PUASAINA 14:29 - Mara Bible RV (BSI)

²⁹ Izarei sawzy deikua cha, tilaipi chhôh alei hipa liata sie ei ta, tizy cha ama chachâh lâ nata ama chavei lâta âmo châta pâhchhô châ ha ta.

PUASAINA 14:29 ပူးပေါင်းရင်းမြစ်များ

2 ABEIZY 2:8

Elaizâh ta a viahkao pasipa la ta, â tôh lâta chaty ta, ti cha tu ta, chavei chachâh ta a vaw pachhaih ta, ama pano ta alei hipa liata chaka ha ei ta.

NEHEMIAH 9:11

Ama hmiakô liata tilaipi pachhaih chi ta, tilaipi liah liata alei hipa liata sie ei ta, âmo a chadaituhpazy cha, ti thatlô ngaitapa liata alô pathlapa hawhta, ti a thu ngaitapa liata na pathla ha ei.

HLAZY 106:9

Tilaipi Saihpa rapa ta pakua ta, Râhchawhpa liata siepa hawhta, Ti athupa kuapa liata a siekhei ei.

HLAZY 136:13

Tilaipi Saihpa piah no ta a pachhaihtuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 78:13

Tilaipi pachhaihpa ta âmo cha pasiesa ta, Tizy toh ta a chalihsa.

PUASAINA 14:22

Izarei sawzy cha tilaipi chhôh alei hipa liata sie ei ta, tizy cha ama chachâh lâ nata ama chavei lâta âmo châta pâhchhô hawhta vaw y ta.

PUASAINA 15:19

Phiraoh arâzy, talailihzy nata arâ a kiahpazy tilaipi chhôh lâ amâ ngia khai nahta, Abeipa ta tilaipi tizy cha vaw pakuasa ta, âmo cha a vao ha ei. Izarei sawzy deikua cha, tilaipi chhôh alei hipa liata ama sie.

PUASAINA 15:8

Na hnapasu hu ta tizy toh ta, Pâhchhô hawhta tipaua a duah ta, Tizy tilaipi liah liata â patlo khai haw.

ISAI 11:15

Abeipa ta Izi Tilaipi paleih cha, Tlokhuh pahleipadia aw ta; Ufrâti Chavah chhao, A ku ta thlih lalôhpa a chatho thlu aw; Vahtie miasari ta pachhaihna taihta tu aw ta, Pheiky dâ leipa ta ama chaka aw.

ISAI 43:2

Tizy na chaka nota, Na hnohta y awh na ta; Chavahzy na chaka nota, Cha vao aw veih ei. Mei hry liata na sie nota, Cha kâ leipa aw ta, Meipaleih ta cha palâ aw vei.

ISAI 51:10

Tilaipi a pakuatuhpa kha, Nâma châ chi ta; Ti a thu ngaitapazy a pakuatuhpa chhao kha, Nâma ma na châ vei? Chatlaipazy haosâ lâ chakasa awpa ta, Tilaipi athupazy liata lâpi a taotuhpa chhao kha, Nâma tlai he ma na châ vei?

ISAI 51:13

Abeipa, nâma châ Taotuhpa cha my chi ta, Avâ paraipa ta alei abôna lôbôzy a bôtuhpa mypa ta, Parao châ chhuahpa tlybaituhpa hiehâna vâta Noh y ta chipa ta a y thlâh hapa chi cha, Ahy ma na châ tly? Tlybaituhpa hiehâhna cha khataih liata ma a y?

1 KAWRINI 10:1

Unawh saih u, he hmo he nama pahno lei awpa khoh va na. Miah pathlatuhpa zydua kha meihdo ry liata y khai ei ta, ama zydua ta tilaipi ama chaka khai.

ZAWSUA 3:16

machha lâ tawhta ti a zâ loh haipa cha a duah ta, lâhlapi taihta, Zarethâ kiapâh ta a ypa Âdâh khihpi taihta â sâh pi ta a opa ta a toh ta, Tilaipi Iahpa, Arabâ Tilaipi lâta a lohpa ti cha chie pachhô ta, zawpizy cha Zerikô khih dady liata Zawdâh haosâ lâ ama pua haw.