PUASAINA 13:15 - Mara Bible RV (BSI)

¹⁵ Phiraoh ta palôh lai kawpa ta eima sie awpa a pasai lei no kha, Abeipa ta Izi râh liata sawchapaw uhtheipa zydua, chyhsapa sawchapaw uhtheipa nata sahroh chapawpa a pataw tuapa maih a thie khai ha ei. Chavâta a chapawpa chhi a pahy tuapa zydua cha Abeipa lâta atheihna ta hlâ pi ta, eima sawchapaw uhtheipa zydua deikua cha eima chatlai,’ nama tah aw.

PUASAINA 13:15 ပူးပေါင်းရင်းမြစ်များ

HLAZY 105:36

Ama râh liata sawchapaw uhtheipa zydua Abeipa ta tusao ta, Ama chapaw thatlôna thei hmiatuapa zydua a tusao khai haw.

PUASAINA 12:29

Chatanachata zâcho a vaw châ nahta, Abeipa ta Izi râh liata sawtuapa zydua, Phiraoh sawchapaw uhtheipa beidyuchhai liata a tyuhpa tawhta a tâhpa sawchapaw uhtheipa patâhna o liata a ypa taihta thie ta, sahroh a pataw tuapa zydua chhao a thi khai haw.

PUASAINA 3:19

Châhrasala ku thatlôpa ta a pataosa leipa ta cha, Izi bei ta cha pasiesa aw veih ei tahpa ei pahno.

PUASAINA 34:20

Alâ a pataw tuapa cha mietakutaw ta na chatlai aw. Na chatlai khoh vei khiahta cha, a rao na thlie pachhô awpa a châ. Na sawchapaw uhtheipa zydua cha na chatlai awpa a châ. Ei hmiakô liata ahy hmahta ku ruapa ta namâ vy awpa châ vei.

PUASAINA 4:23

Ei sawchapawpa ta eina chakao thei nawpa ta, ano cha pasiesa mah y, cha tah na ta, a sie awpa na pasai vei khiahta cha, pachâ teh, na sawchapawpa, na sawchapaw uhtheipa tlai ei thie aw,’ tahpa ta na chho aw,” tah ta.

MALUHREINA 18:15

Chhi a pahypa, chyhsapa chhao, sahroh chhao, Abeipa lâta ama hlâpa maih nâ eih a châ aw. Chyhsapa sawchapaw uhtheipa deikua chatlai aw chi ta, sahroh pathaih leipa a pataw tua chaipa chhao na chatlai aw.

MALUHREINA 3:46

Izarei sawzy hry liata sawchapaw uhtheipazy maluh cha Livai chi maluh hlâta 273 ta a hluh viapa vâta, âmo chatlai nawpa ta,