PUASAINA 13:12 - Mara Bible RV (BSI)

¹² chhi a pahy tuapa maih cha Abeipa châta nama panano lymâ awpa a châ. Nama sahroh a pataw tuapa a chapawpa maih cha Abeipa châta a châ aw.

PUASAINA 13:12 ပူးပေါင်းရင်းမြစ်များ

NEHEMIAH 10:36

Ryhpa liata ropa hawhta, eima sawchapaw uhtheipazy, eima sahroh a pataw tuapazy, eima viahchao hri nata mietaku zaw hry ta a pataw tuapazy cha, eima Khazohpa o liata chakaotuhpa theihthaipazy pie awpa ta, eima Khazohpa o lâ eimâ chhi tyh aw.

NEHEMIAH 10:37

Viahchhâ eima tao tuapazy, eima thyunazy, theilâpa to, kresawhti nata sathaw zy eima Khazohpa o chhôhpadâhpa liata theihthaipazy lâ cheih tyh aw pi ta, eima chhaohlei patheipa su hrawh su kha chhao Livai pathlazy eima pie lymâ aw, Livai pathlazy cha eima raihriana khi to liata su hrawh su kha a pakhytuhpazy ama châpa vâta.

PUASAINA 13:1

Abeipa ta Mawsi hnohta,

PUASAINA 13:2

“Sawtuapa zydua kei châta na panano awpa a châ. Izarei sawzy hry liata chhi a pahy tuapa sawchapaw uhtheipa nata sahroh chapawpa a pataw tua chaipa maih kei eih a châ,” tah ta.

PUASAINA 22:28

“Khazohpa na rei pachhie awpa châ leipa ta, na phopi ryureituhpa chô liata bie pha leipa na reih awpa châ vei.

PUASAINA 22:29

“Na kôvei tawhta nata na kresawhti saohpazy tawhta hlâ awpazy na pahawhpasâh awpa châ vei. Na sawchapawzy hry liata a pih tua chaipa cha, kei eina pie aw chi.

PUASAINA 34:19

Chhi a pahy tua chaipa maih keima eih a châ. Na sahroh a pataw tuapa a chapawpa zydua, viahchao chhao, mietaku chhao, kei eih a châ khai.

PUASAINA 34:20

Alâ a pataw tuapa cha mietakutaw ta na chatlai aw. Na chatlai khoh vei khiahta cha, a rao na thlie pachhô awpa a châ. Na sawchapaw uhtheipa zydua cha na chatlai awpa a châ. Ei hmiakô liata ahy hmahta ku ruapa ta namâ vy awpa châ vei.

EZEKIA 16:20

“Nâma nâ zuapa bao hmahta â daih tah leipa chi ta, keima liata na sapa na sawchapawzy nata na sawchanôzy a chhi chi ta, atheihna ta hlâ awpa nata ama nie awpa ta, khazoh nothlahpazy lâ na hlâ ei.

EZEKIA 44:30

Thei hmiatuapazy hry liata a pha chaipa maih nata nama hmohlâpa to tawhta a pha chaipa maih cha theihthaipazy tovyuh a châ aw. Nama o liata byhnâ a y lymâ thei nawpa ta, viahdie pahlypa pha chaipa cha theihthaipazy hnohta nama pie awpa a châ.

THEIHTHAINA 27:26

“Sahroh a pataw tuapa deikua cha, Abeipa eih a châ chhielie hapa vâta, chyhsa ta a hlâ awpa châ vei. Viahchao tôhpa tlyma, mietaku tlyma, a pataw tuapa maih cha Abeipa eih a châ.

MALUHREINA 18:15

Chhi a pahypa, chyhsapa chhao, sahroh chhao, Abeipa lâta ama hlâpa maih nâ eih a châ aw. Chyhsapa sawchapaw uhtheipa deikua chatlai aw chi ta, sahroh pathaih leipa a pataw tua chaipa chhao na chatlai aw.

MALUHREINA 3:12

“Pachâ teh, Livai pathlazy cha Izarei sawzy hry liata chhi a pahy tuapa sawchapaw uhtheipazy vyuhpa ta Izarei sawzy tawhta ei lapazy ama châ. Chavâta Livai pathlazy cha kei eih ama châ aw.

MALUHREINA 3:13

Sawchapaw uhtheipa zydua cha kei eih ama châ. Izi râh liata sawchapaw uhtheipa zydua ei thie khai nona khata, Izarei sawzy hry liata sawchapaw uhtheipazy deikua cha, chyhsapa chhao sahroh chhao, ei châta ei pathaisa ei. Chavâta kei eih ama châ aw. Kei he Abeipa ei châ,” tah ta.

MALUHREINA 8:17

Izarei sawzy hry liata sawchapaw uhtheipa zydua cha, chyhsapa chhao, sahroh chhao, kei eih ama châ. Izi râh liata sawchapaw uhtheipa zydua ei thie khai nota, âmo cha kei châta ei pathaisapazy ama châ.

LUKA 2:23

He he Abeipa ryhpa bie liata, “Chapaw saw chhi a pahy tuapa maih cha, Abeipa châta pathaihpa bipa a châ aw,” tahpa ta ropa hawhta tao ei ta,

RYHPACHANEINA 15:19

“Nama viahchao hri nata nama mietaku zaw hry liata a chapawpa a pataw tuapa maih cha, Abeipa nama Khazohpa châta nama panano awpa a châ. Nama viahchao hri liata a chapawpa a pataw tua chaipa cha, rai nama pahriasa awpa châ leipa ta, nama mietaku zaw hry liata a chapawpa a pataw tua chaipa hmi chhao nama ngyu awpa châ vei.