PUASAINA 1:16 - Mara Bible RV (BSI)

¹⁶ Izi bei ta ama hnohta, “Hebrai chanôzy nawh nama pay tita, nawh yna rakhô liata moh u la, sawchapaw a châ khiahta cha, thie aw ei chi ta, sawchanô a châ khiah deikua cha, pahlôh awpa a châ,” tah ta.

PUASAINA 1:16 ပူးပေါင်းရင်းမြစ်များ

HLAZY 105:25

A phopi a hao awpa ta Izi mo palôh pakuasa ta, Ano a chakaotuhpazy chô liata piehpie ngaitapa ta a pataosa ei.

PUASAINA 1:15

Izi bei ta Hebrai nawhpaytuhpazy biepie ta, pakha moh cha Sipharâ châ ta, ahropa moh cha Puah a châ.

PUASAINA 1:22

Chatawcha Phiraoh ta a phopi zydua hnohta, “Hebrai sawchapaw a pihpa maih Nile chavah liata thy lymâ aw ei chi ta, sawchanô deikua nama pahlôh aw,” tahpa ta biepie ta.

MATHAI 21:38

Châhrasala thlyuhlaotuhpazy ta a sawchapawpa ama hmô nahta, a chhohia ei ta, ‘He chyhsa he ryutotuhpa a châ hih, a vy teh u, thie sih la, a ryu a la ei suh u,’ tah ei ta.

HMOTAOPAZY 7:19

Cha bei cha eima chipho chô liata chhie ngaita ta, miah pathlatuhpazy cha ama hawsaihzy pahro lei awpa ta, tararuahna hmâpa ta pathysa lymâ ta.

HEBRAI 11:23

Ngiapâna ta Mawsi a pi nona kha, hawsaih hmipha kawpa ta ama hmôpa vâta, a nôpawzy ta thla thôh chhôh nyu ei ta, bei biepiepa chhao chi veih ei.

BIEPHUAH 12:4

A chaolahmei ta avâ liata awhsi su thôh su kha a daophi pathlah ta, alei lâ za thy ta. Chanô saw cha a vaw pihpata nahta a palâ thei nawpa ta, drâkao cha chanô nawh a zeihpa hmiakô liana cha a duah thlâh ha ta.