PUASAINA 14:27 - Mara Bible RV (BSI)

²⁷ Mawsi ta tilaipi chô liata a ku pazawh ta, khih a vaw dei nahta, tilaipi cha a y tyhpa hawhta vaw y ha heih ta. Izi mo cha a râ ei ta, châhrasala Abeipa ta âmo cha tilaipi chhôh liata a thy khai ha ei.

PUASAINA 14:27 ပူးပေါင်းရင်းမြစ်များ

NEHEMIAH 9:11

Ama hmiakô liata tilaipi pachhaih chi ta, tilaipi liah liata alei hipa liata sie ei ta, âmo a chadaituhpazy cha, ti thatlô ngaitapa liata alô pathlapa hawhta, ti a thu ngaitapa liata na pathla ha ei.

HLAZY 106:11

Tizy ta ama khakhaipazy vao ta, Pakha hmah pahlôhpa châ veih ei.

HLAZY 136:15

Phiraoh nata a pheisaihzy Tilaipi Saihpa liata a patlasatuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 78:53

 bohpa ta âmo cha chhihtha ta, Khâpa hmah chi veih ei; Ama chariahpazy deikua cha, Tilaipi ta a vao khai ha ei.

ISAI 10:26

Ôrebâ lôpanô liata Midia a thie no hawhna khata, Pheisaihzy Abeipa ta Asuria cha chheina savo ri ta a chhei aw. Izi râh liata a chaluahpa hawhna khata, tilaipi chô liata a chôchahrei a chaluah aw.

RYHPACHANEINA 11:4

Izi pheisaihzy nata ama arâzy nata ama talailihzy chô liata a taozie nata, ama châ vaw chadai nota Tilaipi Saihpa ti ta a pavaosapazy nata tanoh taihta Abeipa ta âmo a pahleipadia hapa a pahno leipa nata a hmô leipazy hnohta ei reipa châ leipa ta,

HEBRAI 11:29

Ngiapâna ta alei hipa liata siepa hawhta Tilaipi Saihpa ama chaka. Izi mo deikua cha, cha hawhta tao a chhuah hra ei ta, ti ta a vaosao khai ha ei.

ZAWSUA 24:7

Châ pathlatuhpazy ta Abeipa pado ei ta, nâmo nata Izi mo likawh liata zohna vaw soh ta, Izi mo cha tilaipi ta pavaosa ta, a pamôh khai ha ei. Izi râh liata ei hmotaopa kha nama mo tlai ta hmô ta. Râhchawhpa liata bohpi nama y.

ZAWSUA 4:18

Chatanachata Abeipa Biehrai Byh asytuhpa theihthaipazy cha Zawdâh chavah liah khophie tawhta vaw pua ei ta, theihthaipazy pheipazah ta alei hipa a tlypa nahta, Zawdâh tizy cha a lo tyhpa hawhta za loh heih ta, a bie tyhpa hawhta a kao zydua a bie khai haw.