PUASAINA 12:15 - Mara Bible RV (BSI)

¹⁵ Noh sari chhôh viahchhâ thinô pahlao leipa nama nie awpa a châ. Noh khana noh ta, nama o chhôh tawhta thinô nama pathai khai ha awpa châ ta, ahy rai noh kha noh tawhta noh sari noh taihta viahchhâ thinô pahlaopa a niepa maih cha, cha chyhsa cha Izarei tawhta chhawh pathlahpa a châ aw.

PUASAINA 12:15 ပူးပေါင်းရင်းမြစ်များ

ÂTHAONA 17:14

Chopawtaileipa chapaw, a sapa liata chopawtaipa ta a y leipa cha, ei biehrai a paraopa vâta, a chiheih hry tawhta pahleipadiapa a châ aw,” tah ta.

2 THÂTIHZYRONA 30:21

Zerusale liata a ypa Izarei saw zydua ta viahchhâ thinô pahlao leipa kyhchhi cha, thapha ngaitapa ta noh sari chhôh hmâh ei ta. Livai pathlazy nata theihthaipazy ta ama ao hneipa zydua papua khaipa ta, noh chareih ta Abeipa reithaina hla sa ei ta.

EZRÂ 6:22

Thinô pahlao leipa Viahchhâ Kyhchhi cha noh sari chhôh a ly ngaitapa ta hmâh ei ta. Abeipa ta Asuria bei palôh âmo lâ paheisa ta, Izarei Khazohpa o sana liata ama ku tha a patlôpa vâta, Abeipa liata amâ ly ngaita.

PUASAINA 12:8

A sa cha, cha zâ ta mei liata rao aw ei ta, viahchhâ thinô pahlao leipa nata âhna khapa a hmiepa ta ama nie aw.

PUASAINA 13:3

Mawsi ta zawpi hnohta, “He noh, Izi râh seichâna tawhta nama kaw puana noh he khâ a thei thlâh ha muh vy. Abeipa ta ku thatlôpa ta Izi râh tawhta a châ chhi papua ei. Chavâta thinô pahlaopa viahchhâ nama nie awpa châ vei.

PUASAINA 23:15

Viahchhâ thinô pahlao leipa kyhchhi na tao awpa châ ta, bie ei cha piepa hawhta, noh sari chhôh viahchhâ thinô pahlao leipa na nie awpa a châ. Kyhchhi cha Abi thla daihti raopa liata na tao tyh aw, cha daihti liata Izi râh tawhta na kaw puapa vâta. Ahy hmah ku ruapa ta ei hmiakô liata namâ vaw luah awpa châ vei.

PUASAINA 30:33

He sathaw taozie hawhta sathaw hropa a taopa nata theihthaipa a châ leipa chô liata a hmâhpa cha, a phopi tawhta chhawh pathlahpa a châ aw,’ tah mah y,” tah ta.

PUASAINA 30:38

Ahy rai ano châta ropahâh chakhyhpa hawhta a hmâhpa cha, a phopi tawhta chhawh pathlahpa a châ aw,” tah ta.

PUASAINA 31:14

Pahânoh cha nama châta noh pathaihpa a châpa vâta nama chay awpa a châ. Pahânoh a papuapaleipa maih cha thie thlyu awpa châ ta, cha noh liata raihria kheihawhpa rai a hriapa chyhsa cha, a phopi tawhta chhawh pathlahpa a châ aw.

PUASAINA 34:18

“Viahchhâ thinô pahlao leipa kyhchhi na chay awpa a châ. Bie ei cha piepa hawhna khata, Abi thla daihti raopa liata noh sari chhôh viahchhâ thinô pahlao leipa na nie awpa a châ, Abi thla liata Izi râh tawhta na kaw puapa vâta.

PUASAINA 34:25

“Atheihna sa thisaih eina hlâ ti chi ta, viahchhâ thinô pahlaopa chhaota na vaw hlâ awpa châ leipa ta, Zawpakhô Kyhchhi atheihna chhao a mylâ taihta a y awpa châ vei.

THEIHTHAINA 17:10

“Izarei pathla ahy tlyma, chihropa ama hry liata a pahrâpa ahy tlyma, thisaih kheihawhpa rai a niepa maih cha, cha thisaih a nietuhpa cha hiehâhpa ta moh aw na ta, a phopi tawhta ei chhawh pathlah aw.

THEIHTHAINA 17:14

Hmohrohneipa to hrona cha a thisaih a châ. A thisaih cha a hrona a châ. Chavâta Izarei sawzy hnohta, ‘Kheihawhpa sa thisaih hmah nama nie awpa châ vei. Hmohrohneipa to hrona cha a thisaih châ tlôh ta, chavâta thisaih a niepa cha chhawh pathlahpa a châ aw,’ tahpa ta ei chho ei.

MALAKHAI 2:12

He hawhpa hmo a taopa chyhsa cha, Abeipa ta a chi pamua sala, Zakaw poh o liata a pahrâ awpa chipathlazy hnei leipa sala, Pheisaihzy Abeipa lâta hmo a hlâ awpa chipathla chhao hnei khah sy.

MALUHREINA 28:17

Cha thla, noh hrawh hleipangawhna noh cha kyhchhi noh châ ta, noh sari chhôh viahchhâ thinô pahlao leipa nie awpa a châ.

MALUHREINA 9:13

Chyhsa pathaihpa châ ta, khitlyna hnei tlôh leipa ta, zawpakhô kyhchhi a chay leipa khiahta deikua cha, cha chyhsa cha a phopi tawhta chhawh pathlahpa a châ aw. Daihti raopa liata Abeipa lâta hmohlâpa a hlâ leipa vâta, cha chyhsa cha a moleina maoh a phaoh aw.

MATHAI 16:12

Chatanachata viahchhâ thinô liata a vaih awpa ta a chhopa ei châ leipa ta, Phârisaihzy nata Saduasizy pachuna liata a vaih awpa kyh tlao a châzie pahno ha ei ta.

LUKA 12:1

Cha nona chata, amâ tlypâ ngâna taihta zawpi sâh hluhpi a vaw hmaohpakhy ei ta, Zisu cha a pachupazy hnohta bie reih tua chai ta, “Phârisaihzy thinô liata a vaih teh u, cha cha phapakheina a châ.

LUKA 2:43

Kyhchhi a pai nahta, a lie ei ta, hawtipa Zisu cha Zerusale liata y patlua ha ta. A nôpawzy ta pahno leipa ei ta.

HMOTAOPAZY 12:3

Cha chata Zuzy a palysa tahpa a pahno nahta, Pity chhao patu a chhuah heih ta. Cha cha viahchhâ thinô pahlao leipa kyhchhi nohzy liata a châ.

KALATIA 5:12

Châ patypamâtuhpazy cha âmosasyh ta a chhawh pathlah lâlao ei sala ei khoh.

RYHPACHANEINA 16:3

Atheihna sa cha viahchhâ thinô pahlaopa chhaota nama nie awpa châ vei. Izi râh tawhta a para ngaitapa ta nama kaw puapa atheithlâhna châta, noh sari chhôh viahchhâ thinô pahlao leipa, pasataona viahchhâ nama nie awpa a châ. Chatanachata Izi râh tawhta nama kaw puana noh cha, nama hro chhôh zydua ta namâ thei thlâh ha aw.

RYHPACHANEINA 16:5

Zawpakhô atheihna cha Abeipa nama Khazohpa ta a cha piepa ei khih to liata hlâ thlâh awpa châ leipa ta,

RYHPACHANEINA 16:8

Noh charu chhôh viahchhâ thinô pahlao leipa nie aw ei chi ta, noh sarina noh cha Abeipa nama Khazohpa châta pakhypi pathaihpa a châ aw. Cha noh liata cha, rai na hria awpa cha vei.