PUASAINA 1:9 - Mara Bible RV (BSI)

⁹ A phopi hnohta, “Pachâ teh u, Izarei sawzy he keimo hlâta hluh viapa ta, ama tha chhao a tlô via ha bâ hih.

PUASAINA 1:9 ပူးပေါင်းရင်းမြစ်များ

ÂTHAONA 26:16

Abimele ta Aisika hnohta, “Keimo hlâta thatlô via syulyupa vaw châ ha chi ta, chavâta keimo tawhna heta sie ha mah y,” tah ta.

ÂTHAONA 46:3

Ano ta, “Kei he Khazohpa, na paw Aisika Khazohpa ei châ. Izi râh lâta zu awpa chi khah y. Cha liata phopi rônahpa ta ei cha tao aw.

ZAWBÂ 5:2

Ruchhôna ta ahrupa thie ta, Hiatliana ta angâpa a patlaopâ tyh.

PUASAINA 5:5

Phiraoh ta, “Moh teh u, he phopi he a râh phopi hlâta hluh via ha bâ ei ta, ama raihriazy tlao nama chalihsa haw,” tah ta.

BIESOZY 14:28

Phopi maluh hluhpa cha abei rônahna châ ta, Phopi a y vei khiahta cha ryureituhpa chhao a rao aw.

BIESOZY 27:4

Hiehâhna cha a nôchhie ta, pathiiana chhao â tlao, Châhrasala ahy ma hiatliana hmiakô liata a duah thei aw?

BIECHHOTUHPA 4:4

Hriapasana nata raihria liata zôthaina zydua chhao he, vaihzy uahvana vâta a vaw ypa a châ tahpa hmô na ta. Cha chhao cha hraoleipa châ ta, thlih a chadaipa deita a châ.

TITU 3:3

Kha hlâta cha keimo chhao chyhsa hrupa, chhorupa, dôvei naopa, aohraohna nata phasana to sei ta a ypa, moleina nata hnâchhaona ta a hrohpa, chyhsa ta amâ haopa nata keimo nata keimo a hao raihriepazy eima vaw châ.

ZÂMIE 4:5

Biehrai ta, “Keimo liata pahrâ awpa ta a taopa thlahpa cha tlaichhai ta a hiatlia ngaita,” a tahpa he achhuahna y leipa ta a reipa a châ na ta nama pangiasa ma?