PUASAINA 13:17 - Mara Bible RV (BSI)

¹⁷ Phiraoh ta Izarei sawzy a pasiesa no kha, Philistinâ râh lâpi lâ a hnia via taraw ta, châhrasala Khazohpa ta, “Adyuhna amâ tyh tita, a ngiapachhipa ta Izi râh lâ ama kua pathlei aw na,” a tahpa vâta âmo cha, cha lâ tawhta a chhi vei.

PUASAINA 13:17 ပူးပေါင်းရင်းမြစ်များ

1 ABEIZY 8:47

sei ta amâ chhina râh liata ama palôh zy ananopa ta, ro ei sala, âmo a patutuhpazy râh liana chata, ‘Hmo vaw parao ha pi ta, â do lei ngaitapa nata molei ngaitapa ta eima vaw tao haw,’ tahpa ta cha hiah ei sala,

NEHEMIAH 9:17

Na biepiepazy zyh khoh leipa ei ta, ama hry liata hmonoâhpa na taopazy chhao pahno khoh khao veih ei. Ama rao pachyu ei ta, ama seichâna Izi râh lâ kua heih awpa ta chhituhpa ama rao. Châhrasala nâ cha a ngiahthai awpa ta a mâ thlâh hapa, ngiachhiena nata zawngiahna a hneipa, a hiehâh a rupa nata kyhpachâna a ipa a hneipa Khazohpa châ chi ta, âmo cha a heihsai va chi.

PUASAINA 14:10

Phiraoh â vaw hnia nahta, Izarei sawzy ta kei sai ei ta, Izi mo ta âmo lâ pangaipa ta ama vaw sie haipa ama hmô nahta, chi ngaita ei ta. Izarei sawzy ta Abeipa awsao ei ta.

HMOTAOPAZY 15:38

Pawla deikua ta Zawhâna Mâka cha Pamphulia râh tawhta âmo kuasai ta, ama hnohta raihriana lâ a sie khao leipa vâna khata, ano a chhi heih awpa cha pha tah khao leipa ta.

HMOTAOPAZY 7:39

Miah pathlatuhpazy ta a bie zyh khoh leipa ei ta, ano cha dytha ei ta, ama palôh ta Izi lâ kua ei ta.

RYHPACHANEINA 17:16

Bei cha arâzy deikua a hluhpi a hnei awpa châ leipa ta, arâ hluhpi hnei thei nawpa ta Izi râh lâ chyhsa a tuah awpa châ vei. Abeipa ta, ‘Tahmâ tawhta cha, cha lâpi lâ nama kua beih khao awpa châ vei,’ cha tah ha tlôh ei ta.

RYHPACHANEINA 20:8

Hyutuhpazy ta zawpi hnohta reih via aw ei ta, ‘A chipa nata riahchhiepa nama y ma? Kua sala a o lâ a di mawh sy. Chataleipatala ano palôh duapa hawhta a unawhzy palôh a paduasa pathlei aw,’ ama tah aw.

RYHPACHANEINA 28:68

Nama hnohta, ‘Hmô heih khao aw veih ei chi,’ ei tahpa Izi râh lâpi liata Abeipa ta balyh ta châ chhi pakhua heih aw ei ta, cha liata nama chariahpazy seichapaw nata seichanôzy châta a zuah aw ei chi ta, ahy ta hmah cha chalei khoh aw veih ei,” tah ta.

HEBRAI 11:27

Ngiapâna ta bei hiehâhna chhao chi leipa ta, Izi râh puasai ta, hmô thei leipa a hmôpa vâta pasa a tao hualua.

RYUREITUHPAZY 7:3

Chavâta zawpi nah theina liata phuah la, ‘Ahy rai a chipa nata a chalyupa maih cha o lâ kua sala, Kilia tlâh tawhna heta a chatliepa ta sie mawh sy,’ tahpa ta reih teh,” tah ta. Zawpi hry tawhta 22,000 kua ei ta, 10,000 amâ ngua.