PUASAINA 12:43 - Mara Bible RV (BSI)

⁴³ Abeipa ta Mawsi nata Arawna hnohta, “He he zawpakhô bieraopa a châ: Chihropazy ta Zawpakhô Kyhchhi pati ama nie hra awpa châ vei.

PUASAINA 12:43 ပူးပေါင်းရင်းမြစ်များ

2 THÂTIHZYRONA 30:18

Zawpi hluh via, Epharai mo, Manase mo, Iskâra mo nata Zebulawna mozy ta ryhpa hawhta a pathai tua leipa ta Zawpakhô pati cha nie ei ta. Hezekia ta, “Abeipa phapa ta chyhsa to a ngiahthai sala,

PUASAINA 12:11

Hetana heta nama nie aw: Nama chaisaih pa-ipa ta, pheiky a ky aw ei chi ta, chôchahrei a chhyna chôta, a para ngaitapa ta nama nie aw. Cha cha Abeipa zawpakhô a châ.

PUASAINA 12:48

Chihropa nama hry liata a pahrâpa ta Abeipa Zawpakhô a chay khoh hra khiahta cha, a hnohta a ypa chapaw zydua chopaw tai khai tua awpa châ ta, cha khai tawhta a vaw hnia aw ta, a chay hra aw. Chatanachata ano cha râh liata a pihpa hawhta pachâpa a châ aw. Chopaw tai leipa chyhsa deikua cha a nie awpa châ vei.

EZEKIA 44:7

Chihropa, pathipalôh nata sapa chopawtaileipazy ei supathaihpa liata pangiasapa ta, ei nie awpa thaw nata thisaih eina hlâpa lia ei chi ta, ei Achhyna o nama papuapalei. Pasichhihpa hmo zydua nama taopa thota, ei biehrai nama parao pâ heih.

THEIHTHAINA 22:10

“Chyhsa zawrâpa ta hmo pathaihpa a nie awpa châ leipa ta, theihthaipa khichhai chihropa nata theihthaipa rai hriatuhpazy chhao, hmo pathaihpa ama nie awpa châ vei.

THEIHTHAINA 22:13

Theihthaipa sawchanô a nôhmeipa tlyma, a vahpa ta a mapa tlyma, saw hnei leipa ta a paw o lâ a kua khiahta deikua cha, a laihsa no hawhta a paw pati a nie heih thei aw. Chyhsa zawrâpa deikua theihthaipa pati pathaihpa a nie awpa châ vei.

MALUHREINA 9:14

Chihropa chyhsa nama hnohta a pahrâpa ta Abeipa zawpakhô kyhchhi a chay khoh hra khiahta cha, zawpakhô kyhchhi bieraopa nata ryhpa hawhta a chay hra aw. A râh chyhsa nata chihropazy châta ryhpa miakha nama hnei awpa a châ,” tah ta.

EPHESI 2:12

Kha nona kha, Krista a hlao leipa ta y ei chi ta, Izarei râh nata a maniahpa ta, bietai biehraizy liata khichhaipa châpa ta, hnabeiseihna hnei leipa nata Khazohpa hnei leipa ta khizaw liata nama y.

1 SAMUELA 2:27

Khazohpa chyhsa pakha Eli lâ a vy ta, a hnohta, “Abeipa ta hetana heta a tah: Châ pathlatuhpa chizy Izi râh liata Phiraoh sei ta ama y no kha, ama hnohta a siapa ta a phualuah ha va na mâ?