PUASAINA 10:9 - Mara Bible RV (BSI)

⁹ Mawsi ta, “Abeipa châta kyhchhina eima tao awpa châ tlôh ta, chavâta eima zydua ta hawti machâ ta eima sie aw. Eima sawchapawzy, eima sawchanôzy, eima mietaku zawzy nata eima viahchao hrizy chhaota eima sie aw,” tah ta.

PUASAINA 10:9 ပူးပေါင်းရင်းမြစ်များ

ÂTHAONA 50:8

Zawsi chhôhkha zydua, a unawhzy nata a paw chhôhkhazy chhao a hnohta khy khai ei ta. Ama hawtizy, ama mietaku zawzy nata ama viahchao hrizy deita Kôse râh liata ama siesai.

PUASAINA 10:10

Phiraoh ta ama hnohta, “Nâmo nata nama hawtizy ei cha pasiesa tlai khiah ei ta cha, Abeipa cha nama hnohta y mawh sy! A pachâ teh u, hmo moleipa tao namâ chhuah hih.

PUASAINA 10:26

Eima sahrohzy eima hnohta ama sie hra awpa a châ. Sahrohzy hry liatapa he Abeipa eima Khazohpa chakao nawpa ta eima hmâ awpa châ tlôh ta, a su eima tlô hlâta cha, khâpa ta ma Abeipa eima chakao aw tahpa ei pahno leipa vâta, sahroh pô kha hmah eima siesai awpa châ vei,” tah ta.

PUASAINA 12:32

Nama reipa hawhna khata, nama mietaku zawzy nata nama viahchao hrizy cha a chhi u la, sie teh u. Kei chhao he byhnâ na awpa teh u!” tah ta.

PUASAINA 12:37

Izarei sawzy cha Râmese khih tawhta Sukô lâ pangaipa ta sie ei ta, chanô nata hawtizy rei leipa ta, chapaw pitlohpa sai ta 600,000 phei ta ama sie.

PUASAINA 12:38

Chihropa hluhpi nata sahroh hluhpi, mietaku zawzy nata viahchao hrizy chhao ama hnohta ama sie hra.

PUASAINA 13:6

Noh sari chhôh viahchhâ thinô pahlao leipa nie aw ei chi ta, a noh sarina noh cha Abeipa châta kyhchhi noh a châ aw.

PUASAINA 3:18

Chatanachata na bie ama nathlie aw. Nâ nata Izarei machâzy Izi bei lâ vawh aw ei chi ta, a hnohta, ‘Zehôvâh, Hebraizy Khazohpa ta miah vaw tly ta, chavâta noh thôh lâsie râhchawhpa liata Zehôvâh eima Khazohpa lâta atheihna eima hlâ thei nawpa ta, ngiachhiepa ta miah pasiesa mah y,’ nama tah aw.

PUASAINA 5:1

Cha khai tawhta, Mawsi nata Arawna cha vawh ei ta, Phiraoh hnohta, “Zehôvâh, Izarei Khazohpa ta, ‘Râhchawhpa liata ei châta kyhchhi ama tao thei nawpa ta, ei phopi pasiesa teh,’ a cha tah,” tah ei ta.

PUASAINA 5:3

Âmo ta, “Hebraizy Khazohpa ta miah za tly ha ta, chavâta Khazohpa lâ eimâ theih thei nawpa ta, ngiachhiepa ta noh thôh lâsie râhchawhpa lâ miah pasiesa mah y. Chataleipatala potlana ta tlyma, zaozi ta tlyma, miah a hrie pathlei aw,” tah ei ta.

BIESOZY 3:9

Na hneina ta Abeipa palyupalih la, Na kôvei a daih tuachaipa zydua ta Abeipa cha palyupalih mah y.

BIECHHOTUHPA 12:1

Na thyutliana nohzy liata, châ Taotuhpa a thei thlâh ha mah y. Chhiena nohzy a vaw tlô hlâta nata “Alyna rai hnei va na,” na tahna kôzy â vaw hnia hlâta;

MALUHREINA 29:12

“Thla sarina, noh hrawh hleipangawhna noh liata pakhypi pathaihpa hnei aw ei chi ta, rai rupa nama hria awpa châ vei. Abeipa châta noh sari chhôh kyhchhi nama hmâh aw.

EPHESI 6:4

Nâmo, pawzy saih u, nama sawzy ru pachhô leipa u la, Abeipa chhoreina nata pachuna liata tlao mohôh teh u.

ZAWSUA 24:15

Abeipa chakaopa cha a pha lei awpa hawhta nama pahno khiahta cha, tanoh he ahy ma nama chakao aw, a tlyh teh u. Châ pathlatuhpazy ta Chavah haosâ liata ama chakao tyhpa khazohzy kha ma, nama pahrâ haipa râh Amawri mo khazohzy he ma, a tlyh teh u. Kei nata ei chhôhkha ta la Abeipa eima chakao aw,’” tah ta.