PUASAINA 13:18 - Mara Bible RV (BSI)

¹⁸ Khazohpa ta Izarei sawzy cha râhchawhpa siepahliepa ta Tilaipi Saihpa lâta tlao â chhi ei. Chatanachata Izarei sawzy cha, chariah chhaichhi a tobipa ta, Izi râh tawhta ama pua haw.

PUASAINA 13:18 ပူးပေါင်းရင်းမြစ်များ

ÂTHAONA 50:25

Chatawhcha Zawsi ta Izarei sawzy bie pataihsa ta, ama hnohta, “Khazohpa ta cha vaw tly tlai aw ei ta, he su tawhna heta ei ruzy phaoh ha muh vy,” tah ta.

HLAZY 107:7

Lâdy lâta âmo cha a chhi ta, Pahrâ nawpa khihpi ama tlô hlâlei â chhi ei.

HLAZY 136:16

Râhchawhpa liata a phopi a chhihthatuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 68:8

Khazohpa, Sinai Khazohpa hmiakô liata, Khazohpa, Izarei Khazohpa hmiakô liata, Alo a sih ta, Avâzy ta avâ a za pasuasa.

PUASAINA 12:51

Chatanachata cha noh lia tlai chata, Abeipa ta Izarei sawzy cha, a py py ta Izi râh tawhta â chhi papua ha ei.

PUASAINA 14:2

“Izarei sawzy cha a lie ei sala, Mikadô nata tilaipi likawh Pihahirô liata a rie awpa ta chho mah y. Tilaipi kiah liata Bâlâzephô dady liata namâ rie awpa a châ.

PUASAINA 14:9

Izi mo ta Izarei sawzy cha a chadai ei ta, Phiraoh arâ zydua, a talailih zydua, arâ a kiahpa zydua nata pheisaih zydua ta âmo cha a chadai ei ta, Bâlâzephô dady Pihahirô kiapâh, tilaipi kiah liata ama riehmo liata kei pha ei ta.

RYHPACHANEINA 17:16

Bei cha arâzy deikua a hluhpi a hnei awpa châ leipa ta, arâ hluhpi hnei thei nawpa ta Izi râh lâ chyhsa a tuah awpa châ vei. Abeipa ta, ‘Tahmâ tawhta cha, cha lâpi lâ nama kua beih khao awpa châ vei,’ cha tah ha tlôh ei ta.

RYHPACHANEINA 32:10

“Abeipa ta Zakaw cha râhchawhpa liata hmô ta, Râh chhiepa nata râh raohpa liata a hmô. Ano cha chahlôchaeipa ta mohôh ta, A mosaw hawh tlai ta a khâsia.

ZAWSUA 1:14

Nama lapinô zy, nama hawtizy nata nama sahrohzy he Zawdâh hesâ lâ Mawsi ta râh a cha piepa liana ei heta y aw ei ta, nâmo chyhsa thatlô riahphapa sahlao deikua cha, chariah chhaichhi a tobipa ta nama unawhzy hmia lâta Zawdâh chaka aw ei chi ta, nama unawhzy nama bao tua aw.

ZAWSUA 4:12

Rubena pathlazy, Kâdâ pathlazy nata Manase chi khophiezy chhao, Mawsi ta ama hnohta a reipa hawhta, chariah adyuhna chhaichhi a tobipa ta zawpi hmia lâta sie ei ta, Zawdâh cha chaka ei ta.

ZAWSUA 4:13

A dyuh awpa ta a mâ chiehpa pheisaih 40,000 ta Abeipa hmiakô liata Zawdâh cha chaka ei ta, Zerikô bypi lâ ama pangai.