PUASAINA 12:28 - Mara Bible RV (BSI)

²⁸ Izarei sawzy cha sie ei ta, Abeipa ta Mawsi nata Arawna bie a piepa hawhta kei tao ei ta.

PUASAINA 12:28 ပူးပေါင်းရင်းမြစ်များ

2 SAMUELA 5:25

Dâvi cha Abeipa biepiepa hawhta tao ta, Philistinâ mo cha Kebâ tawhta Keze taihta a thie lymâ ei.

1 ABEIZY 17:5

Elaizâh cha sie ta, Abeipa bie hawhta tao ta. Zawdâh nochhi lâta a ypa Cheri vahtiepa liata y ta.

PUASAINA 12:27

nâmo ta, ‘He he Abeipa Zawpakhô atheihna a châ. Abeipa ta Izi mo a thie nota, Izi râh liata Izarei sawzy o cha a zawpakhô ta, eima ozy a pahlôhpa atheithlâhna châta ei tao tyhpa a châ,’ nama tah aw,” tah ta. Chatawhcha zawpizy cha ama luh a bôhpa ta Abeipa a chhy ei ta.

PUASAINA 12:29

Chatanachata zâcho a vaw châ nahta, Abeipa ta Izi râh liata sawtuapa zydua, Phiraoh sawchapaw uhtheipa beidyuchhai liata a tyuhpa tawhta a tâhpa sawchapaw uhtheipa patâhna o liata a ypa taihta thie ta, sahroh a pataw tuapa zydua chhao a thi khai haw.

PUASAINA 12:35

Mawsi bie hawhta taopa ta, Izarei sawzy ta Izi mo cha tâkâ atobina nata ngôh atobinazy nata chysiazy hiah ei ta.

PUASAINA 14:4

Phiraoh palôh kuh pachhasa aw na ta, âmo cha a chadai aw ta, Phiraoh nata a pheisaih zydua hmâpa ta palyupalihna ei hlao aw. Chatanachata Izi mo ta kei he Abeipa ei châ tahpa ama pahno aw,” tah ta. Izarei sawzy ta cha hawhna chata tao ei ta.

PUASAINA 36:1

Chatawhcha Mawsi ta, “Supathaihpa liata rai to hria thai nawpa ta Abeipa ta sona nata novâhna a piepa Bezale, Ôhôliaba nata chyhsa zôthaipa zydua ta Abeipa biepiepa zydua ama hria awpa a châ,” tah ta.

PUASAINA 39:32

Chatanachata ahmaohna poh o liata achhyna byureih raihria zydua cha palohpa châ ta, Abeipa ta tao awpa ta Mawsi hnohta bie a piepa zydua hawhta Izarei sawzy ta tao ei ta.

PUASAINA 39:42

Chatanachata Abeipa ta Mawsi hnohta bie a piepa zydua hawhta Izarei sawzy ta ama tao khai.

PUASAINA 39:43

Mawsi ta raihria zydua cha moh ta, Abeipa biepiepa hawhta paloh khaipa a châpa hmô ta, chatanachata Mawsi ta âmo cha byhnâ a awpa ei.

PUASAINA 7:10

Mawsi nata Arawna cha Phiraoh lâ a kei ngia ei ta, Abeipa ta bie a piepa hawhta tao ei ta. Arawna ta a chôchahrei cha Phiraoh nata a chakaotuhpazy hmiakô liata kei thy ta, parih lâta a vaw lie ta.

PUASAINA 7:6

Mawsi nata Arawna ta cha hawhna cha ta tao ei ta, Abeipa ta âmo bie a piepa hawh tlai ta tao ei ta.

THEIHTHAINA 24:23

Cha hawhna chata Mawsi ta Izarei sawzy cha chho ta, chhiesatuhpa cha riehmo khôtho lâ a chhi ei ta, Mawsi hnohta Abeipa biepiepa hawhta Izarei sawzy ta tao ei ta, alô ta ama vawhsao haw.

MALUHREINA 1:54

Cha hawhna chata Izarei sawzy ta tao ei ta, Abeipa ta Mawsi bie a piepa hawhta a zydua ta tao ei ta.

MALUHREINA 31:31

Abeipa ta Mawsi bie a piepa hawhta, Mawsi nata theihthaipa Eliaza ta tao ei ta.

MALUHREINA 31:41

Abeipa ta Mawsi bie a piepa hawhta, Abeipa châta thyupa râhpaw cha, Mawsi ta theihthaipa Eliaza hnohta a pie.

MALUHREINA 31:47

Abeipa ta Mawsi bie a piepa hawhta, Izarei sawzy ta khophie ama topa tawhta, Mawsi ta chyhsapa nata sahrohzy tawhta, sypangawh liata miakha lymâ ta la ta, Abeipa achhyna byureih mohôhtuhpa Livai chizy hnohta a pie ei.

MALUHREINA 5:4

Izarei sawzy ta cha hawhna chata tao ei ta, pathaih leipazy cha riehmo khôtho lâ paysa ei ta, Abeipa ta Mawsi hnohta a reipa hawh tlai ta Izarei sawzy ta tao ei ta.

RYHPACHANEINA 34:9

Nunâ sawchapawpa Zawsua cha, Mawsi ta a chô liata a ku a pahniehpa vâta, sona thlahpa ta bie ta. Chavâta Izarei sawzy ta a bie nathlie ei ta, Abeipa ta Mawsi bie a piepa hawhta ama tao lymâ.

HEBRAI 11:28

Sawchapaw uhtheipa pahleipadiatuhpa ta Izarei sawchapaw uhtheipazy a hria lei nawpa ta, ngiapâna ta Zawpakhô chay ta, thisaih a thia.

ZAWSUA 14:5

Abeipa ta Mawsi bie a piepa hawhta Izarei sawzy ta tao ei ta, râh cha amâ rai.

ZAWSUA 2:21

Ano ta, “Nama bie hawhta châ mawh sy,” tah ta. Chatanachata mohparutuhpazy cha pasiesa ta, sie ha ei ta. Rahâbi ta Pala saihpa ta opy cha chahry ta.

ZAWSUA 4:8

Izarei sawzy ta Zawsua biepiepa hawhta tao ei ta. Izarei chi zie ta Zawdâh chavah liah khophie tawhta alô miahrawh hleino la ei ta, ama riehmo lâ cheih ei ta, cha liata soh ei ta.