PUASAINA 12:14 - Mara Bible RV (BSI)

¹⁴ “He noh he nâmo châta atheithlâhna noh châ aw ta, Abeipa châta kyhchhi noh ta nama chay tyh awpa a châ. Nama chhâ zydua liata, he noh he kyhchhi noh ta nama chay tyh awpa châ ta, cha cha chhâzaw châta bieraopa ta a y awpa a châ.

PUASAINA 12:14 ပူးပေါင်းရင်းမြစ်များ

2 ABEIZY 23:21

Chatawhcha abei ta chyhsa zydua biepie ta, “He Biehrai Châbu liata ropa hawhna heta, Abeipa nama Khazohpa lâta Zawpakhô Kyhchhi tao teh u,” tah ta.

HLAZY 111:4

Hmonoâhpa a taopazy cha khâ a thei thlâh awpa ta tao ta, Abeipa cha ngiachhiena nata zawngiahna a hneipa a châ.

HLAZY 135:13

Hy Abeipa, na moh cha tlyzaw ta y aw ta, Hy Abeipa, nâma atheithlâhna chhao a y kôzaw aw.

PUASAINA 12:17

Cha noh lia tlai ta nama zawpizy Izi râh tawhta ei kaw chhi papuapa vâ ei ta, viahchhâ thinô pahlao leipa kyhchhi nama chay tyh awpa a châ. Cha noh cha nama chhâ zydua liata nama chay tyh awpa châ ta, cha cha nama châta chhâzaw bieraopa ta a y awpa a châ.

PUASAINA 12:24

“Nâmo nata nama pathlazy châta chhâzaw bieraopa y thlâh ha awpa ta, he kyhchhi he nama tao tyh awpa a châ.

PUASAINA 12:43

Abeipa ta Mawsi nata Arawna hnohta, “He he zawpakhô bieraopa a châ: Chihropazy ta Zawpakhô Kyhchhi pati ama nie hra awpa châ vei.

PUASAINA 12:6

He thlâpâ noh hrawh hleipalihna noh taih soh aw ei chi ta, cha khai tawhta Izarei zawpi pôhpakhypa ta zâlâ a zoh chy ta ama thie aw.

PUASAINA 23:15

Viahchhâ thinô pahlao leipa kyhchhi na tao awpa châ ta, bie ei cha piepa hawhta, noh sari chhôh viahchhâ thinô pahlao leipa na nie awpa a châ. Kyhchhi cha Abi thla daihti raopa liata na tao tyh aw, cha daihti liata Izi râh tawhta na kaw puapa vâta. Ahy hmah ku ruapa ta ei hmiakô liata namâ vaw luah awpa châ vei.

PUASAINA 27:21

Ahmaohna poh o liata Biehrai Byh pohraipa khôtho liata, Arawna nata a sawchapawzy ta meiôh cha Abeipa hmiakô liata zâlâ tawhta my taihta ama pakhaih tyh awpa a châ. Cha cha Izarei saw chhâ vaw y lymâ awpazy châta chhâzaw bieraopa a châ aw.

PUASAINA 5:1

Cha khai tawhta, Mawsi nata Arawna cha vawh ei ta, Phiraoh hnohta, “Zehôvâh, Izarei Khazohpa ta, ‘Râhchawhpa liata ei châta kyhchhi ama tao thei nawpa ta, ei phopi pasiesa teh,’ a cha tah,” tah ei ta.

EZEKIA 46:14

Sahrohzy chhaota hlâ awpa ta, my chareih ta niepa hlâna a chhuanoh aw chi ta, viahdie kachu hmo charu hmo kha nata viahdie padâna châta sathaw chhiehraôh ôh kha cha, Abeipa lâta niepa hlâna châta nâ chhuanoh tyh aw. Cha cha chhâzaw châta bieraopa a châ.

THEIHTHAINA 23:6

Cha thla pyly liata, noh hrawh hleipangawhna noh cha Abeipa châta viahchhâ thinô pahlao leipa kyhchhi châ ta, noh sari chhôh viahchhâ thinô pahlao leipa nama nie awpa a châ.

ZEKARIA 6:14

Beilakhozy cha Hedai, Tôbia, Zedai nata Zephania sawchapawpa Zôsia zy atheithlâhna châta Abeipa Achhyna o liata khâ a y awpa a châ.

MALUHREINA 10:8

“Arawna sawchapawpa theihthaipazy ta chiahmie cha ama tô awpa a châ. He he nama chhâ zydua châta ryhpa ta nama hnei lymâ awpa a châ.

MALUHREINA 15:15

Nâmo nata nama hnohta chihropa a pahrâpazy ta bieraopa miakha a hly aw ei chi ta, cha cha chhâ vaw y lymâ awpa châta chhâzaw bieraopa a châ aw. Abeipa hmiakô liata cha, nâmo nata chihropazy namâ lyu khai aw.

MALUHREINA 16:40

Abeipa ta Mawsi hmâpa ta Eliaza hnohta a reipa hawhta, cha cha Izarei sawzy zikyurâna châta taopa a châ. Arawna pathla a châ leipa chyhsa ahy hmahta Abeipa hmiakô liata ropahâhpa rao awpa ta amâ hnia awpa châ vei. A tao raruahpa cha, Kôrâ nata a sahlaozy hawhta ama châ aw.

MALUHREINA 18:8

Abeipa ta Arawna hnohta, “Moh teh, Izarei sawzy ta chalopa hlâna ta kei lâta hmohlâpa pathaihpa ama hlâpa zydua nâ nata na sawchapawzy châta chhâzaw tovyuh ta ei cha pie ei.

MATHAI 26:13

Hmeiseihta ta ei cha chho ei, khizaw zydua liata he thâtihpha ama chhona su lia maihta, he chanô hmotaopa he ano a thei thlâh ha nawpa ta ama reih lymâ hra aw,” tah ta.

LUKA 22:19

Viahchhâ la ta, alyna bie a rei khai nahta, eichheih ta, ama hnohta pie ta, “He he ei sapa, nama châta piepa a châ, einâ thei thlâh nawpa ei chi ta, he he tao tyh muh vy,” tah ta.

RYHPACHANEINA 16:1

“Abeipa nama Khazohpa ta Abi thla liata Izi râh tawhta zâ ta a châ kaw chhi papuapa vâ ei ta, Abi thla cha chay aw chi ta, Abeipa nama Khazohpa châta zawpakhô kyhchhi nama tao aw.

RYHPACHANEINA 16:11

Chatanachata Abeipa nama Khazohpa ta a moh y nawpa ta â tlyhpa su liata, nama sawchapawzy, nama sawchanôzy, nama seichapawzy, nama seichanôzy, Livai chi nama yna khih liata a pahrâpazy, nama hry liata a ypa chihropazy nata paw hnei leipa nata nôhmeizy chhaota Abeipa nama Khazohpa hmiakô liata thaphapa ta nama y aw.

RYHPACHANEINA 6:8

Ngiana châta nama ku liata chahry aw ei chi ta, khiriena ta nama mo nata mo likawh liata nama rie aw.

ZAWSUA 4:7

ama hnohta, ‘Abeipa Biehrai Byh hmiakô liata Zawdâh tizy a chie pachhôpa atheithlâhna a châ. Abeipa Biehrai Byh ta Zawdâh a chaka nota, Zawdâh tizy a chie pachhô haw. Chavâta he alôzy he Izarei sawzy ta, cha thâtih cha chhâzaw ta amâ thei thlâh nawpa châta a châ,’ tahpa ta nama chho aw,” tah ta.

1 SAMUELA 30:25

Cha bie cha Izarei châta bieraopa nata biezyhpa ta hmâh ta, cha noh tawhta tanoh taihta hmâ lymâ awpa ta tao ha ta.