PUASAINA 1:21 - Mara Bible RV (BSI)

²¹ Nawhpaytuhpazy chhao Khazohpa a chipa ama châpa vâta, Khazohpa ta chhôhkhazy a paduapa hra ei.

PUASAINA 1:21 ပူးပေါင်းရင်းမြစ်များ

1 ABEIZY 11:38

Bie ei cha piepa zydua nathliepa ta, ei lâpizy a chhihpa ta, nâ chakaotuhpa Dâvi taopa hawhta, ei bieraopazy nata ei biepiepazy zyhpa ta, ei mohmô liata hmo dopa na tao khiahta cha, na hnohta y aw na ta, Dâvi pathla ei paduapa hawhta, na pathla chhao padua aw na ta, Izarei he ei cha pie aw.

1 ABEIZY 2:24

A bietai hawhta na padua ta, ei paw Dâvi beidyuchhai liata na patyusa ta, phopi ta nâ paduatuhpa Abeipa hrona reipa ta ei reih. Adôniza he tanoh tlai heta thie awpa a châ,” tah ta.

HLAZY 112:1

Abeipa cha reithai teh u! Abeipa biepiepazy liata a ly ngaita ta, Ano a chipa cha a nohlao na!

HLAZY 127:1

Abeipa ta o a sa vei khiahta la, A satuhpazy ama hriapasa thlâhthli. Abeipa ta khihpi a vaih vei khiahta la, A vaituhpa cha â hra thlâhthli.

HLAZY 127:3

Sawzy he Abeipa tawhta eima ryuto châ ei ta, Sathei he a lymâ miah a piepa a châ.

HLAZY 37:3

Abeipa cha ngâ la, Hmo pha tao mah y; He râh liata pahrâ la, Ngâchhihna zi lymâ mah y.

PUASAINA 1:17

Châhrasala nawhpaytuhpazy cha Khazohpa a chipa ama châpa vâta, Izi bei biepiepa hawhta tao leipa ei ta, sawchapawzy chhao ama pahlôh lymâ.

BIESOZY 24:3

O cha sona ta sapa châ ta, Novâhna ta paduapa a châ;

BIECHHOTUHPA 8:12

Chyhsa moleipa cha ei za kha a molei hapa chhao ta, hroh thlâh ha chy hra sala, Khazohpa a chituhpazy ta Khazohpa ama chipa cha a pha pyly tahpa ei pahno.

ZEREMIAH 35:2

Abeipa ta Zeremiah hnohta, “Rekabi pathlazy lâ vawh la, âmo cha bie a kei chho la, Abeipa o liata chhôhpadâhpa miakha lâ a vaw chhipa ta, âmo cha kresawhti padosa mah y,” tah ta.

1 SAMUELA 2:35

Chatawhcha ei châta theihthaipa ngâchhihpa padua aw na ta, ano chata ei palôh liata nata ei pachâna liata hmo a ypa hawhta tao aw ta, chipathla a ipa ei paduapa awpa vâta a chi lei leipa aw ta, ei sathawthupa hmiakô liata chhâzaw ta a y aw.

1 SAMUELA 25:28

Châ chakaotuhnô paraona cha rie a ngiahthai mah y. Ei zibeipa he Abeipa adyuhnazy châta a dyuhpa na châpa vâta, Abeipa ta ei zibeipa he chipathla a ipa a paduapa tlai aw. Na hro chhôh zydua ta nâma liata moleina rai hmôpa châ aw vei.