PUASAINA 14:11 - Mara Bible RV (BSI)

¹¹ Mawsi hnohta, “Izi râh liata thlâ a y leipa vâta ma, râhchawhpa liata thi awpa ta miah nâ vaw chhi? Khazia he hawhta miah tao awpa ta Izi râh tawhta miah na vaw puakhei?

PUASAINA 14:11 ပူးပေါင်းရင်းမြစ်များ

ÂTHAONA 43:6

Izarei ta, “Khazia unawh hropa nama hneipa kyh zy taih chhopa ta, ei chô liata hmo pha lei ngaitapa nama tao?” tah ta.

PUASAINA 13:17

Phiraoh ta Izarei sawzy a pasiesa no kha, Philistinâ râh lâpi lâ a hnia via taraw ta, châhrasala Khazohpa ta, “Adyuhna amâ tyh tita, a ngiapachhipa ta Izi râh lâ ama kua pathlei aw na,” a tahpa vâta âmo cha, cha lâ tawhta a chhi vei.

PUASAINA 32:1

Mawsi cha tlâh tawhta charâ ta a za chô leipa zawpi ta ama pahno nahta, Arawna lâta zawpi a hmaohpakhy ei ta, a hnohta, “Thyu la, eima hmia lâta a sie awpa khazoh miah taopa teh. Kha Mawsi, Izi râh tawhta miah a kaw chhi papuatuhpa chyhsa kha, khâpa hmo ma a chô liata a tlô tahpa pahno khao ma pi hih,” tah ei ta.

PUASAINA 5:21

ama hnohta, “Abeipa ta cha moh ei sala, cha pachia mawh ei sy. Phiraoh nata a chakaotuhpazy mohmô liata roh chhiepa ta miah tao ei chi ta, miah thie awpa ta ama ku liata zaozi nama chabasa ha hih,” tah ei ta.

PUASAINA 5:22

Mawsi cha Abeipa lâ a heih ta, a hnohta, “Hy Abeipa, khazia ma he phopi chô liata hmo pha leipa na tao tly? Khâpa vâta ma eina tuah chi?

MALUHREINA 11:1

Zawpi ta rairuna amâ tyhpazy vâta Abeipa theina liata paphôh ei ta. Cha cha Abeipa ta a thei nahta, a hiehâh ta. Chatanachata Abeipa mei ama hry liata vaw pua ta, ama riehmo chaki liata su thokhazy vaw kâ ta.

MALUHREINA 11:15

He hawhta eina tao awpa chi khiahta cha, na ngiachhie la, â ryh na tah khiahta cha, na thie lâlao thlâh ha la, nôpo pachârôhna a tyh awpa na pakhôkhâhsa mah y,” tah ta.

MALUHREINA 14:22

Izi râh nata râhchawhpa liata ei rônahna nata ei hmonoâhpa taopazy hmô ha ei ta, chatana chôta ei bie a zyh leipa chyhsa zydua heta, ei hrawh tlai na pasia ei ta, ei ao nathlie veih ei.

MALUHREINA 16:41

A mylâ ta, Izarei zawpi zydua ta Mawsi nata Arawna chô liata, “Abeipa phopi chyhsazy nama thie” tahpa ta paphôh ei ta.