PUASAINA 12:27 - Mara Bible RV (BSI)

²⁷ nâmo ta, ‘He he Abeipa Zawpakhô atheihna a châ. Abeipa ta Izi mo a thie nota, Izi râh liata Izarei sawzy o cha a zawpakhô ta, eima ozy a pahlôhpa atheithlâhna châta ei tao tyhpa a châ,’ nama tah aw,” tah ta. Chatawhcha zawpizy cha ama luh a bôhpa ta Abeipa a chhy ei ta.

PUASAINA 12:27 ပူးပေါင်းရင်းမြစ်များ

1 THÂTIHZYRONA 29:20

Dâvi ta zawpi zydua hnohta, “Abeipa nama Khazohpa cha reithai teh u,” tah ta. Zawpi zydua ta Abeipa, ama pathlatuhpazy Khazohpa cha reithai ei ta, a bôh ei ta, Abeipa nata abei cha a naoh ei ta.

2 THÂTIHZYRONA 20:18

Zehôsaphâ cha a hmia alei lâ a khupa ta a bôh ta, Zudâh mo zydua nata Zerusale khihsaw zydua Abeipa hmiakô liata pao ei ta, Abeipa cha a chhy ei ta.

2 THÂTIHZYRONA 29:30

Bei Hezekia nata beimachâzy ta Livai pathlazy cha, Dâvi nata hrohsopa Asâpha phipa reithaina hlazy sa awpa ta biepie ei ta. Thapha ngaitapa ta reithaina hlazy cha sa ei ta, a bôh ei ta, Khazohpa a chhy ei ta.

NEHEMIAH 8:6

Ezrâ ta Abeipa, Khazohpa rônahpa cha reithai ta, zawpi zydua ta ama bâh avâ lâ chaluahpa ta, “Amen, Amen,” tahpa ta a chhy ei ta. Ama luh a bôh ei ta, ama hmia alei lâ a khupa ta Abeipa a naoh ei ta.

HLAZY 44:1

Hy Khazohpa, hlâno daihtizy liata, Miah pathlatuhpazy daihti liata na hmotaopazy kha; Miah pathlatuhpazy ta miah chho ei ta, Eima nah ta eima thei haw.

HLAZY 78:5

Zakaw châta bieraopa padua ta, Izarei châta ryhpa a tao; Ama pathlazy pachu awpa ta, Miah pathlatuhpazy hnohta bie a pie ei.

PUASAINA 10:2

Chatanachata na sawchapawpa nata na samohpa nah theina liata Izi râh chô liata ei hmotaoziezy nata ama hry liata hmonoâhpa ei taopazy he chho aw chi ta, kei he Abeipa ei châ tahpa nama pahno thei aw,” tah ta.

PUASAINA 12:11

Hetana heta nama nie aw: Nama chaisaih pa-ipa ta, pheiky a ky aw ei chi ta, chôchahrei a chhyna chôta, a para ngaitapa ta nama nie aw. Cha cha Abeipa zawpakhô a châ.

PUASAINA 12:23

Abeipa ta Izi mo thie awpa ta vaw chahryh aw ta, ochhi tlâh nata ochhi tôh miano liata thisaih hniapa a hmô tita, Abeipa ta ochhi cha a zaw pakhô aw ta, pahleipadiatuhpa cha nâmo thie awpa ta nama o liata pangiasa aw vei.

PUASAINA 12:28

Izarei sawzy cha sie ei ta, Abeipa ta Mawsi nata Arawna bie a piepa hawhta kei tao ei ta.

PUASAINA 13:14

Noh hro ta nama sawzy ta, ‘He kyhchhi he khâpa ma a yzie?’ tahpa ta ama cha hiahri tita, ama hnohta, ‘Abeipa ta ku thatlôpa ta Izi râh seichâna tawhta miah â chhi papuapa pamosana a châ.

PUASAINA 13:8

Cha noh liata, nama sawzy hnohta, ‘Izi râh tawhta eima kaw pua nota Abeipa ta eima châta a taopa zydua vâta, he hmo he eima taopa a châ,’ nama tah aw.

PUASAINA 34:25

“Atheihna sa thisaih eina hlâ ti chi ta, viahchhâ thinô pahlaopa chhaota na vaw hlâ awpa châ leipa ta, Zawpakhô Kyhchhi atheihna chhao a mylâ taihta a y awpa châ vei.

PUASAINA 34:8

Mawsi cha alei lâ thlai a bôh ta, Abeipa cha a chhy ta.

PUASAINA 4:31

Izarei phopi ta ama biereipa cha zo ei ta, Abeipa ta Izarei sawzy za tly ta, ama pasataonazy a za hmô haw tahpa ama thei nahta, ama luh a bôhpa ta Abeipa cha a chhy ei ta.

1 KAWRINI 5:7

Thinô pahlao leipa nama châpa hawhta, viahdie thiehpa nama châ thei nawpa ta, thinô parohpa cha pathai ha muh vy, Krista, Zawpakhô mietakutaw cha, keimo atheihna châta hlâpa châ tlôh ta.

RYHPACHANEINA 16:2

Abeipa ta a moh y nawpa su â tlyh awpa liata Abeipa nama Khazohpa lâta nama mietaku zaw hry tawhta nata viahchao hri hry tawhta zawpakhô atheihna châta nama hlâ aw.

RYHPACHANEINA 16:5

Zawpakhô atheihna cha Abeipa nama Khazohpa ta a cha piepa ei khih to liata hlâ thlâh awpa châ leipa ta,