PUASAINA 12:17 - Mara Bible RV (BSI)

¹⁷ Cha noh lia tlai ta nama zawpizy Izi râh tawhta ei kaw chhi papuapa vâ ei ta, viahchhâ thinô pahlao leipa kyhchhi nama chay tyh awpa a châ. Cha noh cha nama chhâ zydua liata nama chay tyh awpa châ ta, cha cha nama châta chhâzaw bieraopa ta a y awpa a châ.

PUASAINA 12:17 ပူးပေါင်းရင်းမြစ်များ

PUASAINA 12:14

“He noh he nâmo châta atheithlâhna noh châ aw ta, Abeipa châta kyhchhi noh ta nama chay tyh awpa a châ. Nama chhâ zydua liata, he noh he kyhchhi noh ta nama chay tyh awpa châ ta, cha cha chhâzaw châta bieraopa ta a y awpa a châ.

PUASAINA 12:24

“Nâmo nata nama pathlazy châta chhâzaw bieraopa y thlâh ha awpa ta, he kyhchhi he nama tao tyh awpa a châ.

PUASAINA 12:41

Kô 430 chhâna liata, cha noh lia tlai ta, Abeipa pheisaih zydua cha Izi râh tawhta ama pua khai haw.

PUASAINA 12:6

He thlâpâ noh hrawh hleipalihna noh taih soh aw ei chi ta, cha khai tawhta Izarei zawpi pôhpakhypa ta zâlâ a zoh chy ta ama thie aw.

PUASAINA 13:10

Chavâta he bieraopa he, kô chareih a daihti liata nama chay tyh awpa a châ.

PUASAINA 13:3

Mawsi ta zawpi hnohta, “He noh, Izi râh seichâna tawhta nama kaw puana noh he khâ a thei thlâh ha muh vy. Abeipa ta ku thatlôpa ta Izi râh tawhta a châ chhi papua ei. Chavâta thinô pahlaopa viahchhâ nama nie awpa châ vei.

PUASAINA 13:8

Cha noh liata, nama sawzy hnohta, ‘Izi râh tawhta eima kaw pua nota Abeipa ta eima châta a taopa zydua vâta, he hmo he eima taopa a châ,’ nama tah aw.

PUASAINA 34:18

“Viahchhâ thinô pahlao leipa kyhchhi na chay awpa a châ. Bie ei cha piepa hawhna khata, Abi thla daihti raopa liata noh sari chhôh viahchhâ thinô pahlao leipa na nie awpa a châ, Abi thla liata Izi râh tawhta na kaw puapa vâta.

PUASAINA 6:26

Âmo cha Abeipa ta, “Izarei sawzy cha ama py yzie lymâ hawhta Izi râh tawhta a chhi papua teh u,” tahpa ta a chhopa Arawna nata Mawsi kha ama châ.

PUASAINA 7:5

Izi râh chô liata ei ku pazawhpa ta, Izarei sawzy ama hry tawhta ei chhi papua tita, Izi mo ta kei he Abeipa ei châ tahpa ama pahno aw,” tah ta.

MALUHREINA 20:16

Abeipa pado pi ta, ano ta eima ao thei ta, vâlyuhchâpa vaw tuah ta, Izi râh tawhta miah â chhi papua haw. Tahmâ he na râh kiah liata Kâdesâ khihpi liata eima y.

RYHPACHANEINA 16:3

Atheihna sa cha viahchhâ thinô pahlaopa chhaota nama nie awpa châ vei. Izi râh tawhta a para ngaitapa ta nama kaw puapa atheithlâhna châta, noh sari chhôh viahchhâ thinô pahlao leipa, pasataona viahchhâ nama nie awpa a châ. Chatanachata Izi râh tawhta nama kaw puana noh cha, nama hro chhôh zydua ta namâ thei thlâh ha aw.