipa ta Izarei zydua mohmô ta Zawsua cha cheihchalo ta. Mawsi ama zapa hawhta, Izarei zawpi ta Zawsua cha a hrochhôh zydua ama za lymâ.

ZAWSUA 4:24

Chatanachata alei chô liata phopi zydua ta Abeipa ku cha ku thatlôpa a châ tahpa pahno aw ei ta, Abeipa nama Khazohpa cha nama chi lymâ thei aw,” tah ta.

1 SAMUELA 12:16

Chavâta tahmâ a chalihpa ta a duah u la, Abeipa ta nama mohmô ta hmo rônah ngaitapa a tao awpa he moh teh u.

1 SAMUELA 12:18

Samuela ta Abeipa cha aw ta, Abeipa ta cha noh liata, tôkalôhpa pathuasapa ta, avâ pasuasa ta. Zawpi zydua ta Abeipa nata Samuela cha chi ngaita ei ta.