PUASAINA 12:29 - Mara Bible RV (BSI)

²⁹ Chatanachata zâcho a vaw châ nahta, Abeipa ta Izi râh liata sawtuapa zydua, Phiraoh sawchapaw uhtheipa beidyuchhai liata a tyuhpa tawhta a tâhpa sawchapaw uhtheipa patâhna o liata a ypa taihta thie ta, sahroh a pataw tuapa zydua chhao a thi khai haw.

PUASAINA 12:29 ပူးပေါင်းရင်းမြစ်များ

ÂTHAONA 15:14

Châhrasala sei ta âmo a taotuhpa phopi cha pachia aw na ta, achhâna lâta sôh nata thih hluhpi chhaota ama pua aw.

ZAWBÂ 34:20

Eikhapi ta thi ei ta, Zâcho ta a chalyu ei ta chyhsazy ama khô; Thatlôpazy chhao lapa ama châ, Chyhsa ku ta deikua châ vei.

HLAZY 105:36

Ama râh liata sawchapaw uhtheipa zydua Abeipa ta tusao ta, Ama chapaw thatlôna thei hmiatuapa zydua a tusao khai haw.

HLAZY 135:8

Izi râh liata sawchapaw uhtheipazy a thietuhpa kha ano châ ta, Chyhsa sawtuapa nata sahroh patawtuapazy a thie khai ha ei.

HLAZY 136:10

Izi sawchapaw uhtheipa a thietuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 78:50

A hiehâhna châta lâpi taopa ta, Thina tawhta ama thlahpa pahlôh leipa ta, Potlana lâta ama hrona a hlâ ha ei.

HLAZY 78:51

Izi râh liata sawchapaw uhtheipa zydua thie ta, Hamâ poh ozy liata ama thatlôna thei hmiatuapazy a thie ha ei.

PUASAINA 11:1

Abeipa ta Mawsi hnohta, “Phiraoh chô liata nata Izi râh chô liata potlana miakha patlôsa via aw na ta, cha khai tawhta la a cha pasiesa ha aw ei. A cha pasiesa daidao ei ta la, tlokhuh ta a cha to papua ha aw ei.

PUASAINA 12:12

Cha zâ ta Izi râh zydua chahryh aw na ta, Izi râh liata sawchapaw uhtheipa zydua, chyhsapa chhao, sa chhao, thie khai aw ei na ta, Izi râh liata khazoh zydua ei pachia aw ei. Kei he Abeipa ei châ.

PUASAINA 12:28

Izarei sawzy cha sie ei ta, Abeipa ta Mawsi nata Arawna bie a piepa hawhta kei tao ei ta.

PUASAINA 13:15

Phiraoh ta palôh lai kawpa ta eima sie awpa a pasai lei no kha, Abeipa ta Izi râh liata sawchapaw uhtheipa zydua, chyhsapa sawchapaw uhtheipa nata sahroh chapawpa a pataw tuapa maih a thie khai ha ei. Chavâta a chapawpa chhi a pahy tuapa zydua cha Abeipa lâta atheihna ta hlâ pi ta, eima sawchapaw uhtheipa zydua deikua cha eima chatlai,’ nama tah aw.

PUASAINA 4:23

Ei sawchapawpa ta eina chakao thei nawpa ta, ano cha pasiesa mah y, cha tah na ta, a sie awpa na pasai vei khiahta cha, pachâ teh, na sawchapawpa, na sawchapaw uhtheipa tlai ei thie aw,’ tahpa ta na chho aw,” tah ta.

PUASAINA 9:6

A mylâ ta Abeipa ta cha hmo cha tao ta, Izi mo sahroh zydua thi khai ta, Izarei sawzy sahroh deikua cha, pô kha hmah thi vei.

ISAI 24:22

Atâhpazy hawhta khaohtlô liata pahmaohpa ta, Patâhna o liata khôpa châ aw ei ta, Noh hluhpi a sie tawhta hriepa ama châ aw.

ISAI 41:11

Pachâ teh, na chô liata a hie a hâhpa zydua cha, Nozapa nata maophyuhpa ta soh aw ei na ta, Châ dyuhpa zydua chhao, Khâpa hmah a châ leipa hawhta châ aw ei ta, Ama leidia aw.

ISAI 51:14

Alei lâ a khu thlâh hapa atâhpa cha thlai papuapa châ aw ta, Thipa ta khaohtlô lâ zu leipa aw ta, Niedo chhao a phahla aw vei.

ZEREMIAH 38:13

Zeremiah cha khaohtlô tawhna chata chaorizy ta a daophi ei ta. Chatanachata Zeremiah cha vaituhpazy dôhpachhôh tlyhmia liata paysa ha ei ta.

ZEREMIAH 38:6

Chatanachata Zeremiah cha a chhi ei ta, vaituhpazy dôhpachhôh tlyhmia liata a ypa abei sawchapawpa Mâkia khaohtlô liata chaori ta pathliahpa ta pathla ei ta. Khaohtlô liana cha ti y leipa ta, chiatlao sai châ ta, Zeremiah cha chiatlao liana cha za tla ta.

HABAKU 3:5

Hripipa a hmia lâta sie ta, Potlana ta a pazi laih.

ZEKARIA 9:11

Nâma kyh liata chhao, Na hnohta ei hraipa ei biehrai thisaih vâta, Na chyhsa atâhpazy cha, Ti y leina khaohtlô tawhta ei thaoh papua aw ei.

MALUHREINA 3:13

Sawchapaw uhtheipa zydua cha kei eih ama châ. Izi râh liata sawchapaw uhtheipa zydua ei thie khai nona khata, Izarei sawzy hry liata sawchapaw uhtheipazy deikua cha, chyhsapa chhao sahroh chhao, ei châta ei pathaisa ei. Chavâta kei eih ama châ aw. Kei he Abeipa ei châ,” tah ta.

MALUHREINA 33:4

Izi mo ta Abeipa ta ama sawchapaw uhtheipa a thie khai hapazy ama pabu hai nota, Izarei sawzy cha pua ei ta. Abeipa ta Izi mo khazohzy chô liata chhao hriena a patlôsa ha hra.

MALUHREINA 8:17

Izarei sawzy hry liata sawchapaw uhtheipa zydua cha, chyhsapa chhao, sahroh chhao, kei eih ama châ. Izi râh liata sawchapaw uhtheipa zydua ei thie khai nota, âmo cha kei châta ei pathaisapazy ama châ.

HEBRAI 11:28

Sawchapaw uhtheipa pahleipadiatuhpa ta Izarei sawchapaw uhtheipazy a hria lei nawpa ta, ngiapâna ta Zawpakhô chay ta, thisaih a thia.

HEBRAI 12:23

Vârâh liata moh ropa sawchapaw uhtheipazy yna Awnanopa lâ a vy ei chi ta, mo to pachiatuhpa Khazohpa nata phapakipa ta taopa mosiapa sahlao thlahpazy lâ namâ vy.