PHILIPI 4:7 - Mara Bible RV (BSI)

⁷ Chatanachata Khazohpa thlalôhna, novâhna zydua hlâta sôh viapa ta nama palôh nata nama pachânazy cha Krista Zisu liata a cha vaipa lymâ aw ei.

PHILIPI 4:7 ပူးပေါင်းရင်းမြစ်များ

NEHEMIAH 8:10

Nehemiah ta ama hnohta, “Nama o lâ chyu a di u la, sa thawhpa kei nie u la, kresawhti thlôhpa doh u la, a chhuanoh hmâ leipazy hnohta niedozy paphao teh u. Tanoh he eima Beipa châta noh pathaihpa a châ hih. Pachârôhpa ta y khah u. Abeipa alyna cha nama thatlôna châ tlôh ta,” tah ta.

ZAWBÂ 22:21

“Khazohpa a ngiarih la, Ano nata aryhpa ta y mah y; Chatanachata na châta hmo phapa a vaw tlô aw.

ZAWBÂ 34:29

Châhrasala â chalih ha khiahta cha, Ahy ma thailei a pachâsa thei aw? A hmia a nyu ha khiahta cha, Ahy ma a hmô thei aw? Phopi ta hmô thei leipa aw ta, Chyhsapa ta hmô thei hra aw vei.

HLAZY 29:11

Abeipa ta a phopi hnohta thatlôna pie sala, Abeipa ta a phopi hnohta thlalôhna byhnâ pie mawh sy!

HLAZY 85:8

Zehôvâh Khazohpa ta bie a rei awpa cha ei nathlie aw; A phopi hnohta thlalôhna bie reih aw ta, A mopathaihpazy hnohta a reih aw; Âmo deikua cha hruna lâ a heih khao khah ei sy.

BIESOZY 2:11

Pahnona ta cha mokhâh aw ta, Novâhna ta a cha vaih aw.

BIESOZY 4:6

Sona cha siesai khah y, A cha hrôbieh lymâ aw; A kyh pachâ mah y, A cha vaih lymâ aw.

BIESOZY 6:22

Na sie nota cha chhihthapa ta, Nâ zia tita cha vaih aw ei ta, Na thyu tita bie ama châ chho aw.

ISAI 26:12

Hy Abeipa, thlalôhna miah pie mah y, Eima tao theipa zydua he, Nâ ta eima châta na taopa sai a châ.

ISAI 26:3

Hy Abeipa, a palôh nâ liata a sohpa cha, Nâ a cha ngâpa vâta, Vaih chi ta thlalôhpa ta na paysa tyh.

ISAI 45:7

Khaihna tao na ta, Zohna chhao ei paysa; Sivâphana patlôsa na ta, Chhiena chhao ei paysa; Kei he Abeipa, cha hmo zydua taotuhpa cha ei châ.

ISAI 48:18

Ei biepiepazy na vaw nathlie ha mawh sala, Na thlalôhna chavah hawhta châ aw ta, Na siana tilaipi chatlaopa hawhta a châ awpa tlai!

ISAI 48:22

“Moleipazy châta thlalôhna rai y vei,” Abeipa ta a tah.

ZEREMIAH 32:16

“Neriah sawchapawpa Bâruka hnohta chaleina ryuchâ ei pie khai tawhta, hetana heta Abeipa lâta thlah ei chhâ:

ZEREMIAH 33:6

Chatahrasala hnatlâna nata patlâhna vaw tlôkhei aw na ta, patlâh aw ei na ta, thlalôhna kipa nata abohna ei pahmôsa aw ei.

MALUHREINA 6:26

Abeipa ta nâmo lâ a vaw heih sala, Thlalôhna cha pie mawh ei sy!”

LUKA 1:79

Zohna liata a tyuhpazy khaihna piepa ta, Thina nohpahli liata a tyuhpazy pakhaihsa awpa ta, Thlalôhna lâpi liata eima pheizy chakâsa awpa ta,” tah ta.

LUKA 2:14

“Khazoh Chônôchaipa hnohta rônahna y sala, Lei chô liata â lypa chyhsazy hnohta thlalôhna y mawh sy!” tah ei ta.

ZAWHÂNA 14:27

Thlalôhna cha sopa ei na ta, keima thlalôhna ei cha pie ei. Khizaw ta a piepa hawhta cha pie veih ei na. Nama pathipalôh nôpo leipa sala, chi hra khah sy.

ZAWHÂNA 16:33

Keima liata thlalôhpa ta nama y thei nawpa ta, he biezy he nama hnohta ei reih. Khizaw liana heta riethei pasa taopa ta nama y aw. Châhrasala thlalôhpa ta y teh u, kei ta khizaw ei tiah haw,” tah ta.

RAWMA 1:7

Rawma khihpi liata Khazohpa kyhpachâpazy nata a mopathaihpazy châ awpa ta a awpa zydua ei châ naoh ei. Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

RAWMA 14:17

Khazohpa khinarâh cha nie nata do kyh châ vei. Siana nata thlalôhna nata Thlahpa Pathaihpa liata alyna zy tlao a châ.

RAWMA 15:13

Thlahpa Pathaihpa hmotaotheina zawhzi ta hnabeiseihna hluhpi nama hnei thei nawpa ta, hnabeiseihna Khazohpa ta, ano nama ngâpa hawhta, alyna nata thlalôhna ta cha pabie mawh ei sy.

RAWMA 5:1

Chavâta ngiapâna vâta thai eima châ ha tawhta cha, eima Beipa Zisu Krista zawhzi ta Khazohpa nata a ryhpa ta eima y haw.

RAWMA 8:6

Sapa hmo pachâna cha thina châ ta, Thlahpa hmo pachâna deikua cha, hrona nata thlalôhna a châ.

2 KAWRINI 10:5

Aeichhiana nata pachâna sâhpa hmâpa ta Khazohpa pahnona pakhâ achhuahnazy parao pi ta, pachâna to rai Krista reingiahna lâta eimâ chhi tyh.

2 KAWRINI 13:11

Achhâna ta, unawh saih u, a lypa ta y teh u. Phapaki a chhuah u la, thlah a palôh raihrie u la, palôh miakha phaohpa ta, adyryh kawpa ta y teh u. Kyhpachâna nata thlalôhna Khazohpa cha nama hnohta y mawh sy.

KALATIA 5:22

Thlahpa theilâpa deikua cha, kyhpachâna, thaphana, thlalôhna, daotheina, nôphana, phana, ngâchhihna,

EPHESI 3:19

Novâhna hlâta a sâh viapa Krista kyhpachâna pahno aw ei chi ta, Khazohpa pakina ta pabiepa nama châ aw.

PHILIPI 1:1

Pawla nata Timawthy, Krista Zisu chakaotuhpazy ta Philipi khih liata a ypa Krista Zisu liata mopathaihpazy, Awnanopa chhituhpazy nata chakaotuhpazy eima châ naoh.

PHILIPI 1:2

Khazohpa eima Paw nata Abeipa Zisu Krista tawhta ngiachhiena nata thlalôhna nama hnohta y mawh sy.

PHILIPI 4:19

Ei Khazohpa ta Krista Zisu liata a rônahna hneirôhzie lymâ hawhta namâ phahlana to liata a cha pazao aw ei.

PHILIPI 4:21

Krista Zisu liata mopathaihpa zydua kha nâ naohpa muh vy. Ei hnohta unawh a ypazy ta ama châ naoh.

PHILIPI 4:9

Keima liata hmo namâ chupa, nama daopa, nama theipa nata nama hmôpa zy kha tao tyh muh vy. Chatanachata thlalôhna Khazohpa ta a cha ypâ aw ei.

KAOLAOSÂ 3:15

Krista thlalôhna ta nama palôh liata ryureih mawh sy. Cha hawhta châ awpa ta pôhpa miakha liata awpa nama châ. Chavâta a ly teh u.

2 THYSALAWNIKA 3:16

Thlalôhna Beipa ta kyh to liata thlalôhna cha pie lymâ mawh ei sy. Abeipa cha nama zydua hnohta y mawh sy.

HEBRAI 13:20

Tahmâ he thlalôhna Khazohpa, eima Beipa Zisu athihpa hry tawhta a pahro heihpa, chhâzaw biehrai thisaih vâta mietaku vaituhpa rônahpa ta

ZUDÂH 1:1

Zisu Krista chakaotuhpa nata Zâmie unawhpa Zudâh ta Paw Khazohpa liata kyhpachâpa nata Zisu Krista châta awpa nata vaipa sahlaozy ei châ naoh ei.

BIEPHUAH 1:4

Kei, Zawhâna ta Asia râh liata awnanopa hlao sarizy ei châ naoh ei. Khazohpa a y haipa, a y hapa nata a vaw y awpa tawhta nata a beidyuchhai hmiakô liata thlahpa miasari a ypazy tawhta ngiachhiena nata thlalôhna nama hnohta y sala,

BIEPHUAH 2:17

Thlahpa ta Awnanopazy hnohta bie a reipa he nakhaoh a hneipa ta cha thei mawh sy. Pahnietuhpa hnohta mânâ nyupa pie aw na ta, lô ngyuhpa chhao ei pie aw. Cha alô chô liata moh thiehpa ropa châ ta, cha cha a totuhpa dei leipa ta cha ahy hmahta pahno veih ei,’ a tah na,” tahpa ta.