PUASAINA 12:12 - Mara Bible RV (BSI)

¹² Cha zâ ta Izi râh zydua chahryh aw na ta, Izi râh liata sawchapaw uhtheipa zydua, chyhsapa chhao, sa chhao, thie khai aw ei na ta, Izi râh liata khazoh zydua ei pachia aw ei. Kei he Abeipa ei châ.

PUASAINA 12:12 ပူးပေါင်းရင်းမြစ်များ

1 THÂTIHZYRONA 14:12

Philistinâ mo cha ama khazohzy a râsai ei ta. Dâvi ta biepie ta, khazohzy cha mei ta ama rao khai haw.

HLAZY 135:8

Izi râh liata sawchapaw uhtheipazy a thietuhpa kha ano châ ta, Chyhsa sawtuapa nata sahroh patawtuapazy a thie khai ha ei.

HLAZY 82:1

Khazohpa ta vâ pakhypi rônahpa chhihtha ta, Khazohzy hry liata ryureina siekhei ta, Hetana heta pachiana bie a phuah:

HLAZY 82:6

“Khazohzy hawhta cha vaw pachâ ei na ta, Nama zydua ta Chônôchaipa sawzy hawhta ei cha pachâ ei.

HLAZY 91:7

Na kâ lâta sâh kha pao aw ei ta, Na chachâh lâta thy kha ama pao aw; Nâ deikua châ hnia aw veih ei.

HLAZY 95:3

Abeipa cha Khazohpa rônahpa châ ta, Khazoh zydua chô lâta Bei rônahpa a châ.

PUASAINA 12:23

Abeipa ta Izi mo thie awpa ta vaw chahryh aw ta, ochhi tlâh nata ochhi tôh miano liata thisaih hniapa a hmô tita, Abeipa ta ochhi cha a zaw pakhô aw ta, pahleipadiatuhpa cha nâmo thie awpa ta nama o liata pangiasa aw vei.

PUASAINA 18:11

Tahmâ la Abeipa he khazoh zydua hlâta rônah viapa a châzie ei pahno haw. Izarei phopi chô liata a palai ngaitapazy chô liata a hmotaozie tawhta â lâ haw,” tah ta.

PUASAINA 21:6

a zibeipa ta Khazohpa lâ â chhi aw. Ochhi liata tlyma, ochhi tôh liata tlyma paduasapa ta, a zibeipa ta thua pazaopa ta a nakao vieh aw ta, chatanachata a zibeipa cha chhâzaw ta a chakao aw.

PUASAINA 22:28

“Khazohpa na rei pachhie awpa châ leipa ta, na phopi ryureituhpa chô liata bie pha leipa na reih awpa châ vei.

PUASAINA 6:2

Khazohpa ta Mawsi cha bie a chho ta, a hnohta, “Kei he Zehôvâh ei châ.

PUASAINA 9:6

A mylâ ta Abeipa ta cha hmo cha tao ta, Izi mo sahroh zydua thi khai ta, Izarei sawzy sahroh deikua cha, pô kha hmah thi vei.

ISAI 19:1

He he Izi kyh chhochhieliena bie a châ: Moh tua u, Abeipa cha meihdo chatliepa kiah ta, Izi râh lâ â vy hai. Izi râh khazoh nothlahpazy a hmiakô liata a chalyu awh ei ta, Izi mo palôh cha ama chhôh liata a zao khai aw.

ZEREMIAH 43:12

Izi khazohzy o liata mei patih aw na ta, khazoh ozy cha Nebukaneza ta mei ta rao aw ta, khazoh nothlahpazy a siekhei ha aw ei. Mietaku vaituhpa ta a chyhsa liata lôvâpazy a pathaipa hawhta, Izi râh cha pathai aw ta, cha su tawhta thlalôhpa ta a pua aw.

ZEREMIAH 43:13

Izi râh liata Heliôpôli panana tôhzy thlie aw ta, Izi khazohzy achhyna ozy chhao mei ta a rao khai ha aw,’” tah ta.

ZEREMIAH 46:25

Pheisaihzy Abeipa, Izarei Khazohpa ta hetana heta a tah: “Moh teh u, Thebe khihpi liata Amaw khazoh, Phiraoh, Izi nata a khazohzy nata a beizy, Phiraoh nata ano a ngâtuhpazy chô liata hriena ei patlôsa aw.

EZEKIA 12:16

Châhrasala ama hry tawhta a chyhta zaozi pakhôkhâhsa aw ei na ta, chakâhna nata potlana ei pakhôkhâhsa aw ei. Chatanachata ama siena phopizy hry liata ama y nota, hmo pasichhihpa ama taopazy a thei aw ei ta, Abeipa ei châ tahpa ama pahno aw,” tah ta.

AMÔSÂ 5:17

Nama hry liata ei vaw siepahlie awpa vâta, Kre sadô to liata chana a y aw,” Abeipa ta a tah.

ZEPHANIA 2:11

Abeipa cha âmo châta chi a chhih ngaita aw ta, Lei khazoh zydua cha, Nodi dâhphipa ta a soh khai aw ei. Phopi to ta ama râh chyu liata A hmiakô liata amâ bôh aw.

MALUHREINA 33:4

Izi mo ta Abeipa ta ama sawchapaw uhtheipa a thie khai hapazy ama pabu hai nota, Izarei sawzy cha pua ei ta. Abeipa ta Izi mo khazohzy chô liata chhao hriena a patlôsa ha hra.

1 SAMUELA 5:3

A mylâ mydi kari ta Asadô chyhsazy cha thyu ei ta, Dakao cha Abeipa Byh hmiakô liata â khu lâta vaw pao thlâh ha ta. Dakao cha la ei ta, a yna su liata soh heih ei ta.

1 SAMUELA 6:5

Nama kheihluh nothlahpazy nata nama râh a paraotuhpa siahloh nothlahpa zy tao u la, Izarei Khazohpa cha palyupalih teh u. Cha hawhta nama tao khiahta cha, nâmo chô liata nata nama khazohzy nata nama râh chô liata a ku a pahua thei ngyu aw.