PUASAINA 10:4 - Mara Bible RV (BSI)

⁴ Ei phopi na pasiesa vei khiah ei ta cha, pachâ teh, na râh chô liata khawsuzy mylâ vaw patlôsa aw na ta,

PUASAINA 10:4 ပူးပေါင်းရင်းမြစ်များ

PUASAINA 10:3

Mawsi nata Arawna cha Phiraoh lâ a kei ngia ei ta, a hnohta, “Zehôvâh, Hebraizy Khazohpa ta hetana heta a tah: ‘Khachâ ma ei hmiakô liata a panawh khoh leipa ta na y aw? Eina chakao thei nawpa ei ta, ei phopi pasiesa bâ teh.

PUASAINA 10:5

alei chô bie khai aw ei ta, ahy hmahta alei rai hmô thei khao aw vei ei. Pareih ta a daih laibâhpa zydua nie khai aw ei ta, lyu liata a pyuhpa nama thokô zydua ama nie khai aw.

PUASAINA 4:23

Ei sawchapawpa ta eina chakao thei nawpa ta, ano cha pasiesa mah y, cha tah na ta, a sie awpa na pasai vei khiahta cha, pachâ teh, na sawchapawpa, na sawchapaw uhtheipa tlai ei thie aw,’ tahpa ta na chho aw,” tah ta.

PUASAINA 5:1

Cha khai tawhta, Mawsi nata Arawna cha vawh ei ta, Phiraoh hnohta, “Zehôvâh, Izarei Khazohpa ta, ‘Râhchawhpa liata ei châta kyhchhi ama tao thei nawpa ta, ei phopi pasiesa teh,’ a cha tah,” tah ei ta.

PUASAINA 8:10

Phiraoh ta, “Mylâ sy,” tah ta. Mawsi ta, “Na bie hawhta châ mawh sy. Chatanachata Abeipa eima Khazohpa hawhpa he ahy hmah y veih ei tahpa na pahno aw.

PUASAINA 8:23

Ei phopi nata na phopi pananona tao aw na ta, he ngiana he mylâ a vaw y aw,’ tahpa ta na chho aw,” tah ta.

PUASAINA 9:18

Moh teh, mylâ tahmâ daihti liata, Izi râh â vaw dua tua noh tawhta tahmâ taihta a y beih leipa pareih ru ngaitapa ei patlasa aw.

PUASAINA 9:5

Abeipa ta a daihti rao ta, “Cha hmo cha Abeipa ta he râh liata mylâ a tao aw,” tah ta.

BIESOZY 30:27

Khawsuzy ta bei hnei leipa ei ta, Châhrasala a hri hri ta ama sie.

ZÔELA 2:25

Khawsu zaw ta a nie khai hapa nama kôveizy kha, Ei cha thô aw ei; Tykâ nata kurizy ta ama nie khai hapazy chhao, Cha thô aw ei na ta; Khawthlôhraihpa nata chângyuzy ta ama nie khai hapazy Ei cha thô aw ei.

RYHPACHANEINA 28:38

“Lyu liata sâh hluhpi tu aw ei chi ta, khawsu ta nie khai aw ta, a chyhta dei nama hria aw.

BIEPHUAH 9:3

Meikhuh hry tawhna chata khawsuzy alei lâ vaw pua ei ta, alei liata râhcha-iazy hmotaotheina hawhpa hmotaotheina ama hnohta piepa a châ.