PUASAINA 12:41 - Mara Bible RV (BSI)

⁴¹ Kô 430 chhâna liata, cha noh lia tlai ta, Abeipa pheisaih zydua cha Izi râh tawhta ama pua khai haw.

PUASAINA 12:41 ပူးပေါင်းရင်းမြစ်များ

ÂTHAONA 50:24

Zawsi ta a unawhzy hnohta, “Kei cha thi daihmâ ha na ta, châhrasala Khazohpa ta cha vaw tly aw ei ta. Khazohpa ta he râh tawhta châ chhi papua aw ei ta, Abarahâ, Aisika nata Zakaw zy hnohta bie â taihpa râh lâ a châ chhi aw ei,” tah ta.

1 ABEIZY 6:1

Izarei sawzy Izi râ tawhta ama kaw pua tawhta kô za palih nata sychariena kô, Izarei chô liata Sawlawmaw â beina kô palihna, Zivi thla, thla nona liata Abeipa o cha sa pathao ta.

2 THÂTIHZYRONA 14:12

Abeipa ta Âsâ nata Zudâh pheisaihzy hmiakô liata Kusi mo cha pahnie ta, Kusi mo cha amâ râpai haw.

HLAZY 102:13

Thyu aw chi ta, Zaio cha zawh nâ ngiah aw; He he Zaio khokheina daihti châ ta, Daihti raopa a vaw tlô haw.

HLAZY 114:1

Izi tawhta Izarei pua ta, Reih hropa phopi tawhta Zakaw pathla a pua nota,

HLAZY 136:11

Izi mo hry tawhta Izarei a chhi papuatuhpa hnohta alyna bie reih teh u, A kyhpachâna tlyzaw ta a daihpa a châ.

PUASAINA 12:17

Cha noh lia tlai ta nama zawpizy Izi râh tawhta ei kaw chhi papuapa vâ ei ta, viahchhâ thinô pahlao leipa kyhchhi nama chay tyh awpa a châ. Cha noh cha nama chhâ zydua liata nama chay tyh awpa châ ta, cha cha nama châta chhâzaw bieraopa ta a y awpa a châ.

PUASAINA 12:51

Chatanachata cha noh lia tlai chata, Abeipa ta Izarei sawzy cha, a py py ta Izi râh tawhta â chhi papua ha ei.

PUASAINA 13:14

Noh hro ta nama sawzy ta, ‘He kyhchhi he khâpa ma a yzie?’ tahpa ta ama cha hiahri tita, ama hnohta, ‘Abeipa ta ku thatlôpa ta Izi râh seichâna tawhta miah â chhi papuapa pamosana a châ.

PUASAINA 13:16

Cha hmo ngiana cha nama ku liata y aw ta, nama mo nata mo likawh liata khiriena ta a y awpa a châ, Abeipa ta ku thatlôpa ta Izi râh tawhta miah â chhi papua ha hih,” tah ta.

PUASAINA 13:3

Mawsi ta zawpi hnohta, “He noh, Izi râh seichâna tawhta nama kaw puana noh he khâ a thei thlâh ha muh vy. Abeipa ta ku thatlôpa ta Izi râh tawhta a châ chhi papua ei. Chavâta thinô pahlaopa viahchhâ nama nie awpa châ vei.

PUASAINA 13:9

Zawpakhô kyhchhi nama hmâ tyh awpa cha, Abeipa ryhpa nama pakah liata a y thlâh ha thei nawpa ta, ngiana châta nama ku liata a ky ei chi ta, atheithlâhna châta nama mo nata mo likawh liata nama sopa hawhta a châ aw. Abeipa ta ku thatlôpa ta Izi râh tawhta a châ chhi papua ei hih.

PUASAINA 3:10

Chavâta tahmâ a vy teh, ei phopi Izarei sawzy Izi tawhta a chhi papua awpa ta Phiraoh lâ ei cha tuah aw,” tah ta.

PUASAINA 3:8

Chavâta Izi mo ku tawhta âmo cha pachhapa ta, cha râh tawhta puakhei ta, râh phapa nata kawhpa, sâhpiti nata kheihti lona râh, Kâna mo, Hiti mo, Amawri mo, Perizi mo, Hivi mo nata Zebu mozy yna su lâ a chhi awpa ei ta ei zu haw.

PUASAINA 6:26

Âmo cha Abeipa ta, “Izarei sawzy cha ama py yzie lymâ hawhta Izi râh tawhta a chhi papua teh u,” tahpa ta a chhopa Arawna nata Mawsi kha ama châ.

PUASAINA 6:6

Chavâta Izarei sawzy hnohta, ‘Zehôvâh ta hetana heta a tah: Kei he Zehôvâh ei châ. Izi mo ta phaohri ama cha pavina ry tawhta cha thaoh papuapa ta, ama sei châna tawhta cha pachha aw ei na ta, bâh pazawhpa nata pachiana rônahpa ta ei cha chatlai aw ei.

PUASAINA 7:4

Chavâta Phiraoh ta cha nathlie aw veih ei. Chatanachata Izi râh chô liata ei ku pahnieh aw na ta, pachiana rônahpa ta ei pheisaihzy, ei phopi Izarei sawzy he Izi râh tawhta ei chhi papua aw ei.

DÂNIAH 9:24

“Hmoparaona paki awpa ta, moleina pachhâsa awpa ta, taopasina chatlai awpa ta, tlyzaw siana tlôkhei awpa ta, aluahna nata hrohsona paki awpa nata su pathaih chaipa sathaw thu awpa ta, na chyhsazy nata na khihpi pathaihpa châta hâta sysari raopa a châ.

THEIHTHAINA 23:43

Chatanachata nama chhâ vaw y lymâ awpazy ta, Izarei sawzy Izi râh tawhta ei chhi papua nota byureih liata ei paysapa ei ama pahno thei aw. Kei he Abeipa nama Khazohpa ei châ,” tah ta.

HABAKU 2:3

Aluahna cha a daihti raopa hâ chy ta, Chhâna kyh reih ta, Rei chhei aw vei. Vaw tlô mâh vei hra sala, Hâ hualua mah y; A vaw tlô thlyu aw, Hawh aw vei.

MALUHREINA 23:22

Izi tawhta âmo a kaw chhi papuapa Khazohpa cha, Âmo châta chaoliah tôhpa ki hawhta a châ.

MALUHREINA 33:1

Hezy he Izarei sawzy ta Izi râh ama puasai nota, Mawsi nata Arawna chhihthana ry liata a chhâh chhâh ta nata a py py ta ama siena su mohzy a châ.

ZAWHÂNA 7:8

Kyhchhina lâ cha nâmo khy teh u. Kei deikua la, ei daihti â ki pathlah mâh leipa vâta, kyhchhina lâ cha khy mâh aw va na,” tah ta.

HMOTAOPAZY 1:7

Zisu ta ama hnohta, “Paw ta a daihti nata a noh kyh cha ano biehneina liata soh ta, nâmo pahno awpa châ vei.

HMOTAOPAZY 7:36

Mawsi chata Izi râh liata zy, Tilaipi Saihpa liata zy, râhchawhpa liata zy, kô sypalih chhôh hmonoâhpa nata ngianazy taopa ta, Izarei sawzy a chhi papua ta.

RYHPACHANEINA 16:1

“Abeipa nama Khazohpa ta Abi thla liata Izi râh tawhta zâ ta a châ kaw chhi papuapa vâ ei ta, Abi thla cha chay aw chi ta, Abeipa nama Khazohpa châta zawpakhô kyhchhi nama tao aw.

RYHPACHANEINA 4:37

Châ pathlatuhpazy kyh a pachâpa vâta, âmo hnôh lâta ama pathlazy a tlyh ta, a ypâna nata a hmotaotheina rônahpa ta Izi râh tawhta a châ chhi papua ei.

ZAWSUA 24:5

Chatawhcha Mawsi nata Arawna tuah na ta, Izi râh cha ama hry liata ei patlôsapa potlana khata hrie na ta, cha khai tawhta ei châ chhi papua ei.

ZAWSUA 5:14

Chyhsa chata, “Châ vei, Abeipa pheisaihzy hyutuhpa ei châ. Tahmâ ei vy haw,” tah ta. Chatawhcha Zawsua cha alei liata â khu lâta pao ta, Abeipa pheisaihzy hyutuhpa cha a chhy ta, a hnohta, “Ei zibeipa ta a chakaotuhpa hnohta khâpa ma rei awpa a hnei tly?” tah ta.