PUASAINA 14:30 - Mara Bible RV (BSI)

³⁰ Cha hawhna chata Abeipa ta Izarei sawzy cha, cha noh liata Izi mo ku tawhta a pachha ha ei. Izarei sawzy ta Izi mo cha thiruapa ta tilaipi kiah liata hmô ei ta.

PUASAINA 14:30 ပူးပေါင်းရင်းမြစ်များ

2 THÂTIHZYRONA 32:22

Cha hawhna chata Abeipa ta Hezekia nata Zerusale khihsawzy cha, Asuria bei Senâkeri ku tawhta nata a chariah zydua ku tawhta pachha ta, amâ ngiahpazy kao to tawhta a tlôkheipa lymâ ei.

HLAZY 106:10

Ama khakhaipa ku tawhta âmo cha pachha ta, Ama chariahpazy hmotaotheina tawhta a chatlai ei.

HLAZY 106:8

Chatanachôta a moh vâta âmo cha pachha pyly ta, A hmotaotheina rônahpa a pahnosa ei.

HLAZY 58:10

A phuh lapa a châpa a hmô tita, Mosiapa cha a ly aw ta; Moleipazy thisaih liata a phei â si aw.

HLAZY 59:10

A kyhpachâna tleih beih leipa Khazohpa ta na vaw dy aw ta, Ei chariahpazy pahniepa ta ama ypa eina pamosa aw.

HLAZY 91:8

Na mo ta moh aw chi ta, Moleipa viarithôpa a châpa na hmô aw.

PUASAINA 14:13

Mawsi ta Izarei phopi hnohta, “Chi khah u, â ipa ta a duah u la, Abeipa pachhana tanoh a vaw tlô awpa mokhâh teh u. Tanoh ta Izi chyhsa nama hmôpazy he chhâzaw ta hmô heih khao aw veih ei chi.

ISAI 63:11

Hlâno daihtizy a thei heih ei ta, Mawsi ta Abeipa phopi a chhihthana daihtizy kha amâ thei heih. Chatanachata hetana heta ama tah: “Tilaipi tawhta a phopi a chhi papuatuhpa Abeipa kha, Khataih liata a y haw? A mietaku zaw vaituhpazy chhaota Âmo a chhi papuatuhpa kha, Khataih liata a y haw? Ama hry liata a Thlahpa Pathaihpa a sohtuhpa kha, Khataih liata a y haw?

ISAI 63:8

Abeipa ta Izarei kyh liata, “Izarei cha ei phopi châ tlai ei ta, Adoleipa ta hmo a tao lei awpa sawzy ama châ,” tah ta, Âmo Pachhatuhpa ta a y hapa a châ.

ISAI 63:9

Ama pasataona liata pasa tao hrapa ta, Ama hnohta a ypa vâlyuhchâpa ta âmo cha pachha ta, A kyhpachâna nata a ngiachhiena ta a chatlai ha ei; Kha hlâ tawhna khata âmo cha chalo ta, A pi laih tyh ei.

HÔSIA 1:7

Zudâh chhôhkha hnohta deikua cha ei kyhpachâna ei palâsa aw. Pahniena pie aw ei na ta, libaw ta tlyma, zaozi ta tlyma, adyuhna ta tlyma, arâ nata a kiahtuhpazy vâta tlyma pahniena châ leipa aw ta, Abeipa ama Khazohpa vâta pahniena a châ aw,” tah ta.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

ZUDÂH 1:5

Nama pahno chiehpa a châ tarawpa ta, he bie he ei cha chho chanei khoh heih ei. Phopi miakha cha Zisu ta Izi râh tawhta pachha papua ta, a hnôhlâ ta a ngiapâleipazy a pahleipadia lilaw ei.

RYUREITUHPAZY 10:11

Abeipa ta Izarei sawzy hnohta, “Izi mo, Amawri mo, Amawna mo nata Philistinâ mozy tawhta cha pachha ha veih ei na ma?

1 SAMUELA 11:13

Châhrasala Sawla ta, “Tanoh hawhpa liana heta la ahy hmahta thie awpa châ vei, tanoh he Abeipa ta Izarei a pachhana noh a châ hih,” tah ta.

1 SAMUELA 14:23

Cha noh ta Abeipa ta Izarei cha pachha ta, Bethave khô lâ taihta amâ dyuh lymâ.