PUASAINA 14:14 - Mara Bible RV (BSI)

¹⁴ Abeipa ta a châ dyuhpa aw ei. Nâmo deikua cha a thlih thlâh ha teh u,” tah ta.

PUASAINA 14:14 ပူးပေါင်းရင်းမြစ်များ

2 THÂTIHZYRONA 20:15

Zahâzie ta, “Nâmo, Zudâh râhsaw zydua nata Zerusale khihsaw zydua nata Bei Zehôsaphâ y, nathlie teh u. Abeipa ta nama hnohta, ‘Chi leipa u la, pheisaih hri hluh ngaitapazy vâta ngiarohpa ta y hra khuh vy. Adyuhna cha nâmo adyuhna châ leipa ta Khazohpa adyuhna a châ.

2 THÂTIHZYRONA 20:17

He adyuhna he nâmo a dyuh awpa byuh aw vei. Namâ duana liata â ipa ta a duah u la, Hy Zudâh mo nata Zerusale mo saih u, nâmo vyuhpa ta Abeipa pachhana cha moh teh u,’ a tah. Chavâta chi leipa u la, a ngiaroh hra khuh vy. A dyuh awpa ta mylâ pua teh u. Abeipa nama hnohta a y aw,” tah ta.

2 THÂTIHZYRONA 20:29

Abeipa ta Izarei chariahzy â dyuh tahpa ama thei nahta, alei chô liata khinarâh zydua Khazohpa china ta patu khai ha ta.

NEHEMIAH 4:14

Chatawhcha mohmia pasaih na ta, thyu na ta, nôpawpazy nata ryureituhpazy nata zawpizy hnohta, “Âmo cha chi khuh vy. Abeipa rônahpa nata chichhihpa a thei u la, nama unawhzy, nama sawchapawzy, nama sawchanôzy, nama lapinôzy, nama ozy châta a dyuh muh vy,” tah na ta.

NEHEMIAH 4:20

Chiahmie pyu nama theina su liata, cha liana cha keimo lâ a vaw hmaoh tyh muh vy. Eima Khazohpa ta miah â dyuhpa aw,” tah na ta.

NEHEMIAH 9:11

Ama hmiakô liata tilaipi pachhaih chi ta, tilaipi liah liata alei hipa liata sie ei ta, âmo a chadaituhpazy cha, ti thatlô ngaitapa liata alô pathlapa hawhta, ti a thu ngaitapa liata na pathla ha ei.

HLAZY 35:1

Hy Abeipa, nâ chakhiatuhpazy chakhia la, Nâ dyuhtuhpazy a dyuh mah y!

HLAZY 50:3

Eima Khazohpa a vy ta, A thlih thlâh ha vei; A hmiakô liata mei thata kâ ta, A chheipâh liata thlihpi thata a pathli.

HLAZY 83:1

Hy Khazohpa, a chalih leipa la, Hy Khazohpa, a thlih thlâh ha leipa la, Y molo cheita khah y!

PUASAINA 14:15

Abeipa ta Mawsi hnohta, “Khazia eina awsao chi? Izarei sawzy kha hmia lâ sie lymâ awpa ta chho teh.

PUASAINA 14:25

Abeipa ta ama talailih pheizy a thlo hapa vâta sie thei khao leipa ei ta. Izi mo ta, “Izarei mo hmiakô tawhna heta a râ ha ei suh u, Abeipa ta âmo chhâh a châ ta Izi mo â dyuh ha hih,” tah ei ta.

PUASAINA 15:3

Zehôvâh cha chariah a dyuhpa pasaipha châ ta, A moh Zehôvâh a châ.

ISAI 30:15

Abeipa Zehôvâh, Izarei Mo Pathaihpa ta hetana heta a tah: “Rona nata apahâna liata nama pachhana y ta, A thlih thlâh hana nata ngâna liata nama thatlôna a y.” Châhrasala khoh leipa ei chi ta,

CHAPHÔHTUNA 3:26

Abeipa pachhana hmô awpa ta, A chalihpa ta hâpa cha hmo phapa a châ.

RYHPACHANEINA 1:30

Nama hmia lâta a siepa Abeipa nama Khazohpa ta, Izi râh liata nama mohmô lia tlai ta nama châta a taopa hawhna khata, a châ dyuhpa aw ei.

RYHPACHANEINA 20:4

Abeipa nama Khazohpa nama hnohta sie aw ta, nama chariahzy châ dyuhpa aw ei ta, a cha pachha aw ei,’ a tah aw.

RYHPACHANEINA 3:22

Âmo cha nama chi awpa châ vei, Abeipa nama Khazohpa ta a châ dyuhkhei aw ei,’ tah na ta.

ZAWSUA 10:10

Abeipa ta Izarei sawzy hmiakô liata Amawri mo cha patypamâsa ta, Kibiô liata thata thie ei ta, Behôrô lâ khyna lâpi lâta a chadai ei ta, Azekâ nata Mâkedâ khihpi taihta thie lymâ ei ta.

ZAWSUA 10:14

Cha hawhta Abeipa ta chyhsapa ao a nathliena noh cha, cha hlâta y beih leipa ta, cha khai tawhta chhao y beih khao vei. Abeipa ta Izarei â dyuhkheipa vâta a châ.

ZAWSUA 10:42

Abeipa, Izarei Khazohpa ta Izarei cha â dyuhkheipa vâta, cha bei zydua nata ama râhzy cha Zawsua ta ei kha ta a la khai thei ha ei.

ZAWSUA 23:10

Abeipa nama Khazohpa ta bie châ taih ei ta, ano tlai ta nâmo châta â dyuhpa vâta, nâmo chyhsa pakha ta chyhsa sâh kha namâ chadaipai aw.

ZAWSUA 23:3

Abeipa nama Khazohpa ta nâmo vâta he phopi zydua chô liata a taopa zydua nama hmô khai. Abeipa nama Khazohpa ano tlai ta a châ dyuhpa ei.

RYUREITUHPAZY 5:20

Avâ tawhta awhsizy ta a zâ dyuh ei ta, Ama su tawhta Siserâ ama zâ dyuh.

1 SAMUELA 4:7

Philistinâ mo cha chi ngaita ei ta, “Riehmo lâ khazoh â vy ha chu,” tah ei ta. “Eima hu a po na! He hawhpa hmo he y beih vei.