PUASAINA 12:26 - Mara Bible RV (BSI)

²⁶ Nama sawzy ta, ‘He chakaona he khâpa ma a yzie?’ tahpa ta ama cha hiahri tita,

PUASAINA 12:26 ပူးပေါင်းရင်းမြစ်များ

HLAZY 145:4

Chhâ kha tawhta chhâ hropa lâta, Na hmotaopazy reithai pachhuah lymâ aw ei ta, Na hmotao rônahpazy ama phuah lymâ aw.

HLAZY 44:1

Hy Khazohpa, hlâno daihtizy liata, Miah pathlatuhpazy daihti liata na hmotaopazy kha; Miah pathlatuhpazy ta miah chho ei ta, Eima nah ta eima thei haw.

PUASAINA 10:2

Chatanachata na sawchapawpa nata na samohpa nah theina liata Izi râh chô liata ei hmotaoziezy nata ama hry liata hmonoâhpa ei taopazy he chho aw chi ta, kei he Abeipa ei châ tahpa nama pahno thei aw,” tah ta.

PUASAINA 12:25

Abeipa ta bie â taihpa hawhta râh a cha pie awpa ei nama tlô tita, he chakaona he nama pazao lymâ awpa a châ.

PUASAINA 13:22

Nohchhô ta meihdo tôh, zâ ta mei tôh ta Izarei phopi cha siesai beih vei.

ISAI 38:19

Tanoh ta ei taopa hawhna heta, Ahrohpa, a châ na, ahrohpa deita ta Alyna bie cha hlâ thei aw ta; Paw ta sawzy hnohta Na ngâchhihna a pahnosa aw ei.

EPHESI 6:4

Nâmo, pawzy saih u, nama sawzy ru pachhô leipa u la, Abeipa chhoreina nata pachuna liata tlao mohôh teh u.

RYHPACHANEINA 11:19

Nama sawzy pachu aw ei chi ta, nama o liata namâ tyu nota zy, lâpi liata nama sie nota zy, namâ zia nota nata nama thyu daihti zy liata nama reih tyh aw.

RYHPACHANEINA 32:7

Hlâno daihti liata nohzy kha a thei u la, Chhâ hluhpi liata kôzy kha pachâ tua u; Nama pawzy hiahri u la, Ama cha pahmô aw; Machâzy hiahri u la, Ama cha chho aw.

RYHPACHANEINA 6:20

“Noh hro ta nama sawzy ta, ‘Abeipa eima Khazohpa ta bie a cha piepa ei, pahnokheinazy, bieraopazy, pachianazy cha khâpa ma a yzie?’ tahpa ta ama cha hiahri tita,

RYHPACHANEINA 6:7

Nama sawzy phahnai khoh ngaitapa ta pachu aw ei chi ta, nama o liata namâ tyu nota zy, lâpi liata nama sie nota zy, namâ zia nota zy, nama thyu daihti zy liata nama reih tyh aw.