PUASAINA 11:5 - Mara Bible RV (BSI)

⁵ Izi râh liata sawchapaw uhtheipa zydua ama thi khai aw. Beidyuchhai liata a tyuhpa Phiraoh sawchapaw uhtheipa tawhta sâh chariehna thaby liata a ypa seichanô sawchapaw uhtheipa taihta ama thi khai aw. Sahroh chapawpa a pataw tuapa zydua chhao ama thi khai aw.

PUASAINA 11:5 ပူးပေါင်းရင်းမြစ်များ

HLAZY 105:36

Ama râh liata sawchapaw uhtheipa zydua Abeipa ta tusao ta, Ama chapaw thatlôna thei hmiatuapa zydua a tusao khai haw.

HLAZY 135:8

Izi râh liata sawchapaw uhtheipazy a thietuhpa kha ano châ ta, Chyhsa sawtuapa nata sahroh patawtuapazy a thie khai ha ei.

HLAZY 136:10

Izi sawchapaw uhtheipa a thietuhpa hnohta alyna bie reih teh u, A kyhpachâna tlyzaw ta a daihpa a châ.

HLAZY 78:51

Izi râh liata sawchapaw uhtheipa zydua thie ta, Hamâ poh ozy liata ama thatlôna thei hmiatuapazy a thie ha ei.

PUASAINA 12:12

Cha zâ ta Izi râh zydua chahryh aw na ta, Izi râh liata sawchapaw uhtheipa zydua, chyhsapa chhao, sa chhao, thie khai aw ei na ta, Izi râh liata khazoh zydua ei pachia aw ei. Kei he Abeipa ei châ.

PUASAINA 12:29

Chatanachata zâcho a vaw châ nahta, Abeipa ta Izi râh liata sawtuapa zydua, Phiraoh sawchapaw uhtheipa beidyuchhai liata a tyuhpa tawhta a tâhpa sawchapaw uhtheipa patâhna o liata a ypa taihta thie ta, sahroh a pataw tuapa zydua chhao a thi khai haw.

PUASAINA 13:15

Phiraoh ta palôh lai kawpa ta eima sie awpa a pasai lei no kha, Abeipa ta Izi râh liata sawchapaw uhtheipa zydua, chyhsapa sawchapaw uhtheipa nata sahroh chapawpa a pataw tuapa maih a thie khai ha ei. Chavâta a chapawpa chhi a pahy tuapa zydua cha Abeipa lâta atheihna ta hlâ pi ta, eima sawchapaw uhtheipa zydua deikua cha eima chatlai,’ nama tah aw.

PUASAINA 4:23

Ei sawchapawpa ta eina chakao thei nawpa ta, ano cha pasiesa mah y, cha tah na ta, a sie awpa na pasai vei khiahta cha, pachâ teh, na sawchapawpa, na sawchapaw uhtheipa tlai ei thie aw,’ tahpa ta na chho aw,” tah ta.

ISAI 47:2

Sâh chariehna lôzy lapa ta sâh charieh la, Na hmiakhu soh la, Na poh typa ta na phei palâ la, Chavahzy chaka teh.

CHAPHÔHTUNA 5:13

Satliazy sâh chariehsa raruah ei ta, Chapaw hawtizy tho a hripa a piapa ta ama pao chheichhâ.

MATHAI 24:41

Chanô pano ta sâh daih aw ei ta, pakha lapa châ aw ta, pakha siesaipa a châ aw.

HEBRAI 11:28

Sawchapaw uhtheipa pahleipadiatuhpa ta Izarei sawchapaw uhtheipazy a hria lei nawpa ta, ngiapâna ta Zawpakhô chay ta, thisaih a thia.

RYUREITUHPAZY 16:21

Philistinâ mo ta patu ei ta, a mozy thaoh ei ta, Kâza lâ zukhei ei ta, dawh keihraizy dai ei ta. Patâhna o liata sâh daih tyh ta.