PUASAINA 11:8 - Mara Bible RV (BSI)

⁸ Châ chakaotuhpa zydua he ei hnohta a zu aw ei ta, ei hmiakô liata a bôhpa ta, ‘Nâ nata châ zituhpa chyhsa zydua he pua teh u,’ tah aw ei ta, cha khai tawhta ei pua aw,” tah ta. Chatanachata Phiraoh tawhtapa cha hiehâh ngaitapa ta pua ha ta.

PUASAINA 11:8 ပူးပေါင်းရင်းမြစ်များ

1 ABEIZY 20:10

Benhadâ ta Ahabâ lâ lyuhchâpa tuah heih ta, a hnohta, “Nâ pazituhpa zydua heta Samâri khih buchadoh a rai ei sala, pazah kha chyu chhao ama to awpa a y khao leina taihta ei tao vei khiahta cha, khazohzy ta ei chô liata tao ei sala, cha hlâta pasa viapa chhao ta tao mawh ei sy,” tah ta.

2 ABEIZY 3:9

Chatanachata Izarei bei cha Zudâh bei nata Edômâ beizy chhaota sie ei ta. Noh sari chahlô ei ta, pheisaihzy nata ama sahroh a chhipazy do awpa ti y leipa ta.

NEHEMIAH 5:6

Cha biezy nata ama paphôhna aozy ei thei nahta, ei hiehâh ngaita ta.

HLAZY 6:1

Hy Abeipa, na hiehâhpa ta na ra leipa la, Na pathi iapa ta na chhorei khah y.

PUASAINA 10:29

Mawsi ta, “Na reih pasu kaw, na hmia cha hmô beih khao aw va na,” tah ta.

ISAI 49:23

Beizy cha châ mohôhtuhpa na pawzy châ aw ei ta, Beinôzy chhao sâhpi ta châ chhytuhpa na nôzy ama châ aw. Ama hmia alei lâ a khupa ta, Na hmiakô liata a bôh aw ei ta; Na phei dohlei ama cha paliepa aw. Chatanachata kei he Abeipa ei châ tahpa pahno aw chi ta, Keima nâ hâtuhpazy cha ama hnabeidy aw vei.”

ISAI 49:26

Châ tlybaituhpazy cha âmo sa paniesa aw ei na ta, Kresawhti thlôhpa paripa hawhta âmo thisaih ama pari aw. Chatanachata chyhsa zydua ta, Kei, Abeipa he châ Pachhatuhpa châ na ta, Châ Chatlaituhpa, Zakaw Mo Pathaihpa ei châ tahpa ama pahno aw.”

EZEKIA 3:14

Thlahpa ta na chalo ta, na siekhei ha ta. Abeipa ku thatlôpa ei chô liata a y thlâh hana chôta, palôh pasa ngaitapa nata hiehâh ngaitapa ta sie na ta.

DÂNIAH 3:19

Nebukaneza cha a hiehâh ngaita ta, Sâdarâka, Mesâka nata Abenekô zy chô liata a hmiaphao a nano khai ha ta. Patina mei cha a sah tyhpa hlâta a lie sari ta pasah awpa ta biepie ta.

MALUHREINA 12:3

Mawsi cha chyhsa nônai ngaitapa châ ta, alei chô liata chyhsa zydua hry liata nônai chaipa a châ.

MÂKA 3:5

Hiehâhpa ta âmo cha moh ta, ama palôh kuhchhapa vâta a palôh pasa ngaita ta, kusypa hnohta, “Na ku pazawh teh” tah ta. A ku pazawh ta, a kusypa cha pha ha ta.

RYHPACHANEINA 29:24

Phopi to ta, ‘Khâpa vâta ma Abeipa ta cha râh cha, cha hawhta a tao tly? Cha hawhta hiehâhna ru ngaitapa a patlôsapa cha, khâpa ma a chhâpa a châ tly?’ ama tah aw.

RYHPACHANEINA 32:24

Nodipa ta thi aw ei ta, Potlana rarôh ypa ta palâ khai aw ei ta, Hriiah chichhihpazy ta a palâ khai aw ei. Râhsa naoh seihpa zy âmo lâ tuah aw na ta, Dohlei liata alyhpa châmaih hneipa sazy âmo lâ ei tuah aw.

HEBRAI 11:27

Ngiapâna ta bei hiehâhna chhao chi leipa ta, Izi râh puasai ta, hmô thei leipa a hmôpa vâta pasa a tao hualua.

BIEPHUAH 3:9

Moh teh, Sâtâ pakhyna o liata chyhsazy, Zu chyhsa hmeiseihpa châ tlôh leipa ta, haipa ta Zu chyhsa â tahpazy cha na phei thaby liata vaw pabôhsa aw ei na ta, kyh ei cha pachâ tahpa ama pahno aw.

RYUREITUHPAZY 4:10

Bâraka ta Zebulawna nata Nâthalai chizy Kedesâ liata awpakhy ta. Chyhsa 10,000 ta zi ei ta, Debawrâ chhao a hnohta sie hra ta.

RYUREITUHPAZY 8:5

Kidia ta Sukô mo hnohta, “Ngiachhiepa ta nâ zipa chyhsazy he viahchhâ tlâzy pie teh u, ama tha a chhâ ngaita hih. Midia bei Zebâ nata Zalmunâ ei chadai ei,” tah ta.