PUASAINA 13:19 - Mara Bible RV (BSI)

¹⁹ Zawsi ta Izarei sawzy hnohta, “Khazohpa ta cha za tly thlyu aw ei ta, ei ruzy he, he su tawhta nama phaoh ha awpa a châ,” tahpa ta liahsa bie a pataihsa hapa hawh ei ta, Mawsi ta Zawsi ruzy cha phaoh ta.

PUASAINA 13:19 ပူးပေါင်းရင်းမြစ်များ

ÂTHAONA 48:21

Chatawhcha Izarei ta Zawsi hnohta, “Pachâ teh, kei cha thi daihmâ ha na ta, châhrasala Khazohpa nama hnohta y aw ta, châ pathlatuhpazy râh lâ a châ chhi heih aw ei.

PUASAINA 4:31

Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.

LUKA 1:58

Abeipa ta Elizabe chô liata zawngiahna rônah ngaitapa a palâsa haw tahpa a opazy nata a chiheihzy ta ama thei nahta, a lykhei ngaita ei ta.

LUKA 7:16

Ama zydua ta chi ngaita ei ta, Khazohpa reithai ei ta, “Eima hry liata hrohsopa rônahpa a vaw pua hih! Khazohpa ta a chyhsazy a vaw tly ha hih!” tah ei ta.

HMOTAOPAZY 7:15

Zakaw cha Izi râh lâ zu ta, cha liata ano nata miah pathlatuhpazy cha thi ei ta,

HMOTAOPAZY 7:16

Sekhe khih lâ ama ri phaoh ei ta, Abarahâ ta Sekhe khih liata Hamô sawchapawzy liata tâkâ ta thlâ su a chaleipa liata ama pabu.

HEBRAI 11:22

Ngiapâna ta Zawsi ta a thi chy ta, Izarei sawzy Izi râh tawhta pua awpa kyh reih ta, a ruzy taotia nawpa kyh a chho ei.

ZAWSUA 24:32

Izarei sawzy ta Izi râh tawhta Zawsi ru ama kaw phaopa kha, Sekhe khihpi liata Zakaw ta Sekhe paw Hamô sawzy liata tâkâ za kha ta a chaleipa su liata pabu ei ta. Cha cha Zawsi pathlazy ryuto râh a châ pâ haw.