PUASAINA 13:21 - Mara Bible RV (BSI)

²¹ Ama hmia lâta Abeipa sie ta, chhô nah zâ ta ama sie thei nawpa ta, chhô daihti liata meihdo tôh ta âmo cha a chhi ta, zâ daihti liata âmo pakhaih awpa ta mei tôh ta â chhi ei.

PUASAINA 13:21 ပူးပေါင်းရင်းမြစ်များ

NEHEMIAH 9:12

Nohchhô ta meihdo tôh ta âmo chhihtha chi ta, zâ ta ama siena lâpi pakhaih awpa ta mei tôh ta na chhihtha ei.

NEHEMIAH 9:19

na zawngiah­na rônah ngaitapa vâta, râhchawhpa liana kha âmo a heihsai va chi. Ama siena liata a chhihtha laihpa meihdo tôh ta âmo cha nohchhô ta siesai leipa ta, zâ ta ama lâpi a pakhaihpa mei tôh ta âmo cha siesai vei.

HLAZY 105:39

Abeipa ta Izarei sawzy khu awpa ta meihdo pazawhsa ta, Zâ ta khaih awpa ta mei a pie ei.

HLAZY 68:7

Hy Khazohpa, na phopi hmia lâta sie chi ta, Râhchawhpa liata na sie laih nona kha, Selah

HLAZY 77:20

Mawsi nata Arawna ku ta, Mietaku zaw hawhta na phopi na chhihtha.

HLAZY 78:14

Nohchhô ta meihdo ta âmo chhihtha ta, Zâ ta mei khaihpa ta a chhihtha ei.

HLAZY 99:7

Meih tôh liata ama hnohta bie reih ta, A ryhpa biezy zyh ei ta, Bieraopa a piepazy ama zyh.

PUASAINA 10:10

Phiraoh ta ama hnohta, “Nâmo nata nama hawtizy ei cha pasiesa tlai khiah ei ta cha, Abeipa cha nama hnohta y mawh sy! A pachâ teh u, hmo moleipa tao namâ chhuah hih.

PUASAINA 16:10

Arawna ta Izarei zawpi hnohta bie a rei hai nota, râhchawhpa lâ sai ei ta, Abeipa rônahna meihdo liata a vaw lâ ta.

PUASAINA 32:1

Mawsi cha tlâh tawhta charâ ta a za chô leipa zawpi ta ama pahno nahta, Arawna lâta zawpi a hmaohpakhy ei ta, a hnohta, “Thyu la, eima hmia lâta a sie awpa khazoh miah taopa teh. Kha Mawsi, Izi râh tawhta miah a kaw chhi papuatuhpa chyhsa kha, khâpa hmo ma a chô liata a tlô tahpa pahno khao ma pi hih,” tah ei ta.

HLAZY HLA 3:6

Deiryh nata sathaw ropahâhpa a thu ta, Sôhdaoh liata ropahâhpa paohzy a hniapa ta, Meikhuh a duahpazy hawhta, Râhchawhpa tawhta â vypa hao ahy ma a châ tly?

MALUHREINA 10:34

Ama riehmo tawhta ama pua nahta, Abeipa meihdo cha nohchhô ta ama chô liata y ta.

MALUHREINA 14:14

Izi mo ta he râh liata a pahrâpazy he chho aw ei ta, pha aw vei. He râh liata a pahrâpazy heta nâ Abeipa cha Izarei sawzy hry liata na y tahpa pahno tlôh ei ta. Nâ, Abeipa cha hmiachhypa ta cha hmô ha ei ta, na meihdo cha Izarei sawzy chô liata a duah ta, nohchhô ta meihdo tôh ta, zâ ta mei tôh ta ama hmia lâta na sie tyhpa chhao ama pahno.

RYHPACHANEINA 1:33

Nama poh o parai nawpa tluapa ta nama hmia lâta sie ta, zâ ta mei ta, nohchhô ta meihdo ta cha chhihthapa ta, nama siena lâpi châ pahmôtuhpa Abeipa nama Khazohpa cha ngâ veih ei chi.

RYHPACHANEINA 31:8

Abeipa nama hmia lâta sie aw ta, nama hnohta y aw ta, cha siesai beih leipa aw ei ta, cha pathlua beih aw veih ei. Chi leipa u la, a ngiaroh hra khuh vy,” tah ta.