PUASAINA 10:2 - Mara Bible RV (BSI)

² Chatanachata na sawchapawpa nata na samohpa nah theina liata Izi râh chô liata ei hmotaoziezy nata ama hry liata hmonoâhpa ei taopazy he chho aw chi ta, kei he Abeipa ei châ tahpa nama pahno thei aw,” tah ta.

PUASAINA 10:2 ပူးပေါင်းရင်းမြစ်များ

2 SAMUELA 7:22

Chavâta Hy Abeipa Zehôvâh y, nâ cha rônahpa na châ. Eima nah ta eima thei khai hapa hawhta, nâma hawhpa he y leipa ei ta, nâma leipa ta Khazohpa rai y veih ei.

HLAZY 44:1

Hy Khazohpa, hlâno daihtizy liata, Miah pathlatuhpazy daihti liata na hmotaopazy kha; Miah pathlatuhpazy ta miah chho ei ta, Eima nah ta eima thei haw.

HLAZY 44:2

Nâma ku tlai ta phopizy papuapa ta, Miah pathlatuhpazy cha loh chi ta; Phopizy pasasa chi ta, Miah pathlatuhpazy deikua cha na pabohsa ei.

HLAZY 58:11

Chatanachata chyhsapa ta, “Mosiapa châta lymâ y tlai ta, Khizaw ryureihtuh Khazohpa a y tlai na,” a tah awh.

HLAZY 71:18

Chavâta Hy Khazohpa, Machâpa nata sâ pawhpa ei châ tita, Na siesai khah y; Chhâ a vaw y awpa hnohta na thatlôna ei phuah hlâlei cha, Na siesai leipa la; Miah a vaw pazi awpazy hnohta Na hmotaotheina ei phuah hlâlei cha, Na siesai hra khah y.

HLAZY 78:3

Miah pathlatuhpazy ta miah chho ei ta, Thei pi ta eima pahnopa biezy ei reih aw.

PUASAINA 13:14

Noh hro ta nama sawzy ta, ‘He kyhchhi he khâpa ma a yzie?’ tahpa ta ama cha hiahri tita, ama hnohta, ‘Abeipa ta ku thatlôpa ta Izi râh seichâna tawhta miah â chhi papuapa pamosana a châ.

PUASAINA 14:18

Phiraoh nata a talailihzy nata arâ a kiahpazy hmâpa ta palyupalihna ei hlao tita, Izi mo ta kei he Abeipa ei châ tahpa ama pahno aw,” tah ta.

PUASAINA 14:4

Phiraoh palôh kuh pachhasa aw na ta, âmo cha a chadai aw ta, Phiraoh nata a pheisaih zydua hmâpa ta palyupalihna ei hlao aw. Chatanachata Izi mo ta kei he Abeipa ei châ tahpa ama pahno aw,” tah ta. Izarei sawzy ta cha hawhna chata tao ei ta.

PUASAINA 7:17

Chavâta Abeipa ta hetana heta a tah: Kei he Abeipa ei châ tahpa ei hmotaopa liata na pahno aw: Moh teh, ei ku liata chôchahrei heta Nile chavah tizy tu aw na ta, thisaih lâta amâ lie aw.

PUASAINA 7:5

Izi râh chô liata ei ku pazawhpa ta, Izarei sawzy ama hry tawhta ei chhi papua tita, Izi mo ta kei he Abeipa ei châ tahpa ama pahno aw,” tah ta.

PUASAINA 8:6

Chatanachata Arawna ta Izi râh liata tizy chô liata a ku pazawh ta, uphawhzy kaw pua ei ta, Izi râh ama bie khai haw.

ISAI 38:19

Tanoh ta ei taopa hawhna heta, Ahrohpa, a châ na, ahrohpa deita ta Alyna bie cha hlâ thei aw ta; Paw ta sawzy hnohta Na ngâchhihna a pahnosa aw ei.

EZEKIA 20:26

ama sawchapaw uhtheipazy atheihna ta pahlâsapa ta papuapalei ei na ta, roryhrapa ta ei paysa ei. Abeipa ei châ tahpa ama pahno thei nawpa ta, cha hmozy cha ei tao.

EZEKIA 20:28

Âmo pie awpa ei ta ku chaluahpa bie ei taihpa râh lâ cha a chhi ei na ta, châhrasala tlâh sâhpa nata thokô buh rôhpa ama hmôna su maih liata atheihnazy hlâ ei ta, hmohlâpazy hlâpa ta ei hie eina pahâh ei. Chazy liana chata ropahâhpazy rao ei ta, dopa hlânazy ama hlâ tyh.

ZÔELA 1:3

Nama sawzy chho u la, Nama sawzy ta ama sawzy chho ei sala, Ama sawzy ta chhâ hropa chho mawh ei sy.

EPHESI 6:4

Nâmo, pawzy saih u, nama sawzy ru pachhô leipa u la, Abeipa chhoreina nata pachuna liata tlao mohôh teh u.

RYHPACHANEINA 4:9

“Chavâta a sohsi u la, nama hro pakhâta ta a vao muh vy. Chataleipatala nama mo ta hmo a hmôpazy kha my aw ei chi ta, nama hro chhôh zydua ta nama palôh tawhta a lei pathlei aw. Chazy cha nama sawzy nata nama samohzy pachu tyh muh vy.