PUASAINA 10:21 - Mara Bible RV (BSI)

²¹ Abeipa ta Mawsi hnoh ta, “Izi râh he zohna ta khu sala, zoh kaluhpa ry liata ama pathâ hôlôna hâh ta, avâ lâ na ku pazawh teh,” tah ta.

PUASAINA 10:21 ပူးပေါင်းရင်းမြစ်များ

ZAWBÂ 5:14

Nohchhô ta zohna a tyh ei ta, Nohchhô locho ta zâ hawhta ama pathâ.

HLAZY 105:28

A biezy ama chakhiapa vâta, Zohna tuah ta, râh a pazohsa.

HLAZY 35:6

Ama lâpi zohpa ta pahnia sala, Abeipa vâlyuhchâpa ta âmo cha a chadai mawh sy!

HLAZY 78:49

A hiehâhna ru ngaitapa ama chô liata pathla thlu ta, Vâlyuhchâpa sahlaozy ta, Pathiiana, ruchhôna nata nôpona zy ama vaw tlôkhei.

PUASAINA 7:19

Abeipa ta Mawsi hnohta, “Arawna hnohta, ‘Na chôchahrei chaba la, Izi râh tizy, ama chavahzy, ama vahtiepazy, ama tipozy nata ama ti pa-ona zydua chô liata na ku pazawh teh. Chatanachata tizy cha thisaih lâta a lie aw ei ta, Izi râh zydua liata thisaih a y aw. Tho hmobaohzy chhôh liata nata alô hmobaohzy chhôh liata chhao thisaih a y aw,’ tahpa ta chho mah y,” tah ta.

PUASAINA 9:22

Abeipa ta Mawsi hnohta, “Izi râh chhôh zydua liata pareih tla sala, chyhsa chô liata zy, sa chô liata zy, Izi râh lyu liata chicheipa to chô liata zy pareih patlasa awpa ta, na ku avâ lâ pazawh teh,” tah ta.

BIESOZY 4:19

Hmoparaopazy lâpi cha zoh kaluh ha ta, Khâpa ma amâ chapia tahpa chhao pahno veih ei.

BIECHHOTUHPA 2:14

Chyhsa sopa cha a luh liata mokhaoh hnei ta, ahrupa deikua cha zohna ry liata a sie tyh. Châhrasala ama to awpa cha ama zydua châta miakhapa a châ tahpa ei pahno.

BIECHHOTUHPA 6:4

Cha hawsaih cha hraoleipa ta vaw pih ta, zohna lâ sie heih ta, zohna ta a moh a khu haw.

EZEKIA 32:7

Ei cha pamua tita, Avâzy khu aw na ta, Ama awhsizy ei pazohsa aw; Noh cha meihdo ta pahlisa aw na ta, Thlâpâ ta a khaihna papua khao aw vei.

MATHAI 27:45

Nohchhô dawh hrawh hleino tawhta zâlâ dawh thôh taih alei chô zydua vaw zoh kaluh ha ta.

MÂKA 15:33

Dawh hrawh hleino a vaw paro nahta, cha daihti tawhta zâlâ dawh thôhpa taihta, alei chô zydua vaw zoh kaluh ha ta.

LUKA 23:44

Nohchhô dawh hrawh hleino rachhôh tawhta zâlâ dawh thôh taih, alei chô zydua vaw zoh kaluh ha ta.

RYHPACHANEINA 1:30

Nama hmia lâta a siepa Abeipa nama Khazohpa ta, Izi râh liata nama mohmô lia tlai ta nama châta a taopa hawhna khata, a châ dyuhpa aw ei.

RYHPACHANEINA 28:29

Mochaopa ta azohpa liata a pathâpazipa hawhta, nohchhô sawhvaw ta pathâpazi aw ei chi ta, nama lâpizy liata thlao a chhi leipa aw chi ta, tlybaipa nata hraopa ta y aw ei chi ta, châ pachha awpa ahy hmah y aw veih ei.

RYHPACHANEINA 4:34

Abeipa nama Khazohpa ta Izi râh liata nama mohmô lia tlai ta nama châta a taopa hawhna khata, pasiana ta zy, ngiana ta zy, hmonoâhpa ta zy, adyuhna ta zy, ku thatlôpa ta zy, bâh pazawhpa ta zy, hmo chichhih ngaitapa taopa zy ta, phopi miakha tawhta phopi miakha la papuapa ta, ano phopi a paduapa khazoh a y beih ma?

2 PITY 2:17

Cha chyhsazy cha ti a y leipa vahtiezy châ ei ta, thlihpipa ta a phao pahaipa ameihzy ama châ. Zohna chhakaluhpa nôpona cha âmo châta sopa a châ.

2 PITY 2:4

Vâlyuhchâpazy moleina hmo ama tao nona kha, Khazohpa ta âmo cha pahlôh leipa ta, hriena su liata thy ta, pachiana daihti a tlô hlâlei khaohtlô zohpa liata a khô chy ei.

ZUDÂH 1:13

Tilaipi chatlaopa a pathluahpa, âmo maophyuhna buchaphy a papuapazy châ ei ta, awhsi viavipa, zoh kaluhpa liata chhâzaw ta a y awpazy ama châ.

ZUDÂH 1:6

Vâlyuhchâpazy chhao ama biehneina nata ama pahrâna su a siesaipazy cha, noh rônahpa pachiana noh tlôna taihta zohna hnabeidyna ry liata chhâzaw bâlia ta chahrypa ta y awpa ta Abeipa ta a soh chy ei.

BIEPHUAH 8:12

Vâlyuhchâpa papalihna ta a chiahmie vaw tô ta, noh su thôh su kha, thlâpâ su thôh su kha, awhsizy su thôh su kha paraopa a châ. Ama khaihna su thôh su kha pazohsapa châ ta, chhô daihti su thôh su kha cha khaih khao leipa ta, zâ daihti su thôh su kha chhao khaih khao vei.