PUASAINA 14:13 - Mara Bible RV (BSI)

¹³ Mawsi ta Izarei phopi hnohta, “Chi khah u, â ipa ta a duah u la, Abeipa pachhana tanoh a vaw tlô awpa mokhâh teh u. Tanoh ta Izi chyhsa nama hmôpazy he chhâzaw ta hmô heih khao aw veih ei chi.

PUASAINA 14:13 ပူးပေါင်းရင်းမြစ်များ

ÂTHAONA 15:1

Cha khai tawhta Abeipa bie cha aluahna ta Abarâ hnohta vaw tlô ta, “Abarâ, chi khah y, Na vyhphao châ na ta, Na lymâ rônah ngaitapa ei châ,” tah ta.

ÂTHAONA 26:24

Cha zâ ta a hnohta Abeipa a vaw luah ta, “Kei he na paw Abarahâ Khazohpa ei châ. Chi khah y, ei cha ypâ lymâ aw. Byhnâ cha pie aw na ta, nâ chakaotuhpa Abarahâ zawhzi ta na pathlazy ei papôh aw,” tah ta.

ÂTHAONA 46:3

Ano ta, “Kei he Khazohpa, na paw Aisika Khazohpa ei châ. Izi râh lâta zu awpa chi khah y. Cha liata phopi rônahpa ta ei cha tao aw.

ÂTHAONA 49:18

“Hy Abeipa, na pachhana ei hâ thlâh haw!

2 ABEIZY 6:16

Elaisâh ta, “Chi khah y, âmo chhâh a châpa hlâta keimo chhâh a châpa ama hluh via mâh tâh,” tah ta.

1 THÂTIHZYRONA 11:14

Eliaza deikua cha, lyu liah liata a duah ta, khâchâ vaih ta, Philistinâ mo cha thie ta, Abeipa ta pahniena rônahpa ta a pachha ei.

2 THÂTIHZYRONA 20:15

Zahâzie ta, “Nâmo, Zudâh râhsaw zydua nata Zerusale khihsaw zydua nata Bei Zehôsaphâ y, nathlie teh u. Abeipa ta nama hnohta, ‘Chi leipa u la, pheisaih hri hluh ngaitapazy vâta ngiarohpa ta y hra khuh vy. Adyuhna cha nâmo adyuhna châ leipa ta Khazohpa adyuhna a châ.

2 THÂTIHZYRONA 20:17

He adyuhna he nâmo a dyuh awpa byuh aw vei. Namâ duana liata â ipa ta a duah u la, Hy Zudâh mo nata Zerusale mo saih u, nâmo vyuhpa ta Abeipa pachhana cha moh teh u,’ a tah. Chavâta chi leipa u la, a ngiaroh hra khuh vy. A dyuh awpa ta mylâ pua teh u. Abeipa nama hnohta a y aw,” tah ta.

NEHEMIAH 9:9

“Miah pathlatuhpazy Izi râh liata ama rietheizie hmô chi ta, Tilaipi Saihpa liata ama chana ao na thei.

HLAZY 3:8

Pachhana cha Abeipa eih châ ta, Na byhnâ na chyhsazy chô liata y mawh sy! Selah

HLAZY 68:21

A chariahpazy deikua cha, Khazohpa ta ama luh chhawh pathlah aw ta, A thaileichâna lâpi a chhihpa hrôtô a chhawh pathlah aw.

HLAZY 78:53

 bohpa ta âmo cha chhihtha ta, Khâpa hmah chi veih ei; Ama chariahpazy deikua cha, Tilaipi ta a vao khai ha ei.

HLAZY 91:8

Na mo ta moh aw chi ta, Moleipa viarithôpa a châpa na hmô aw.

PUASAINA 14:30

Cha hawhna chata Abeipa ta Izarei sawzy cha, cha noh liata Izi mo ku tawhta a pachha ha ei. Izarei sawzy ta Izi mo cha thiruapa ta tilaipi kiah liata hmô ei ta.

PUASAINA 20:20

Mawsi ta zawpi hnohta, “Chi khuh vy. Cha pasia awpa ei ta Khazohpa â vy hih. Nama molei lei nawpa ta, Khazohpa china nâmo liata y mawh sy,” tah ta.

ISAI 26:3

Hy Abeipa, a palôh nâ liata a sohpa cha, Nâ a cha ngâpa vâta, Vaih chi ta thlalôhpa ta na paysa tyh.

ISAI 30:15

Abeipa Zehôvâh, Izarei Mo Pathaihpa ta hetana heta a tah: “Rona nata apahâna liata nama pachhana y ta, A thlih thlâh hana nata ngâna liata nama thatlôna a y.” Châhrasala khoh leipa ei chi ta,

ISAI 35:4

Palôh duapazy hnohta hetana heta tah teh u: “Chi leipa u la, thatlôpa ta y teh u! Pachâ teh u, nama Khazohpa cha, Phuh lana chhaota a vy aw ta, Khazohpa viarithôna chhaota â vy aw. A vy aw ta a cha pachha aw ei.”

ISAI 43:11

“Kei, kei tlai he, Abeipa cha châ na ta, Keima leipa ta pachhatuh hropa rai y veih ei.

ISAI 7:4

a hnohta, ‘Â vaih la, a thlih thlâh ha la, chi khah y. He meirei peih pachhupa khu ngâpa miano, Aramia bei Rezi nata Remâliah sawchapawpa hiehâhna ru ngaitapa vâta na palôh dua khah sy.

ZEREMIAH 3:23

Hmeiseih ta la tlâhthlôhzy he dôveina dei châ ei ta, Tlâhpizy chô liata pyu paropazy chhao dôveina dei ama châ. Hmeiseihta ta la, Izarei pachhana cha, Abeipa eima Khazohpa lia deita ta a y.

CHAPHÔHTUNA 3:26

Abeipa pachhana hmô awpa ta, A chalihpa ta hâpa cha hmo phapa a châ.

HÔSIA 1:7

Zudâh chhôhkha hnohta deikua cha ei kyhpachâna ei palâsa aw. Pahniena pie aw ei na ta, libaw ta tlyma, zaozi ta tlyma, adyuhna ta tlyma, arâ nata a kiahtuhpazy vâta tlyma pahniena châ leipa aw ta, Abeipa ama Khazohpa vâta pahniena a châ aw,” tah ta.

HÔSIA 13:4

Châhrasala Izi râh tawhna khata, Kei he nama Khazohpa cha ei châ; Keima leipa ta Khazohpa hropa pahno leipa ei chi ta, Keima leipa ta pachhatuhpa hropa y veih ei.

HÔSIA 13:9

Hy Izarei, nâ dyuh chi ta, Châ baotuhpa nâ dyuhpa vâta, Pahleipadiapa na châ.

HABAKU 3:13

Na phopi pachha awpa ta pua chi ta, Na sathawthupa pachha awpa ta na pua. Moleipazy pathlatuhpa luh cha, A zao khaina taihta charieh chi ta, A luh tawhta a padih taihta na parao khai haw. Selah

HABAKU 3:8

Hy Abeipa, arâ kiah chi ta, Na pahniena talailih liata na kia no kha, Chavahzy chô liata ma na hie a hâh? Chavahzy chô liata ma na pathi a ia? Tilaipi chô liata ma na ru a chhô?

MALUHREINA 14:9

Abeipa chô liata a ty leipa u la, cha râh liata chyhsazy cha chi hra khah u, âmo cha eima châta viahchhâ hawh deita ama châ; amâ bohna cha âmo tawhta la hapa châ ta, Abeipa eima hnohta a y mâh tâh, âmo cha chi khah u,” tah ei ta.

MATHAI 28:5

Vâlyuhchâpa chata chanôzy hnohta, “Chi khah u, Zisu ama khaipâpa kha nama tlua tahpa ei pahno.

RYHPACHANEINA 20:3

Theihthaipa ta zawpi hnohta, ‘Hy Izarei, nathlie teh, tanoh cha nama chariahzy a dyuh awpa ta, adyuhna lâ nama sie aw. Riahchhiepa ta y khuh vy. Chi leipa u la, a chalyu hra leipa u la, âmo vâta thlazohpa ta y khuh vy.

1 SAMUELA 11:13

Châhrasala Sawla ta, “Tanoh hawhpa liana heta la ahy hmahta thie awpa châ vei, tanoh he Abeipa ta Izarei a pachhana noh a châ hih,” tah ta.

1 SAMUELA 12:16

Chavâta tahmâ a chalihpa ta a duah u la, Abeipa ta nama mohmô ta hmo rônah ngaitapa a tao awpa he moh teh u.