PUASAINA 14:22 - Mara Bible RV (BSI)

²² Izarei sawzy cha tilaipi chhôh alei hipa liata sie ei ta, tizy cha ama chachâh lâ nata ama chavei lâta âmo châta pâhchhô hawhta vaw y ta.

PUASAINA 14:22 ပူးပေါင်းရင်းမြစ်များ

2 ABEIZY 2:14

Elaizâh tawhta viahkao pasipa a zâ tlapa la ta, cha chata ti cha tu ta, “Zehôvâh, Elaizâh Khazohpa cha khataih liata a y?” tah ta. Ti a tu nahta, chavei chachâh ta a vaw pachhaih ta, Elaisâh cha chaka ta.

2 ABEIZY 2:8

Elaizâh ta a viahkao pasipa la ta, â tôh lâta chaty ta, ti cha tu ta, chavei chachâh ta a vaw pachhaih ta, ama pano ta alei hipa liata chaka ha ei ta.

NEHEMIAH 9:11

Ama hmiakô liata tilaipi pachhaih chi ta, tilaipi liah liata alei hipa liata sie ei ta, âmo a chadaituhpazy cha, ti thatlô ngaitapa liata alô pathlapa hawhta, ti a thu ngaitapa liata na pathla ha ei.

HLAZY 106:9

Tilaipi Saihpa rapa ta pakua ta, Râhchawhpa liata siepa hawhta, Ti athupa kuapa liata a siekhei ei.

HLAZY 136:13

Tilaipi Saihpa piah no ta a pachhaihtuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 136:14

Tilaipi Saihpa â pachhaihpa liata Izarei a chakasatuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 66:6

Tilaipi cha alei hipa pachâsa ta, Phei ta vahpi ti ama chaka. Cha liata ano liata thaphapa ta eima y;

HLAZY 74:15

Tihnawhzy a papuatuhpa nata vahtiezy a palosatuhpa châ chi ta, Vahtly tipi a pakuatuhpa na châ.

HLAZY 78:13

Tilaipi pachhaihpa ta âmo cha pasiesa ta, Tizy toh ta a chalihsa.

PUASAINA 14:29

Izarei sawzy deikua cha, tilaipi chhôh alei hipa liata sie ei ta, tizy cha ama chachâh lâ nata ama chavei lâta âmo châta pâhchhô châ ha ta.

PUASAINA 15:19

Phiraoh arâzy, talailihzy nata arâ a kiahpazy tilaipi chhôh lâ amâ ngia khai nahta, Abeipa ta tilaipi tizy cha vaw pakuasa ta, âmo cha a vao ha ei. Izarei sawzy deikua cha, tilaipi chhôh alei hipa liata ama sie.

PUASAINA 15:8

Na hnapasu hu ta tizy toh ta, Pâhchhô hawhta tipaua a duah ta, Tizy tilaipi liah liata â patlo khai haw.

ISAI 11:15

Abeipa ta Izi Tilaipi paleih cha, Tlokhuh pahleipadia aw ta; Ufrâti Chavah chhao, A ku ta thlih lalôhpa a chatho thlu aw; Vahtie miasari ta pachhaihna taihta tu aw ta, Pheiky dâ leipa ta ama chaka aw.

ISAI 11:16

Izi râh tawhta ama kaw pua nota, Izarei châta lâlai a ypa hawhna khata, A phopi laibâhpazy châta chhao, Asuria râh tawhta lâlai a y aw.

ISAI 43:16

Tilaipi liata lâpi tao ta, Tisaihzy liata lâthlôh a taopa;

ISAI 51:10

Tilaipi a pakuatuhpa kha, Nâma châ chi ta; Ti a thu ngaitapazy a pakuatuhpa chhao kha, Nâma ma na châ vei? Chatlaipazy haosâ lâ chakasa awpa ta, Tilaipi athupazy liata lâpi a taotuhpa chhao kha, Nâma tlai he ma na châ vei?

ISAI 63:12

A bâh rônahpa Mawsi ku chachâh lâta pasiesa ta, Anosasyh ta chhâzaw moh a tao awpa ta, Ama hmiakô liata tizy a pachhaihtuhpa kha, Khataih liata a y haw?

ISAI 63:13

Amâ chapia lei nawpa ta, Arâ hawhta râhchawhpa liata âmo chhihtha ta, Ti a thupazy liata âmo a chhituhpa kha, Khataih liata a y haw?

ZEKARIA 2:5

keima tlai he Zerusale châta mei thokhy châ aw na ta, a chhôh liata a rônahna ei châ aw,’ Abeipa ta a tah tahpa ta kei chho teh,” tah ta.

MALUHREINA 33:8

Pihahirô tawhta pua ei ta, tilaipi liah liata siepahliepa ta râhchawhpa lâ a ngia ei ta, Ethamâ râhchawhpa liata noh thôh sie ei ta, Marâh liata riehmo ama paryh.

1 KAWRINI 10:1

Unawh saih u, he hmo he nama pahno lei awpa khoh va na. Miah pathlatuhpa zydua kha meihdo ry liata y khai ei ta, ama zydua ta tilaipi ama chaka khai.

HEBRAI 11:29

Ngiapâna ta alei hipa liata siepa hawhta Tilaipi Saihpa ama chaka. Izi mo deikua cha, cha hawhta tao a chhuah hra ei ta, ti ta a vaosao khai ha ei.

ZAWSUA 3:16

machha lâ tawhta ti a zâ loh haipa cha a duah ta, lâhlapi taihta, Zarethâ kiapâh ta a ypa Âdâh khihpi taihta â sâh pi ta a opa ta a toh ta, Tilaipi Iahpa, Arabâ Tilaipi lâta a lohpa ti cha chie pachhô ta, zawpizy cha Zerikô khih dady liata Zawdâh haosâ lâ ama pua haw.

ZAWSUA 3:17

Izarei saw zydua ta chavah cha alei hipa liata chaka ei ta, Izarei phopi zydua ta Zawdâh ama chaka khai hlâlei, Abeipa Biehrai Byh asytuhpa theihthaipazy cha Zawdâh chavah liah khophie alei hipa liata a duah thlâh ha ei ta.

ZAWSUA 4:22

‘Izarei ta alei hipa liata Zawdâh a chakapa atheithlâhna a châ,’ tahpa ta nama chho aw.

1 SAMUELA 25:16

Mietakuzy vaih pi ta, ama hnohta eima y chhôh zydua ta, chhô nah zâ ta eima châta thokhy ama châ lymâ tyh.