PUASAINA 14:21 - Mara Bible RV (BSI)

²¹ Mawsi ta tilaipi chô liata a ku pazawh ta, Abeipa ta azozâkhihdei ta nochhi thlih ru ngaitapa vaw pathlisa ta, tizy hnoh lâ a sy ei ta, tilaipi cha alei hipa lâta pachâsa ta. Chatanachata tizy cha a pachhaih ta.

PUASAINA 14:21 ပူးပေါင်းရင်းမြစ်များ

ÂTHAONA 8:1

Châhrasala Khazohpa ta Nôah nata balyh liata a hnohta a ypa hmohrohneipa to nata sahroh zydua cha a thei thlâh ha ta. Chatanachata Khazohpa ta alei chô liata thlih pathlisa ta, tizy cha a sy pathao ei ta.

2 ABEIZY 2:8

Elaizâh ta a viahkao pasipa la ta, â tôh lâta chaty ta, ti cha tu ta, chavei chachâh ta a vaw pachhaih ta, ama pano ta alei hipa liata chaka ha ei ta.

NEHEMIAH 9:11

Ama hmiakô liata tilaipi pachhaih chi ta, tilaipi liah liata alei hipa liata sie ei ta, âmo a chadaituhpazy cha, ti thatlô ngaitapa liata alô pathlapa hawhta, ti a thu ngaitapa liata na pathla ha ei.

ZAWBÂ 26:12

A hmotaotheina ta tilaipi chatlaosa ta, A pahnona ta Rahâbi a thie.

ZAWBÂ 38:24

Khaihna piepapuana su lâpi cha khataih liata y ta, Alei chô liata a hiepatlapa nochhi thlih puana cha khataih liata a y?

HLAZY 136:13

Tilaipi Saihpa piah no ta a pachhaihtuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 148:8

Mei nata pareih, dâhaw nata ameih zy saih u, Abeipa cha reithai u la; A bie a zyhpa thlihpizy saih u, Abeipa cha reithai teh u!

HLAZY 66:6

Tilaipi cha alei hipa pachâsa ta, Phei ta vahpi ti ama chaka. Cha liata ano liata thaphapa ta eima y;

HLAZY 74:13

Na thatlôna ta tilaipi pachhaih chi ta, Tilaipi sa lai ngaitapazy luh na pakei haw.

HLAZY 78:13

Tilaipi pachhaihpa ta âmo cha pasiesa ta, Tizy toh ta a chalihsa.

PUASAINA 14:16

Na chôchahrei kha hy la, tilaipi chô liata na ku pazawh la, tilaipi kha pachhaih mah y. Chatanachata Izarei sawzy cha tilaipi chhôh alei hipa liata ama sie aw.

PUASAINA 14:20

Izi pheisaihzy nata Izarei pheisaihzy likawh liata vaw tla ta. Meihdo nata zohna vaw y ta, zâ chhôh zydua meihdo ta hia kha lâ zohna paysapa ta, hia kha la khaihna paysa ta, zâ chhôh zydua ta hia kha lâ tawhta hia kha lâ a hnia thei veih ei.

PUASAINA 15:8

Na hnapasu hu ta tizy toh ta, Pâhchhô hawhta tipaua a duah ta, Tizy tilaipi liah liata â patlo khai haw.

PUASAINA 7:19

Abeipa ta Mawsi hnohta, “Arawna hnohta, ‘Na chôchahrei chaba la, Izi râh tizy, ama chavahzy, ama vahtiepazy, ama tipozy nata ama ti pa-ona zydua chô liata na ku pazawh teh. Chatanachata tizy cha thisaih lâta a lie aw ei ta, Izi râh zydua liata thisaih a y aw. Tho hmobaohzy chhôh liata nata alô hmobaohzy chhôh liata chhao thisaih a y aw,’ tahpa ta chho mah y,” tah ta.

ISAI 23:11

Abeipa ta tilaipi chô liata a ku pazawhpa ta, Abeinarâhzy chalyu ta; Kâna thokhyzy parao awpa ta, Bie a pie haw.

ISAI 43:16

Tilaipi liata lâpi tao ta, Tisaihzy liata lâthlôh a taopa;

ISAI 44:27

Ti a thupa hnohta, ‘Kua teh, na chavahzy ei pakua khai aw,’ A tahtuhpa ei châ.

ISAI 50:2

Khazia ma ei vy no kha chyhsa a hy hmah y leipa ei ta, Khazia ma ei aw no kha nâ chyh-eipa ama y vei tly? Ei ku he chatlai thei lei awpa ta pachhohsapa ma a châ haw? Pachha awpa ta hmotaotheina a hnei leipa ma ei châ haw? Moh teh u, tilaipi cha rapa ta padua na ta, Chavahzy râh raohpa lâta paliepa ta, Ti y leipa vâta nga thu roh pahnâh ta, Dâhphipa ta ama thi.

ISAI 51:10

Tilaipi a pakuatuhpa kha, Nâma châ chi ta; Ti a thu ngaitapazy a pakuatuhpa chhao kha, Nâma ma na châ vei? Chatlaipazy haosâ lâ chakasa awpa ta, Tilaipi athupazy liata lâpi a taotuhpa chhao kha, Nâma tlai he ma na châ vei?

ISAI 51:15

Kei he Abeipa na Khazohpa châ na ta, Tilaipi chatlaosapa ta, A tichatlaopazy a paaohsatuhpa ei châ. Ei moh cha Pheisaihzy Abeipa a châ.

ISAI 63:12

A bâh rônahpa Mawsi ku chachâh lâta pasiesa ta, Anosasyh ta chhâzaw moh a tao awpa ta, Ama hmiakô liata tizy a pachhaihtuhpa kha, Khataih liata a y haw?

ISAI 63:13

Amâ chapia lei nawpa ta, Arâ hawhta râhchawhpa liata âmo chhihtha ta, Ti a thupazy liata âmo a chhituhpa kha, Khataih liata a y haw?

HABAKU 3:8

Hy Abeipa, arâ kiah chi ta, Na pahniena talailih liata na kia no kha, Chavahzy chô liata ma na hie a hâh? Chavahzy chô liata ma na pathi a ia? Tilaipi chô liata ma na ru a chhô?

HMOTAOPAZY 7:36

Mawsi chata Izi râh liata zy, Tilaipi Saihpa liata zy, râhchawhpa liata zy, kô sypalih chhôh hmonoâhpa nata ngianazy taopa ta, Izarei sawzy a chhi papua ta.

ZAWSUA 2:10

Izi tawhta nama kaw pua nota, Abeipa ta nama hmiakô liata Tilaipi Saihpa a pakuasazie nata Zawdâh haosâ Amawri bei pano Sihaw nata Ôkâ zy chô liata nama taozie zy thei pi ta, âmo cha tlokhuh nama pahleipadia khai hapa thâtihzy eima vaw thei.

ZAWSUA 3:17

Izarei saw zydua ta chavah cha alei hipa liata chaka ei ta, Izarei phopi zydua ta Zawdâh ama chaka khai hlâlei, Abeipa Biehrai Byh asytuhpa theihthaipazy cha Zawdâh chavah liah khophie alei hipa liata a duah thlâh ha ei ta.

ZAWSUA 4:23

Zehôvâh Khazohpa ta eima chaka khai hlâlei Tilaipi Saihpa pakua ta, Tilaipi Saihpa chô liata a taopa hawhna khata, Zehôvâh Khazohpa ta nama chaka khai hlâlei Zawdâh tizy a cha pakuapa ei.