PUASAINA 1:17 - Mara Bible RV (BSI)

¹⁷ Châhrasala nawhpaytuhpazy cha Khazohpa a chipa ama châpa vâta, Izi bei biepiepa hawhta tao leipa ei ta, sawchapawzy chhao ama pahlôh lymâ.

PUASAINA 1:17 ပူးပေါင်းရင်းမြစ်များ

ÂTHAONA 20:11

Abarahâ ta, “‘He su liata Khazohpa china rai y leipa ta, ei lapinô vâta eina thie aw ei’ tahpa ei pachâpa vâta a châ.

ÂTHAONA 42:18

A noh thôhna noh liata, Zawsi ta ama hnohta, “Khazohpa chi tlôh na ta, chavâta hetana heta tao u la nama hroh aw:

2 SAMUELA 24:4

Châhrasala abei bie ta Zôabâ nata pheisaih hyutuhpazy cha pahnie ha ta. Chatanachata Zôabâ nata pheisaih hyutuhpazy cha Izarei phopi maluhpi rei awpa ta abei hmiakô tawhta pua ei ta.

NEHEMIAH 5:15

Kei hlâta a vaw y tuapa râhvaotuhpazy khata zawpi chô liata phaohri thata pavi ei ta, noh chareih ta ama nie awpa pati nata kresawhti hleikhô ta, tâkâ sekel sypalih ama pacheisa tyh. Ama chakaotuhpazy taihta zawpi chô liata amâ pabeisa ngaita. Kei deikua cha, Khazohpa ei chipa vâta, cha hawhta tao va na.

ESTHERI 3:3

Abei tlyhmia liata a ypa bei chakaotuhpazy ta Môdekai hnohta, “Khazia bei biepiepa na parao?” tah ei ta.

HLAZY 31:19

Chyhsa sawzy mohmô ta, Châ chituhpazy châta phana na pachôpa hluh ngaita ta, Châ chhaituhpazy châta na raihria a hluh ngaita!

PUASAINA 1:18

Izi bei ta nawhpaytuhpazy cha aw ta, ama hnohta, “Khazia cha hawhpa hmozy cha tao ei chi ta, sawchapawzy nama pahlôh lymâ?” tah ta.

PUASAINA 1:21

Nawhpaytuhpazy chhao Khazohpa a chipa ama châpa vâta, Khazohpa ta chhôhkhazy a paduapa hra ei.

BIESOZY 16:6

Kyhpachâna nata ngâchhihna ta moleina chatlai ta, Abeipa chipa vâta chyhsa ta moleina a siesai tyh.

BIESOZY 8:13

Abeipa china cha moleina a haopa a châ. Apalaina nata apasâhsana a hao na ta, Moleina hro zy ei hao; Phichhyhpa bie chhao ei hao.

BIECHHOTUHPA 12:13

Bie zydua reipa nata theipa a châ khai tawhta, cha bie zydua sypahmaohna cha he he a châ: Khazohpa chi la, a biepiepazy a pyh mah y. Cha cha chyhsa to tao awpa ama maophaohna a châ.

BIECHHOTUHPA 8:12

Chyhsa moleipa cha ei za kha a molei hapa chhao ta, hroh thlâh ha chy hra sala, Khazohpa a chituhpazy ta Khazohpa ama chipa cha a pha pyly tahpa ei pahno.

DÂNIAH 6:13

Abei cha a chhy ei ta, a hnohta, “Dâniah, Zudâh râh tawhta sei ta â khypazy hry liatapa khata, Hy abei y, cha papeisa leipa ta, pakhâna bie na moh na ro thlu hapa chhao papeisa hra vei; noh kha ta ei thôh thlah a chhâ lymâ,” tah ei ta.

HÔSIA 5:11

Epharai cha hmo puapa tao awpa Khâchâ â chhuah hapa vâta, Tlybaipa ta y ta, Reikheituhpa hnei khao vei.

MIKÂ 6:16

Ômri bieraopazy chhy ei chi ta, Ahabâ pathla hmotaopa zydua chhy hrapa ta, Ama ryhraonazy nama zipa vâta, Roryhrapa ta cha tao aw ei na ta, Khihsawzy ama ao pasih aw ei ta, Ei phopi nozana cha nâmo ta nama phaoh aw.”

MATHAI 10:28

Pôhpa thie thei ta, thlahpa a thie thei leipazy chi leipa u la, hrienasu liata pôhpa nata thlahpa a pahleipadia theipa cha tlao chi teh u.

LUKA 12:5

Nama chi awpa dopa zikyu ei châ râ aw ei: A thie khai tawh chhao ta, hriena su liata thy theina bie a hneipa cha chi teh u. Ei cha chho ei, ano tlai cha chi teh u!

HMOTAOPAZY 5:29

Pity nata lyuhchâpazy ta, “Chyhsa bie hlâta Khazohpa bie eima zyh via awpa a châ.

1 SAMUELA 22:17

Abei ta a kiapâh liata a duahpa pheisaihzy hnohta, “A vaw palie u la, Abeipa theihthaipazy he thie teh u, âmo chhao he Dâvi chhâh a châhpa ama châ hih. A râpa a châ tahpa ama pahno thlâh hapa ta na chho veih ei,” tah ta. Châhrasala abei chakaotuhpazy ta Abeipa theihthaipazy thie awpa ta ama ku hy khoh leipa ei ta.