PUASAINA 13:7 - Mara Bible RV (BSI)

⁷ Noh sari chhôh viahchhâ thinô pahlao leipa nie awpa châ ta, thinô pahlaopa khâpa hmah nâmo liata a y awpa châ leipa ta, nama râh chhôh zydua liata thinô hmô awpa a y awpa châ vei.

PUASAINA 13:7 ပူးပေါင်းရင်းမြစ်များ

PUASAINA 12:15

Noh sari chhôh viahchhâ thinô pahlao leipa nama nie awpa a châ. Noh khana noh ta, nama o chhôh tawhta thinô nama pathai khai ha awpa châ ta, ahy rai noh kha noh tawhta noh sari noh taihta viahchhâ thinô pahlaopa a niepa maih cha, cha chyhsa cha Izarei tawhta chhawh pathlahpa a châ aw.

PUASAINA 12:19

Noh sari chhôh nama o chhôh liata thinô rai a y awpa châ vei. Ahy rai thinô pahlaopa a niepa chyhsa cha, chihropa chhao, a râh chyhsa chhao, Izarei zawpi tawhta chhawh pathlahpa a châ aw.

MATHAI 16:6

Zisu ta ama hnohta, “A hrohrua u la, Phârisaihzy nata Saduasizy thinô liata a vaih teh u,” tah ta.

1 KAWRINI 5:8

Chavâta Zawpakhô kyhchhi ei suh u. Thinô parohpa, nôchhiena nata moleina thinô ta châ leipa ta, thinô pahlao leipa viahchhâ, palôh dopa nata biehmeiseihpa ta kyhchhi ei suh u.

RYHPACHANEINA 16:4

Nama pahrâna râh zydua liata noh sari chhôh thinô hmô awpa a y awpa châ vei. Noh khana noh zâlâ ta namâ theihna sa cha, a kheihawhpa hmah zâ chhôh zydua nata a mylâ taihta a y awpa châ vei.

ZAWSUA 5:11

Zawpakhô mylâ ta, cha râh liata a papuapa viahchhâ thinô pahlao leipa nata chhâmeih raopazy nie ei ta.