PHILIPI 4:8 - Mara Bible RV (BSI)

⁸ Achhâna ta cha, unawh saih u, adopa maih zy, zachhihpa maih zy, asiapa maih zy, pathaihpa maih zy, khochhihpa maih nata pasâhsa a chhihpa maih zy cha, phana hneipa ta, reithai tlâh a châ khiahta cha, chazy cha pachâ teh u.

PHILIPI 4:8 ပူးပေါင်းရင်းမြစ်များ

ÂTHAONA 18:19

Ano hnôhlâ ta a sawzy nata a chhôhkhazy ta Abeipa lâpi a chhihpa ta, siana nata adona tao awpa ta bie a pie thei nawpa ei ta, ano cha ei tlyhpa a châ. Chatanachata Abeipa ta Abarahâ hnohta bie â taihpa zydua a patlôsa aw,” tah ta.

2 SAMUELA 1:23

“Sawla nata Zawnathâ kha, Kho a chhih ei ta amâ ngia ngaita dia! Hro chhôh ta a kao ei ta, Thina liata chhao a chhaih veih ei; Pahmôhpi hlâta chatlie via ei ta, Chakeibarôhneipa hlâta ama tha a tlô via.

2 SAMUELA 23:3

Izarei Khazohpa ta reih ta, Izarei Lôpanô ta eina chho: Adona ta chyhsazy chô liata ryureihpa ta, Khazohpa china ta ryu a reihpa cha,

HLAZY 82:2

“Khati taih ma â doleipa ta ryureih aw ei chi ta, Moleipazy nama khokhei via chy aw? Selah

BIESOZY 11:1

Khopathliahna doleipa cha Abeipa châta hmo pasichhihpa châ ta, Khopathliahna dopa deikua cha â ly tyh.

BIESOZY 12:4

Chanô phapa cha a vahpa châta lakho châ ta, Nozana a vaw tlôkheipa chanô deikua cha, A vahpa ru a pahmytuhpa a châ.

BIESOZY 16:11

Khopathliahna dopa nata thliena dopa zy he Abeipa eih châ ta, Sykhao liata khopathliahna lô zydua chhao ano taopa sai a châ.

BIESOZY 20:7

Mosiapa cha â dona hrokhei lymâ ta, A vaw pazi awpa a pathlazy thlaochhipa ta ama y aw.

BIESOZY 31:10

Lapinô phapa ahy ma a hmô thei aw? Lapinô phapa cha lôsôhpazy hlâta a sôh via syulyu.

BIESOZY 31:29

“Chanô hluhpi tao pha kaw sai ei ta, Châhrasala na ly khai ha ei,” a tah.

BIESOZY 31:31

A hriapasana theilâpazy vâta lapinô cha palyupalih la, A hmotaopazy ta thokhy chhikaozy liata ano cha reithai mawh sy.

HLAZY HLA 5:16

Ano cha a reikah a thlôh chaipa châ ta, Kho a pao chaipa a châ. Hy Zerusale zuahzy saih u, Ei lôhdupaw cha ano cha châ ta, Ei viasapa cha ano cha na a châ.

ISAI 26:7

Mosiapa lâpi cha a raih ta, Hy Khazoh Siapa, nâma tlai ta Mosiapa lâpi cha na patlâsa tyhpa a châ.

MATHAI 22:16

Ama pachupazy nata Herawda py liata chyhsazy ano lâ tuah ei ta, âmo ta a hnohta, “Pachutuhpa, chyhsa dopa na châpa pahno pi ta, Khazohpa lâpi â dopa ta pachu chi ta, chyhsa pachâna la hlei leipa chi ta, chyhsa pôraoh nata hmisâ zy moh va chi tahpa eima pahno.

MÂKA 6:20

Herawda ta Zawhâna cha chyhsa siapa nata pathaihpa a châ tahpa a pahnopa vâta chi ta, a pabohsapa a châ. A bie a thei nahta, a nôpo kaw tyh ta, châhrasala a ly ngaitapa ta a nathlie pyly tyh.

LUKA 16:15

Zisu ta ama hnohta, “Chyhsa mohmô liata a do kawpa hawhta a lâpa deita nama châ. Khazohpa deikua cha nama palôh a pahno. Chyhsa hry liata palyupalihna cha Khazohpa mohmô ta pasichhihpa a châ.

LUKA 2:25

Cha daihti liata, chyhsa pakha, a moh Simeôna ama tahpa Zerusale liata y ta. Ano cha chyhsa siapa nata Khazohpa a chipa châ ta, Izarei thlapalôh nawpa daihti a hâpa, Thlahpa Pathaihpa a hneipa chyhsa a châ.

LUKA 23:50

Chyhsa pakha, a moh Zawsi ama tahpa, ryureituh phapa nata siapa y ta.

ZAWHÂNA 7:18

Ano tao chhyhpa bie a reihpa cha ano rônahna a tluapa a châ. A tuahtuhpa rônahna a tluapa deikua cha, chyhsa dopa châ ta, ano liata adoleina rai y vei.

HMOTAOPAZY 10:22

Âmo ta, “Vâlyuhchâpa pathaihpa ta Kawnilia hnohta a luah ta, nâ cha vaw padysa ta, na biereipa a o liata nathlie awpa ta a chho. Ano cha pheisaih za kha hyutuhpa châ ta, chyhsa siapa nata Khazohpa a chipa, Zu phopi zydua ta ama reithaipa a châ,” tah ei ta.

HMOTAOPAZY 22:12

“Cha liata chyhsa pakha, Anania ama tahpa y ta. Ano cha ryhpa bie hawhta Khazohpa a pachâpa nata cha liata Zu chyhsa a ypa zydua ta ama reithaipa a châ.

HMOTAOPAZY 6:3

Chavâta unawh saih u, nama hry liata Thlahpa nata sona ta a biepa, chyhsa moh phapa pasari a tlyh teh u, cha hmozy a pachâtuhpa châta âmo cha eima rao aw.

RAWMA 13:13

Nohchhô ta ypa hawhta â ngia ngaitapa ta y sih la, apatlapa nata sahma paripa ta y leipa ta, parâpa nata apheipa ta y hra leipa ta, ahryuchhiapa nata hiatliapa ta y khah ei suh u.

RAWMA 13:3

Ryureituhpazy cha hmo phapa a taotuhpazy châta chichhihpa châ leipa ei ta, hmo chhiepa a taotuhpazy châta deikua cha, chichhihpa ama châ. Ryureituhpa chi leipa ta y na khoh ma? Hmo pha tao la a cha reithai aw.

RAWMA 14:18

Cha hawhta Krista chakaotuhpazy cha, Khazohpa ta a pyh ta, chyhsa reithaina chhao ama hlao tyh.

RAWMA 2:29

Zu châna cha chyhsa chhôh liata y ta, chopawtaina cha palôh liata a y, châbie ta chopawtaipa châ leipa ta, Thlahpa ta taipa tlao a châ. Cha hawhpa chyhsa cha, chyhsapa reithaina hlao leipa ta, Khazohpa reithaina a hlao tyh.

1 KAWRINI 4:5

Chavâta a daihti a tlô hlâ nata Abeipa â vy hlâta cha, pachiana biepathlupa khâpa hmah tao khuh vy. Ano ta zohna liata hmo nyupazy cha khaihna lâ vaw puakhei aw ta, palôh achhuahnazy a palâsa aw. Cha tita chyhsa to Khazohpa reithaina ama hlao chyu aw.

2 KAWRINI 13:7

Hmo nama parao lei nawpa ta Khazohpa lâ thlah eima cha chhâpa tyh. Pasiana liata a tlohpa hawhta keimo eimâ lâ thei nawpa châ vei. Keimo la a tloh leipa hawhta a lâ hra sih la, nâmo chhâ ta hmo dopa nama tao thei nawpa ta a châ.

2 KAWRINI 6:8

rônahna nata nozana liata zy, reipachhiena nata reithaina liata zy, modypa ta eima y tyh. Chyhsa dopa châ pi ta, châhrasala chyhsa dôvei thaipa hawhta miah ama pachâ.

2 KAWRINI 8:18

A hnohta unawh pakha eima vaw tuah. Ano cha thâtihpha chhona kyh liata Awnanopa zydua ta ama reithaipa a châ.

2 KAWRINI 8:21

Abeipa mohmô lia dei châ leipa ta, chyhsa mohmô liata chhao adona palâsa eimâ chhuah.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

EPHESI 4:25

Chavâta haipa bâhsai u la, nama vaih hnohta biedopa reih chyu teh u. Pôhpa miakha tawhta a pachiahpa sai eima châ.

EPHESI 5:9

Khaihna theilâpa cha phana nata siana nata biehmeiseihpa to liata â lâ tyh.

EPHESI 6:14

Biehmeiseihpa ta nama chai a saih u la, siana chachôhna vyhphao a kypa ta a duah teh u.

RYHPACHANEINA 16:20

Nama hro thei nawpa nata Abeipa nama Khazohpa ta râh a cha piepa ei cha ryu ta nama to thei nawpa ta, adona, adona deita nama zi awpa a châ.

PHILIPI 3:1

Achhâna ta cha, unawh saih u, Abeipa liata a ly teh u. Bie hmopa nama hnohta ro chaneipa he, namâ boh nawpa a châpa vâta, kei châta noaichhihpa châ vei.

KAOLAOSÂ 4:5

Rypaohna patu thai lymâpa ta, khôtho chyhsazy liata so ngaitapa ta y teh u.

1 THYSALAWNIKA 4:12

Chatanachata khôtho chyhsazy hmiakô liata zachhihna hlao aw ei chi ta, ahy hmah a ngâchhâ aw veih ei chi.

1 TIMAWTHY 2:2

Thlalôhpa nata chhôhmohpa ta ypa ta, Khazohpa a pachâpa nata zachhihpazy eima châ lymâ thei nawpa ta, beizy nata biehneituhpa zydua châta thlahchhâ tyh awpa ta ei châ haw ei.

1 TIMAWTHY 3:11

Cha hawhna chata chanôzy chhao chyhsa zachhihpa, chyhsa kyh a reih leipa, a sohsi theipa nata ato liata ngâchhihpa ama châ awpa a châ.

1 TIMAWTHY 3:4

A chhôhkha khihsatôhtu a phapa ta mohôh thei ta, a sawzy ta zapa ta a rei amâ ngiahpa a châ awpa a châ.

1 TIMAWTHY 4:12

Thyutliapa na châpa vâta ahy hmahta cha mohnao khah ei sy. Bie rei kyh liata zy, yzie kyh liata zy, kyhpachâna kyh liata zy, ngiapâna nata pathaihna kyhzy liata ngiapâtuhpazy a mopâ awpa ta tlao y mah y.

1 TIMAWTHY 5:10

a sawzy a mohôhpa, khichhai a pasôpa, mopathaihpazy phei a pasipa, chyhsa nôpopazy a deichhypa nata hmo pha to taona liata a hmâhpa, hmo pha taona kyh liata reithai a hlaopa a châ khiahta cha, nôhmeizy hry liata pahlaopa châ mawh sy.

1 TIMAWTHY 5:2

Nôhrâhpazy nô hawhta moh la, chanô thyutliazy cha sietanôzy hawhta pathaih kawpa ta moh mah y.

TITU 1:8

Khichhai a pasôpa, phana a khohpa, a sohsi theipa, chyhsa siapa, chyhsa pathaihpa, sasyh a vao pahniepa a châ awpa a châ.

TITU 2:14

Ano cha paraona zydua tawhta miah chatlaituhpa châ ta, hmo pha taona kyh liata phahnai a ngiahpa, a ryuto phopi châta miah pathaisa awpa ta, anosasyh ta keimo châta a hlâpa a châ.

TITU 2:2

Pawhrâhpazy cha palôh pasohpa, zachhihpa, a sohsi theipa, ngiapâna patapa, kyhpachâna a hneipa nata daotheipa chyhsazy châ awpa ta pachu mah y.

TITU 2:7

Kyh to liata hmo pha taona liata a mopâ awpa ta y la, na pachuna liata adona nata zachhihna palâsa mah y.

TITU 3:14

Eima chyhsazy cha pathei leipa ta ama y lei nawpa ta, bao ngiahpazy bao ei sala, hmo pha taona liata a hmâ lymâ awpa ta a chu mawh ei sy.

HEBRAI 11:2

Cha ngiapâna vâna chata hlâno chyhsazy kha reithai ama hlao tyh.

HEBRAI 13:18

Thlah miah chhâpa teh u. Kyh to liata zachhihpa ta y a chhuah pi ta, chhie nata pha pahnona pasohpa eima hnei tahpa a siapa ta eima pahno.

ZÂMIE 1:27

Khazohpa nata Paw mohmô liata zyhna pathaihpa nata papuapalei leipa cha, Hâra nata nôhmeizy ama riethei pasataona liata deichhypa nata khizaw puapa kia leipa ta ypa he a châ.

ZÂMIE 3:17

Chô lâ tawhta sona a za tlôpa deikua cha, a hmiatua ta pathaih ta, thlalôhna ta pazi ta, a nônai ta, hmo yzie pahno thai ta, zawngiahna nata thei phapa ta bie ta, khokhei viapa hnei leipa ta, so piehpiepa châ vei.

1 PITY 1:22

Unawhzy kyhpachâna hmeiseihpa hnei awpa ta biehmeiseihpa zyh ei chi ta, nama thlahpa nama pathaisa ha tawhta cha, palôh pathaihpa nata hmeiseihpa ta kyh a pachâ raihrie muh vy.

1 PITY 2:12

Zenitaizy hry liata zachhihpa ta y teh u. Chatanachata moleina hmo a taopazy hawhta ama cha reipachhiepa chhao ta, nama hmo pha taopazy hmô aw ei ta, Khazohpa ta miah a vaw tly noh ta ano cha ama palyupalih thei aw.

1 PITY 4:8

Kyhpachâna ta moleina hluhpi khu ta, chavâta ato zydua hlâta kyhpachâna pachâ peimawh viapa ta, palôh hmeiseihpa ta kyh khâ a pachâ teh u.

2 PITY 3:1

Kho ngaitapa saih u, he he nama hnohta châpaphaopa ei no ei vaw rona a châ haw. A miano ta, nama pahno chiehpa pahno heih ta, nama palôh pathaihpa tha pathyu nawpa ta ei ropa a châ.

1 ZAWHÂNA 3:18

Sawzy saih u, bie nata reikah deita ta kyh a pachâ leipa sih la, hmotaopa nata biehmeiseihpa ta kyh a pachâ ei suh u.

1 ZAWHÂNA 3:3

Ahy rai ano liata hnabeiseihna a hneipa maih cha, ano a pathaihpa hawhta, anosasyh ta â pathaisa tyh.

1 ZAWHÂNA 4:1

Kho ngaitapa saih u, thlahpa momaih zo khuh vy. Hrohso pakheipa hluhpi khizaw liata ama vaw pua hapa vâta, thlahpazy cha Khazohpa tawhta a châ ma, châ vei ma tahpa pasia tyh muh vy.

RUTHI 3:11

Chavâta ei saw­chanô y, chi khah y, na reipa zydua cha na châta ei tao aw, eima khih chyhsa zydua ta chanô sia ngaitapa na châzie ama pahno khai.