PUASAINA 12:49 - Mara Bible RV (BSI)

⁴⁹ A râh chyhsa nata chihropa nama hry liata a pahrâpazy cha, ryhpa miakha ry liata ama y khai awpa a châ,” tah ta.

PUASAINA 12:49 ပူးပေါင်းရင်းမြစ်များ

PUASAINA 12:50

Abeipa ta Mawsi nata Arawna hnohta bie a piepa hawh tlai ta, Izarei saw zydua ta tao ei ta.

THEIHTHAINA 19:34

Chihropa nama hnohta khih a sapa cha, nama râh chyhsa pakha hawhta nama pachâ awpa châ ta, nâma kyh nâ pachâpa hawhta a kyh na pachâ awpa a châ. Nâmo chhao Izi râh liata chihropa nama châpa kha a thei thlâh ha teh u. Kei he Abeipa nama Khazohpa ei châ.”

THEIHTHAINA 24:22

Chihropazy châta nata a râh chyhsazy châta ryhpa â lyupa ta nama hnei awpa a châ. Kei he Abeipa nama Khazohpa ei châ,” tah ta.

MALUHREINA 15:29

Pahno leina vâta moleina kyh liata, a râh chyhsa Izarei sawzy nata chihropa ama hry liata a pahrâpazy châta ryhpa miakha a hly awpa a châ.

MALUHREINA 35:15

Cha khihpi miacharupazy cha, Izarei sawzy châta abohna khihpizy châ aw ei ta, chihropa nata ama hnohta a pahrâpazy châta abohna khihpizy châ hra aw ta, chyhsa a thie tlamawpa maihta amâ râ nawpa khihpizy a châ aw.

MALUHREINA 9:14

Chihropa chyhsa nama hnohta a pahrâpa ta Abeipa zawpakhô kyhchhi a chay khoh hra khiahta cha, zawpakhô kyhchhi bieraopa nata ryhpa hawhta a chay hra aw. A râh chyhsa nata chihropazy châta ryhpa miakha nama hnei awpa a châ,” tah ta.

KALATIA 3:28

Krista liata cha, Zu tlyma, Krikâh tlyma y leipa ta; sei tlyma, khotalaipa tlyma y hra leipa ta; chapaw tlyma, chanô tlyma y hra vei. Krista Zisu liata cha, nama zydua ta miakha nama châ.

KAOLAOSÂ 3:11

Cha chyhsa thiehpa hro liana cha, Krikâh chyhsa nata Zu chyhsa tahpa tlyma, chopawtaipa nata chopawtaileipa tahpa tlyma, chi hnohkhawpa tahpa tlyma, Skythia mo tahpa hawhpa tlyma, sei tahpa tlyma, khotalaipa tahpa tlyma, y khao vei. Krista cha ato châ ta, ato liata a ypa a châ.