PUASAINA 13:3 - Mara Bible RV (BSI)

³ Mawsi ta zawpi hnohta, “He noh, Izi râh seichâna tawhta nama kaw puana noh he khâ a thei thlâh ha muh vy. Abeipa ta ku thatlôpa ta Izi râh tawhta a châ chhi papua ei. Chavâta thinô pahlaopa viahchhâ nama nie awpa châ vei.

PUASAINA 13:3 ပူးပေါင်းရင်းမြစ်များ

ÂTHAONA 15:16

Amawri mo moleina kih a tlô mâh leipa vâta, chhâ palihna liata, he su liana heta ama vaw kua aw,” tah ta.

1 ABEIZY 8:42

Na moh rônahpa nata na ku thatlôpa nata na bâh pazawhpa thâtih ama theipa vâta a vy aw ei ta, he o lâ a heihpa ta thlah ama chhâ tita,

1 THÂTIHZYRONA 16:12

A hmotao noâhpazy a thei thlâh ha u la, A hmonoâhpazy a theipa ta, A pachiana biezy a thei thlâh ha teh u.

NEHEMIAH 1:10

He sahlao he na hmotaotheina rônahpa nata na ku thatlôpa ta na chatlaipa, châ chakaotuhpazy nata na phopi ama châ hih.

NEHEMIAH 9:10

Phiraoh nata a chakaotuhpa zydua nata a râ chyhsa zydua ta miah pathlatuhpazy chô liata a palai ngaitapa ta hmo ama taopa na pahnopa vâta, ama chô liata ngiana nata hmonoâhpazy tao chi ta, tanoh eima hmôpa hawhna heta, na moh nâ tao haw.

HLAZY 105:5

A hmotao noâhpazy a thei thlâh ha u la, A hmonoâhpazy a theipa ta, A pachiana biezy a thei thlâh ha teh u.

HLAZY 114:1

Izi tawhta Izarei pua ta, Reih hropa phopi tawhta Zakaw pathla a pua nota,

HLAZY 136:11

Izi mo hry tawhta Izarei a chhi papuatuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 136:12

Ku thatlôpa nata bâh pazawhpa ta Izarei a chhi papuatuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 89:14

Siana nata adona cha na beidyuchhai abôna châ ta, Kyhpachâna nata ngâchhihna na hmia lâta ama sie.

PUASAINA 12:15

Noh sari chhôh viahchhâ thinô pahlao leipa nama nie awpa a châ. Noh khana noh ta, nama o chhôh tawhta thinô nama pathai khai ha awpa châ ta, ahy rai noh kha noh tawhta noh sari noh taihta viahchhâ thinô pahlaopa a niepa maih cha, cha chyhsa cha Izarei tawhta chhawh pathlahpa a châ aw.

PUASAINA 12:17

Cha noh lia tlai ta nama zawpizy Izi râh tawhta ei kaw chhi papuapa vâ ei ta, viahchhâ thinô pahlao leipa kyhchhi nama chay tyh awpa a châ. Cha noh cha nama chhâ zydua liata nama chay tyh awpa châ ta, cha cha nama châta chhâzaw bieraopa ta a y awpa a châ.

PUASAINA 12:19

Noh sari chhôh nama o chhôh liata thinô rai a y awpa châ vei. Ahy rai thinô pahlaopa a niepa chyhsa cha, chihropa chhao, a râh chyhsa chhao, Izarei zawpi tawhta chhawh pathlahpa a châ aw.

PUASAINA 12:2

“He thla he nâmo châta thlazy rei pathaona châ aw ta, kô a thaona thla a châ aw.

PUASAINA 12:41

Kô 430 chhâna liata, cha noh lia tlai ta, Abeipa pheisaih zydua cha Izi râh tawhta ama pua khai haw.

PUASAINA 12:42

Cha zâ cha Izi râh tawhta âmo papua awpa ta Abeipa ta a mokhâh zâ a châpa vâta, Izarei sawzy chhao ta, cha zâ cha Abeipa palyupalihpa ta chay zâ châta chhâ zydua ta ama hmâh tyh awpa a châ.

PUASAINA 12:8

A sa cha, cha zâ ta mei liata rao aw ei ta, viahchhâ thinô pahlao leipa nata âhna khapa a hmiepa ta ama nie aw.

PUASAINA 13:14

Noh hro ta nama sawzy ta, ‘He kyhchhi he khâpa ma a yzie?’ tahpa ta ama cha hiahri tita, ama hnohta, ‘Abeipa ta ku thatlôpa ta Izi râh seichâna tawhta miah â chhi papuapa pamosana a châ.

PUASAINA 13:9

Zawpakhô kyhchhi nama hmâ tyh awpa cha, Abeipa ryhpa nama pakah liata a y thlâh ha thei nawpa ta, ngiana châta nama ku liata a ky ei chi ta, atheithlâhna châta nama mo nata mo likawh liata nama sopa hawhta a châ aw. Abeipa ta ku thatlôpa ta Izi râh tawhta a châ chhi papua ei hih.

PUASAINA 20:2

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

PUASAINA 20:8

“Pahânoh a thei thlâh ha aw chi ta, na pathaisa awpa a châ.

PUASAINA 23:15

Viahchhâ thinô pahlao leipa kyhchhi na tao awpa châ ta, bie ei cha piepa hawhta, noh sari chhôh viahchhâ thinô pahlao leipa na nie awpa a châ. Kyhchhi cha Abi thla daihti raopa liata na tao tyh aw, cha daihti liata Izi râh tawhta na kaw puapa vâta. Ahy hmah ku ruapa ta ei hmiakô liata namâ vaw luah awpa châ vei.

PUASAINA 3:20

Chavâta ei ku pazawh aw na ta, Izi râh cha a chhôh liata hmonoâhpa ei tao awpa zydua ta hrie aw na ta, cha khai tawhta a cha pasiesa aw ei.

PUASAINA 34:18

“Viahchhâ thinô pahlao leipa kyhchhi na chay awpa a châ. Bie ei cha piepa hawhna khata, Abi thla daihti raopa liata noh sari chhôh viahchhâ thinô pahlao leipa na nie awpa a châ, Abi thla liata Izi râh tawhta na kaw puapa vâta.

PUASAINA 6:1

Abeipa ta Mawsi hnohta, “Tahmâ cha Phiraoh chô liata ei tao awpa na hmô bâ aw. Ei ku thatlôpa a hmôpa vâta, Izarei sawzy pasiesa aw ta; ei ku thatlôpa a hmôpa vâta, a râh tawhta a papua aw ei,” tah ta.

PUASAINA 6:6

Chavâta Izarei sawzy hnohta, ‘Zehôvâh ta hetana heta a tah: Kei he Zehôvâh ei châ. Izi mo ta phaohri ama cha pavina ry tawhta cha thaoh papuapa ta, ama sei châna tawhta cha pachha aw ei na ta, bâh pazawhpa nata pachiana rônahpa ta ei cha chatlai aw ei.

PUASAINA 6:7

Ei phopi châta cha hnei aw ei na ta, nama Khazohpa ei châ aw. Chatanachata kei he Izi mo ta phaohri ama cha pavina tawhta châ thaoh papuatuhpa Zehôvâh nama Khazohpa ei châ tahpa nama pahno aw.

PUASAINA 7:4

Chavâta Phiraoh ta cha nathlie aw veih ei. Chatanachata Izi râh chô liata ei ku pahnieh aw na ta, pachiana rônahpa ta ei pheisaihzy, ei phopi Izarei sawzy he Izi râh tawhta ei chhi papua aw ei.

ZEREMIAH 34:13

“Abeipa, Izarei Khazohpa ta hetana heta a tah: Châ pathlatuhpazy Izi râh seichâna o tawhta ei chhi papua nona ei khata, keima tlai ta ama hnohta biehrai taopa ta,

DÂNIAH 9:15

Hy Abeipa eima Khazohpa, ku thatlôpa ta na chyhsazy Izi râh tawhta a chhi papuatuhpa nata nâma sasyh ta tanoh taihta na moh â parônahsa lymâpa y, molei ha pi ta, hmo thata eima vaw parao haw.

MATHAI 10:12

O namâ ngia tita a naoh teh u.

LUKA 22:19

Viahchhâ la ta, alyna bie a rei khai nahta, eichheih ta, ama hnohta pie ta, “He he ei sapa, nama châta piepa a châ, einâ thei thlâh nawpa ei chi ta, he he tao tyh muh vy,” tah ta.

1 KAWRINI 11:24

alyna bie a rei khai nahta, eichheih ta, “He he ei sapa nama châta piepa a châ. Einâ thei thlâh nawpa ei chi ta, he he tao tyh muh vy,” tah ta.

1 KAWRINI 5:8

Chavâta Zawpakhô kyhchhi ei suh u. Thinô parohpa, nôchhiena nata moleina thinô ta châ leipa ta, thinô pahlao leipa viahchhâ, palôh dopa nata biehmeiseihpa ta kyhchhi ei suh u.

EPHESI 1:19

Chatanachata a thatlôna rônahpa raihriazie hawhta, keimo ngiapâtuhpazy chô liata a hmotaotheina rônah ngaitapa cha, khâpa ma a châ tahpa nama pahno thei aw.

RYHPACHANEINA 13:10

Izi râh tawhta châ kaw chhi papuatuhpa, sei châna o tawhta nâmo châ kaw chhituhpa Abeipa nama Khazohpa tawhta patleisa a châ chhuahpa vâ ei ta, alô ta nama vawhsao awpa a châ.

RYHPACHANEINA 13:11

Chatanachata Izarei saw zydua ta thei aw ei ta, chi aw ei ta, nama hry liata cha hawhpa moleina chichhihpa cha tao khao aw veih ei.

RYHPACHANEINA 13:5

Cha hawhpa hrohsopa tlyma, mâ sapa ta chhochhieliena bie a reihpa tlyma deikua cha, Izi râh tawhta châ kaw chhi papuatuhpa, sei châna o tawhta châ chatlaituhpa Abeipa nama Khazohpa adyuhna bie reih ta, Abeipa nama Khazohpa ta a chhih awpa ta bie a cha piepa ei lâpi tawhta patleisa a châ chhuahpa vâ ei ta, thie awpa a châ. Cha hawhna chata hmo pha leipa cha nama hry tawhta nama pahlei ha aw.

RYHPACHANEINA 13:6

“Na nô sawchapawpa na unawhpa ta tlyma, na sawchapaw ta tlyma, na sawchanô ta tlyma, na kalachhôh liata na lapinô ta tlyma, na hrona tlu ta kyh na pachâpa na viasa pha chaipa ta tlyma ta, ‘Vawh sih la, khazoh hropazy chakao ei suh u,’ tahpa ta, nâ nata châ pathlatuhpazy ta nama pahno beih leipa khazoh a chhy awpa ta arulâta a cha reipasao khiahta cha,

RYHPACHANEINA 15:15

Izi râh liata sei ta y ei chi ta, Abeipa nama Khazohpa ta a cha chatlaipa ei kha namâ thei thlâh awpa a châ. Chavâta he biezy he tanoh ei cha pie ei.

RYHPACHANEINA 16:1

“Abeipa nama Khazohpa ta Abi thla liata Izi râh tawhta zâ ta a châ kaw chhi papuapa vâ ei ta, Abi thla cha chay aw chi ta, Abeipa nama Khazohpa châta zawpakhô kyhchhi nama tao aw.

RYHPACHANEINA 16:12

Izi seichâna liata nama ypa kha a thei thlâhpa ta, cha bieraopazy cha pakhâta ta nama zyh awpa a châ.

RYHPACHANEINA 16:3

Atheihna sa cha viahchhâ thinô pahlaopa chhaota nama nie awpa châ vei. Izi râh tawhta a para ngaitapa ta nama kaw puapa atheithlâhna châta, noh sari chhôh viahchhâ thinô pahlao leipa, pasataona viahchhâ nama nie awpa a châ. Chatanachata Izi râh tawhta nama kaw puana noh cha, nama hro chhôh zydua ta namâ thei thlâh ha aw.

RYHPACHANEINA 24:18

Nâmo chhao Izi râh liata sei ta y ei chi ta, Abeipa nama Khazohpa ta cha su tawhta a cha chatlaipa ei kha namâ thei thlâh ha awpa a châ. Chavâta cha hmo cha tao awpa ta bie ei cha pie ei.

RYHPACHANEINA 24:22

Izi râh liata sei ta nama ypa kha a thei thlâh ha teh u. Chavâta cha hmo cha tao awpa ta bie ei cha pie ei.

RYHPACHANEINA 26:8

Chatanachata Abeipa ta Izi râh tawhtapa cha ku thatlôpa nata bâh pazawhpa ta miah a kaw chhi ta, chichhih ngaitapa nata ngiana nata hmonoâhpazy hmâpa ta miah â kaw chhi papua.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

RYHPACHANEINA 5:15

Nâ chhao Izi râh liata sei châ chi ta, cha tawhtapa cha Abeipa na Khazohpa ta ku thatlôpa nata bâh pazawhpa ta a châ chhi papua tahpa a thei thlâh ha mah y. Chavâta Abeipa na Khazohpa ta Pahânoh chay awpa ta bie a cha pie.

RYHPACHANEINA 5:6

“Kei he Abeipa na Khazohpa, Izi râh, seichâna o tawhta châ chhi papuatuhpa ei châ.

RYHPACHANEINA 6:12

a chado kaw muh vy. Chataleipatala Izi râh, seichâna o tawhta châ chhi papuatuhpa Abeipa nama my pathlei aw na.

RYHPACHANEINA 6:21

nama sawzy hnohta, ‘Izi râh liata Phiraoh sei ta y pi ta, Abeipa ta Izi râh tawhta ku thatlôpa ta miah â kaw chhi papua.

RYHPACHANEINA 7:8

Abeipa ta kyh cha pachâ ei ta, châ pathlatuhpazy hnohta bie â taihpa a patlô khohpa vâta, Abeipa ta seichâna o tawhta ku thatlôpa ta cha pachha ei ta, Izi bei Phiraoh ku tawhta a cha pachha ei.

RYHPACHANEINA 8:14

nama palôh lai aw ta, Izi râh seichâna o tawhta châ chhi papuatuhpa Abeipa nama Khazohpa nama my pathlei aw.

RYHPACHANEINA 9:12

Abeipa ta ei hnohta, ‘Thyu la, he su tawhta zu para teh. Izi râh tawhta nâ kaw chhi papuapa, na phopi ama molei ha khuh. A chhih awpa ta bie ei piepa lâpi thlai tleisai ei ta, nothlahpa tlao amâ tao,’ tahpa ta na chho ta.

ZAWSUA 24:17

Abeipa eima Khazohpa, ano tlai cha keimo nata miah pathlatuhpazy Izi râh seichâna o tawhta miah a kaw chhi papua ta, eima mohmô liata ngiana rônah ngaitapazy taopa ta, eima siena maih nata phopi eima chatôhna zydua liata miah pabohsatuhpa a châ.

RYUREITUHPAZY 2:12

Abeipa, ama pathlatuhpazy Khazohpa, Izi râh tawhta âmo a kaw chhi papuatuhpa cha a heihsaipa ta, ama chheipâh phopizy khazoh hropazy pazi ei ta, amâ chhy. Chavâta Abeipa hie ama pahâh haw.

RYUREITUHPAZY 6:8

Abeipa ta Izarei sawzy hnohta hrohsopa vaw tuah ta. Hrohsopa chata ama hnohta, “Abeipa Izarei Khazohpa ta hetana heta a tah: Izi râh tawhta châ chhi papua ei na ta, seichâna o tawhta ei châ chhi papua ei.