PUASAINA 14:12 - Mara Bible RV (BSI)

¹² He kyh liata, ‘Miah patypamâ hlei khah y, Izi mo he eima chakao molo aw,’ tahpa ta Izi râh liata eima cha chho hapa kha châ vei ma? Râhchawhpa liata thi awpa hlâta cha, Izi mo kha vaw chakao molo thlâh ha sih la, a pha via awpa tlai,” tah ei ta.

PUASAINA 14:12 ပူးပေါင်းရင်းမြစ်များ

HLAZY 106:7

Miah pathlatuhpazy Izi râh liata ama y no kha, Na hmotao noâhpazy pachâ veih ei; Na kyhpachâna rônahpa a thei leipa ei ta, Tilaipi liata cha chakhia ei ta, Tilaipi Saihpa liata ama cha chakhia.

PUASAINA 13:17

Phiraoh ta Izarei sawzy a pasiesa no kha, Philistinâ râh lâpi lâ a hnia via taraw ta, châhrasala Khazohpa ta, “Adyuhna amâ tyh tita, a ngiapachhipa ta Izi râh lâ ama kua pathlei aw na,” a tahpa vâta âmo cha, cha lâ tawhta a chhi vei.

PUASAINA 3:9

Pachâ teh, Izarei sawzy awhpa ao ta ei kô na kaw daih ha ta, cha dei châ leipa ta, Izi mo ta âmo ama tlybaina chhao ei hmô haw.

PUASAINA 5:21

ama hnohta, “Abeipa ta cha moh ei sala, cha pachia mawh ei sy. Phiraoh nata a chakaotuhpazy mohmô liata roh chhiepa ta miah tao ei chi ta, miah thie awpa ta ama ku liata zaozi nama chabasa ha hih,” tah ei ta.

PUASAINA 6:9

Mawsi ta Izarei sawzy hnohta cha hawhna chata reih ta, châhrasala ama palôh a chhâ kawpa vâ nata ama seichâna ru ngaitapa zy vâta Mawsi bie cha thei thai khao veih ei.

HÔSIA 4:17

Epharai cha nothlahpa nata a zao ha ta, Ano y ta y mawh sy.

ZAWNA 4:3

Chavâta Hy Abeipa y, ngiachhiepa ta ei hrona he tahmâ keima tawhta la ha mah y, kei châta la hropa hlâta thipa tlao a pha via,” tah ta.

ZAWNA 4:8

Noh a vaw chhi nahta, Khazohpa ta nochhi thlih lalôhpa vaw tuah ta, Zawna cha nohsa ta a luh vawh ta, panao ha ta. Chavâta thi awpa ta hiah ta, “Kei châta la hropa hlâta thipa a pha via,” tah ta.

MÂKA 1:24

“Nâzari Zisu, kheihta tao awpa ma miah na khoh? Miah pahleipadia awpa ta ma nâ vy? Khazohpa Chyhsa Pathaihpa na châ tahpa ei pahno,” tah ta.

MÂKA 5:7

Ao paro ngaitapa ta awh ta, “Zisu, Khazohpa Chônôchaipa Sawchapawpa, ei chô liata khâpa tao awpa ma nâ chhuah? Khazohpa moh ta ei châ haw na, na taola khah y,” tah ta.